যিরমিয় 38:22 - Chakma Bible

²² যিহূদার রাজার রাজঘরর্ বাদবাগি মিলেগুনোরে বাবিল রাজার সেনাপতিবো ইধু নেযা অবঅ। সে মিলেগুনে তরে কবাক্, ‘তর্ লগে সমাজ্যেগুনে তরে ভান্ন্যেই পধেদি নেযেয়োন, তরে ওদেই দুয়োন্। ফুট্‌তোই তঅ টেঙানি গারা যেইয়্যে; তঅ সমাজ্যেগুনে তরে ফেলেই যেইয়োন।’

যিরমিয় 38:22 Iomraidhean Croise

ইয়োব 6:15

মাত্তর্‌ মঅ‌ সমাজ্যেগুনো উগুরে দঅ‌ বিশ্বেজ্ গরা ন-যায়; তারা এন্‌ গঙার ধোক্ক্যেন্‌ যিয়েন্‌ পেরায় বন্ধ ওই যায়, আরঅ মাঝে মধ্যে ডাগেত্তুন্‌ ঠিলি উদোন্‌।

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

গীতসংহিতা 69:14

ফুদোত্তুন্ মরে উদ্ধোর গর্, মরে ডুবিবাত্তে ন-দিচ্; মঅ শত্রুগুনোর আঢত্তুন্ তুই মরে উদ্ধোর গর্, উদ্ধোর গর্ গভিন পানি ভিদিরেত্তুন্।

গীতসংহিতা 69:2

মুই গভিন পুদোত্ ডুবঙর্, সিয়েনত্ মর্ থিয়্যেবার জাগা নেই। মুই গভিন পানিত্ এইনে পোজ্যং; বান পানিয়ে মঅ উগুরেন্দি বেই যার্।

যিশাইয় 42:17

মাত্তর্ যিগুনে বানেয়্যে মূত্তি উগুরে বিশ্বেজ্ গরন, যিগুনে ছাজিনে ঢাল্যে মূত্তিগুনোরে কন্, তুমি আমার দেবেদা, মুই তারারে অমকদ লাজত্ ফেলেইনে ফিরেই দিম্।

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 27:14

সেই ভাববাদীগুনোর কধা ন-শুনিবা যিগুনে তমারে কন, ‘তুমি কনদিন্‌অ বাবিলো রাজার চাগর ন-অবা’; তারা তমা ইধু মিজে আগাম্ কধা কন।

যিরমিয় 27:15

লগেপ্রভু কোইয়্যেদে, ‘মুই তারারে ন-পাদাং। তারা মঅ নাঙে মিজে আগাম্ কধা কন। সেনত্তে মুই তমারে আর তমা ইধু যিগুনে আগাম কধা কন সেই ভাববাদীগুনোরে দুর্ গুরি দিম আর তুমি বেক্কুনে ভস্ত ওই যেবা।’ ”

যিরমিয় 38:19

রাজা সিদিকিয় সেক্কে যিরমিয়রে কলঅ, “যিদুক্কুন যিহূদী বাবিলীয়গুনো ইধু যেইয়োন মুই তারারে দরাং, কিত্তে বাবিলীয় অয়ত মরে তারা আঢত্ তুলি দিবাক্ আর তারা মঅ লগে ভান্ন্যেই বেবহার গুরিবাক্।”

যিরমিয় 38:21

মাত্তর্ যুনি উদিই ন-যেইনে অস্বিগের গরচ্ সালে লগেপ্রভু মইধু যিয়েন ফগদাং গোজ্যে সিয়েন ইয়েন-

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

যিরমিয় 43:6

ইগুনে সেবাবোত্যে মরদ, মিলে, ঝি-পুয়ো আর রাজার ঝি, যিগুনোরে রাজার রোক্ষ্যেদলর সেনাপতি নবূষরদনে গদলিয় আঢত্ থোই যেইয়্যে এলাক্। ইগুনো সমারে ভাববাদী যিরমিয় আর বারূকরেয়ো নেযা অলঅ।

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 46:5

মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 6:12

যিগুনে দেজত্ বজত্তি গরন তারা বিরুদ্ধে যেক্কে মুই সাজা দিবার আঢ্‌তান বাবেই দিম্ সেক্কে অন্যগুনো আঢত্ তারার ঘরানি, ভূইয়ানি আর মোগ্‌‍‍কুনোরে তুলি দিয়্যে অবঅ।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

আবিলেচ্ 1:13

তে উগুরেত্তুন্ মঅ আড়্‌গড়াগুনো ভিদিরে আগুন পাদেয়্যে। মঅ টেঙানিত্তে তে জাল বিজেয়্যে আর মরে পিজেদি ফিরদে বাধ্য গোজ্যে। তে মরে মানুচ্ নেইয়্যে গোজ্যে, গদাদিন্নো বল্‌‌‌পোজ্যে গুরি রাগেয়্যে।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 5:11

সিয়োনত্ মিলেগুনোরে বর্‌বাত্ লাগা ওইয়্যে; যিহূদার আদামত্ আর শঅরত্ বর্‌বাত্ লাগা ওইয়্যে গাবুজ্যে মিলেগুনোরে।

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,