যিরমিয় 38:19 - Chakma Bible

¹⁹ রাজা সিদিকিয় সেক্কে যিরমিয়রে কলঅ, “যিদুক্কুন যিহূদী বাবিলীয়গুনো ইধু যেইয়োন মুই তারারে দরাং, কিত্তে বাবিলীয় অয়ত মরে তারা আঢত্ তুলি দিবাক্ আর তারা মঅ লগে ভান্ন্যেই বেবহার গুরিবাক্।”

যিরমিয় 38:19 Iomraidhean Croise

২ বংশধর 30:10

হবর্‌ বোইয়্যেগুনে ইফ্রয়িম আর মনঃশির বেক্‌ আদাম আর শঅরত্‌ আর সবূলূন সং গেলাক্, মাত্তর্‌ সিদুগোর্‌ মানুচ্চুনে তারারে ইংসে-নিন্দে গরা ধুরিলাক্‌।

নহিমিয় 4:1

আমি আরঅ দেবালান্‌ বানের্‌ শুনিনে সন্‌বল্লটে রাগে আগুনো ধোক্কেন্‌ ওই গেলঅ আর অমকদ বেজার্‌ অলঅ। তে যিহূদীগুনোরে ঠাট্টা গরা ধুরিলো।

ইয়োব 31:34

সেনত্তে মুই মানুচ্চুনোরে ন-দোরেদুং, আর মঅ বংশর মানুচ্চুনোর ঘিনেনার দরে মুই ঘরত্ জুরো গুরি বুয়োই ন-থেদুং।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

যিরমিয় 20:7

ও লগেপ্রভু, তুই মরে ভুলেয়োচ্ বিলিনে মর্ এ অবস্থা ওইয়্যে; তুই মত্তুন বেশ্ খেমতাবলা বিলিনে তুই জিত্যস্। মুই সারা দিন ঈচ্ গরা হেইয়্যে মানুচ্ ওইয়োং; বেক্কুনে মরে ঈচ্ গরন।

যিরমিয় 38:22

যিহূদার রাজার রাজঘরর্ বাদবাগি মিলেগুনোরে বাবিল রাজার সেনাপতিবো ইধু নেযা অবঅ। সে মিলেগুনে তরে কবাক্, ‘তর্ লগে সমাজ্যেগুনে তরে ভান্ন্যেই পধেদি নেযেয়োন, তরে ওদেই দুয়োন্। ফুট্‌তোই তঅ টেঙানি গারা যেইয়্যে; তঅ সমাজ্যেগুনে তরে ফেলেই যেইয়োন।’

যিরমিয় 38:5

জোবত্ রাজা সিদিকিয় কলঅ, “তে দঅ তমা আঢত্ রোইয়্যে; রাজা তমা বিরুদ্ধে যেই ন-পারে।”

যিরমিয় 39:9

সে অক্তত্ যিগুনে শঅরত্ থেলাক্, যিগুনে বাবিলর্ তপ্পে যেইয়োন আর দেজর্ বাদ্‌বাগি মানুচ্চুনোরে বাবিল রাজার চুগিদারুনোর সেনাপতি নবূষরদনে বন্দী গুরিনে বাবিলত্ নেযেল।

যোহন 12:42

তো নেতাগুনোত্তুন্ ভালোক্‌জনে যীশু উগুরে বিশ্বেজ্ গুরিলাক্, মাত্তর্ ফরীশীগুনে সমাজত্তুন্ তারারে নিগিলেই দিবাক্ সেই দরে তারা সিয়েন্ স্বীগের্ ন-গুরিলাক্।

বিচের গুরিয়্যেগুন 16:25

পরেন্দি তারা হুজি ওই উদিনে ইয়েন কোইনে জগার্‌ পারিলাক, “শিম্‌শোনরে নিগিলেনে আনা ওক্‌; আমি তামাজা চেবং।” সেনত্তেই তারা হ্‌জদত্তুন্‌ শিম্‌শোনরে নিগিলেই আনিলাক্‌ আহ্‌ শিম্‌শোনে তারারে তামাজা দেগা ধুরিলো। তারা শিম্‌শোনরে খুদোগুনোর সংমোধ্যে থিয়্যেই রাগেলাক্‌।

বিচের গুরিয়্যেগুন 9:54

অবীমেলকে যাদিমাদি তার আত্যার্‌-বোইয়্যে গাবুজ্যেবোরে কলঅ, “তঅ তলোয়ারান নিগিলেনেই মরে মারে ফেলা যেনে তারা কোই ন-পারন্‌, ‘এক্কো মিলে আঢত্‌ তে মারা পোজ্যে।’” সেনত্তেই সে গাবুজ্যেবো তারে তলোয়ারান্দোই এফুড়-উফুড় গুরি দিলো আর সেক্কে তে মুরি গেলঅ।

১ শমূয়েল 15:24

শৌল সেক্কে শমূয়েলরে কলঅ, “মুই পাপ গোজ্যং। লগেপ্রভুর উগুম আর তর্‌ উগুম মুই হামাক্কায় অমান্য গোজ্যং। মানুচ্চুনোর দরে মুই তারার কধা মজিম্ কাম গোজ্যং।

১ শমূয়েল 31:4

শৌল সেক্কে তার অাত্যের্ বুয়োইয়্যে মানুচ্চোরে কলঅ, “তর্‌ লাম্বা ছুড়িগান নিগিলেনে মর্‌ কিয়্যেগান এফুর্‌-উফুর্‌ গুরি দে। সিয়েন ন-গুরিলে সেই চুনুগুলোবোর্ মাঢাবোর চামান্ ন-কাপ্যে মানুচ্চুনে এইনে মর্‌ কিয়্যেগান এফুড়-উফুড় গুরিবাক্‌ আর মরে অগমান গুরিবাক্‌।” মাত্তর্‌ তার অাত্যের্ বোইয়্যেবো সিয়েন্‌ গুরিবাত্যে রাজী ন-অলঅ, কিত্যে তে অমকদ দোরেইয়্যে। সেক্কে শৌল তার লাম্বাছুড়িগান্‌ লোইনে নিজেই তা উগুরে পড়িলো।