যিরমিয় 38:27 - Chakma Bible

²⁷ রাজার চাগরুনে বেক্কুনে যিরমিয় ইধু যেইনে পুযোর্ গুরিলে রাজা তারে যে কধানি কবাত্তে উগুম গোজ্যে যিরমিয় তারারে সে কধানি কলঅ। সেক্কে তারা তারে আর কিচ্চু ন-কলাক্, কিত্তে রাজা লগে তার কধাবাত্তানি কনজনে ন-শুনোন্।

যিরমিয় 38:27 Iomraidhean Croise

২ রাজাবলী 6:19

ইলীশায় তারারে কলদে, “ইয়েন্‌ সে পথ্‌তানঅ নয় আর সে শঅরানঅ নয়। তুমি আমা পিজে পিজে এজঅ; যে মানুচ্চোরে তুমি তগর্‌ মুই তাইদু তমারে নেযেম্‌।” ইয়েন্‌ কোইনে তে শমরিয়াত্‌ তারারে নেযেল।

যিরমিয় 38:25

যুনি রাজার চাগরুনে শুনোন্, মুই তঅ লগে কধা কোইয়োং, আর তারা এইনে তরে কন্, ‘তুই রাজারে যিয়েনি কোইয়োচ্ আর রাজা তরে যিয়েনি কোইয়্যে সিয়েনি আমারে কঅ; আমাত্তুন্ ন-লুগেচ্, লুগেলে আমি তরে মারে ফেলেবং,’

যিরমিয় 38:26

মাত্তর্ তুই তারারে কবে, ‘মুই রাজারে কোজোলী গোজ্যং মরে যেন যোনাথন ঘরত্ ফিরেই ন-পাদান, কিত্তে সিদু পাদেলে মুই মুরি যেম।’ ”

যিরমিয় 38:28

যেদক্ দিন সং বাবিলীয়গুনে যিরূশালেমান গজক্ গুরিলাক্ সেদকদিন সং যিরমিয় চুগিদারুনোর সেই উদোনত্ রলঅ।

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”