যিরমিয় 38:2 - Chakma Bible

² যিরমিয় কোইয়্যেদে, “লগেপ্রভু এ কধাগান কোইয়্যেদে, ‘যে কনজনে এ শঅরত্ থেবাক্ তে অয় যুদ্ধোত্ নয় ভাদরাদত্ বা ভানালোই মুরি যেবঅ, মাত্তর্ যে কনজনে বাবিলীয়গুনো ইধু যেবঅ তে ন-মুরিবো। তে তার পরাণান্ কনমতে বাঁজেই পারিবো।

যিরমিয় 38:2 Iomraidhean Croise

যিরমিয় 21:4

ইস্রায়েলর গোজেন লগেপ্রভু এ কধাগান কোইয়্যেদে, ‘বাবিল রাজা আর যে বাবিলীয়গুনে দেবাল বারেত্তুন্ তরে আক্রমন গত্তন্ সিগুনো বিরুদ্ধে যুদ্ধোত্তে তঅ আঢত্ যে আত্যেরানি আঘে সিগুনোর মুয়োনি মুই ঘুরেই দিম আর শঅর ভিদিরে সিগুনোরে এগত্তর্ গুরিম।

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 27:11

মাত্তর্ যুনি কনঅ জাদে বাবিলোর রাজার জুঙোল তলে গত্তনাবো লঙান্ আর তার চাগর্ অন সালে মুই সে জাদ্‌তোরে তার নিজোর দেজত্ থেবাত্তে দিম্ যেনে তারা সিধু খেত্-খেত্তি আর বজত্তি গুরি পারন। মুই লগেপ্রভু এ কধাগান কঙর্।’ ”

যিরমিয় 27:13

যে জাদ্‌তো বাবিলো রাজার চাগর্ ন-অবঅ তা বিরুদ্ধে লগেপ্রভু যিয়েন কোইয়্যে সেবাবোত্যে কিত্তে তুই আর তঅ মানুচ্চুনে যুদ্ধো, ভাদরাত আর ভানালোই মুরি যেবাক্?‌

যিরমিয় 29:16

মাত্তর্ দায়ূদোর সিংহাসনত্ বোস্যে রাজার পৌইদ্যেনে আর এ শঅরর্ বাদবাগি বেক্ মানুচ্চুনো পৌইদ্যেনে, অত্তাৎ তমা দেজর্ মানুচ্ যিগুনে তমা লগে বন্দী ওইনে ন-যান তারার বেক্কুনো পৌইদ্যেনে লগেপ্রভু কোইয়্যেদে,

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

যিরমিয় 34:17

সেনত্তে মুই কঙর্, তুমি মর্ বাধ্য ন-অ, কিত্তে তমা জাদ্ ভেইয়ুনোত্তে তুমি উদ্ধোর্ অনা ফগদাং ন-গরঅ। সেনত্তে মুই ইক্কিনে তমাত্তে উদ্ধোর্ অনা ফগদাং গরঙর্; সেই উদ্ধোরান্ অলঅ যুদ্ধো, ভানা আর ভাদরাদর্ আঢত্ পড়িবার উদ্ধোর্। মুই তমা অবস্থাগানি এবাবোত্যে গুরিম যিয়েন দেগিনে পিত্‌‍থিমীর বেক্ রেজ্যর মানুচ্চুনে দরে কিয়্যে জাগেরে উদিবাক্।‍

যিরমিয় 39:18

মুই হামাক্কায় তরে রোক্ষ্যে গুরিম; তরে মারে ফেলা ন-অবঅ, বরং তুই কনবাবদে তঅ পরাণান্ রোক্ষ্যে গুরিবে, কিত্তে তুই মঅ উগুরে বিশ্বেজ্ গোজ্যস্। মুই লগেপ্রভু এ কধাগান কঙর্।’ ”

যিরমিয় 42:17

এ কধাগান সত্য যে, যিগুনে মিসরত্ যেইনে বজত্তি গুরিবাক্ বিলি ঠিগ্ গোজ্যন তারা বেক্কুনে সিদু যুদ্ধোত্, ভাদরাদত্ আর ভানালোই মুড়ি যেবাক্; যে দজাগান মুই তারা উগুরে আনিম সিয়েনত্তুন্ তারার একজনঅ ন-বাঁজিবাক্ বা সিয়েন ছাড়িয়ো ন-পারিবা।

যিরমিয় 42:22

সেনত্তে ইক্কিনে তুমি হবর্ রাগ, তুমি যে জাগানত্ যেইনে বজত্তি গুরিবাত্তে চঅ সিয়েনত্ তুমি যুদ্ধো,ভাদরাত্ আর ভানালোই মারা পড়িবা।”

যিরমিয় 44:13

মুই যেবাবোত্যেগুরি যিরূশালেমানরে সাজা দুয়োং, যিগুনে মিসরত্ বজত্তি গরদন্ তারারে মুই সেবাবোত্যেগুরি যুদ্ধোত্, ভাদরাদত্ আর ভানালোই সাজা দিম্।

যিরমিয় 45:5

সালে তুই কেধোক্ক্যেন গুরি নিজোত্তে গুণোর্ গুণোর্ পৌইদ্যেনে আজা গরর্? সিয়েনি ন-গুরিচ্। মনত্ রাগেচ্, বেক্ মানুচ্চুনো উগুরে মুই দযাগান্ আনিম, মাত্তর্ তুই যিদু যেদে সাৎ মুই তরে পরাণে বাঁজেই রাগেম। মুই লগেপ্রভু এ কধাগান কঙর্।’ ”

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 6:11

সে পরেদি প্রভু লগেপ্রভু মরে কোইয়্যেদে, তুই আঢত্ আঢ্ দিইনে আর মাদিত্ টেঙ্ দিইনে জোরে আঘাত্ গর্ আর ইস্রায়েল জাদর্ বেক ভান্ন্যেই আর জঘন্য কামানিত্তে জোরে জোরে হাহাকার গর্, কিত্যে তারা যুদ্ধোত্,ভাদরাদে আর ভানালোই মুরিবাক্।

যিহিষ্কেল 7:15

শঅর বারেদি রোইয়্যেদে যুদ্ধো আর ভিদিরে রোইয়্যেদে ভানা আর ভাদরাত্; যিগুনে বারেদি থেবাক্ তারা যুদ্ধোত্ মুরি যেবাক্, আর যিগুনে শঅরত্ থেবাক্ ভাদরাদে আর ভানাই তারারে গজক্ গুরিবো।