যিরমিয় 38:16 - Chakma Bible

¹⁶ সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিরমিয় 38:16 Iomraidhean Croise

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিরমিয় 34:20

সেনত্তে যিগুনে তারারে মারে ফেলেবাত্তে চান সে শত্রুগুনো আঢত্ মুই তারারে তুলি দিম। তারার মরাকিয়্যেনি অবঅ আগাজর্ পেগ্‌কুনোর আর ঝার্‌‍‍‍বো য়েমানুনোর হানা। ‍

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

প্রেরিত্‌ 17:25

তার কনঅ অভাব নেই, সেনত্তে মান্‌জ্য আঢত্তুন্ পূজো গুজি লবার্‌‌‌অ তার দরকার্ নেই, কিয়া তেয়ই বেক্‌ মানুচ্চুনোরে জিংকানি, পরাণান্ আর অন্য বেক্কানি দান গরে।

প্রেরিত্‌ 17:28

কিয়া তা বল্লোই আমি জিংকানি কাদেই আর আঢাউদো গুরিই আহ্ জেদায়ো থেই। তমারে কয়েক্কো কবিয়ো কোইয়োন, আমিয়ো তার্ পুয়ো।

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?