যিরমিয় 37:15 - Chakma Bible

¹⁵ সে রাজার চাগরুনে যিরমিয় উগুরে রাগ গুরিনে তারে পিদে ধুরিলাক্ আর লিগিয়্যে যোনাথন ঘরত্ তারে বানি রাগেলাক্; সিয়েনরে তারা জেলখানা বানেয়োন।

যিরমিয় 37:15 Iomraidhean Croise

পত্থম 39:20

সেক্কে পোটীফরে যোষেফরে জেলোত্‌ দিলো। সে জাগানত্‌ রাজ্‌ বন্দীগুনোরে বানি রাগা অদঅ। মাত্তর্‌ জেলো ভিদিরেয়ো লগেপ্রভু যোষেফ লগে লগে এলঅ। তে তা উগুরে বিশ্বেজ্ রাগেল আর এধোক্ক্যেন গুরিলো যেন যোষেফে জেলখানাত্‌ রাগেয়্যে দাঙর্ নেতাবো গম চোগেদি দেগে।

২ বংশধর 16:10

এ কধাগান শুনিনে আসা সে দর্শক উগুরে অমকদ রাগ্‌ গুরিনে তারে জেল্‌খানাত্‌ পাধেই দিলো। একই সময়োত্‌ আসা কয়েক্কো মান্‌জ্য উগুরে অত্যেচার্‌ গুরিলো।

২ বংশধর 18:26

তারারে কঅ রাজা কোইয়্যেদে এ মানুচ্চোরে যেনে জেলোত্‌ রাগা অয় আর রাজা গমেডালে ফিরি ন-এযানা সং তারে কিজু পানি আর কিজু রুটি বাদে আর কিচ্ছু দিয়্যে ন-অয়।”

যিরমিয় 18:23

মাত্তর্ ও লগেপ্রভু, মরে মারেই ফেলেবাত্তে এই বেক্ কুজুরোমির কধানি দঅ তুই হবর্ পাজ। তারার এই অন্যেয়ানি তুই খেমা ন-গুরিচ্ বা তঅ চোগো মুজুঙোত্তুন তারার পাব্‌‌‌‍‍‍‍পানি পুজি ন-ফেলেচ্। তঅ মুজুঙোত্ তারা পড়ি যাদোক্; তর্ রাগর সময়োত্ তুই তারারে সাজা দিচ্।‍

যিরমিয় 26:16

সেক্কে রাজকর্মচারীগুনে আর বেক মানুচ্চুনে ধর্মগুরু আর ভাববাদীগুনোরে কলাক্, “এ মানুচ্চো মরণর সাজা পেবার যগাজ্যে নয়। তে আমার গোজেন লগেপ্রভুর নাঙে আমা ইধু কধা কোইয়্যে।”

যিরমিয় 32:2

বাবিলোত্ রাজার সৈন্যদলুনে সেক্কে যিরূশালেমান ঘিজ্যন্ আর যিরমিয় যিহূদার রাজঘরর্ চুগিদারুনো উদোনত্ বন্দী এলাক্। তে সিয়েনত্ এলঅ,

যিরমিয় 37:20

মাত্তর্ ইক্কিনি ও মর্ প্রভু মহারাজ, দোয়্যে গুরি শুন। তইধু মুই মর্ এ কোজোলীগান রাগাঙর্, তুই মরে লিগিয়্যে যোনাথন ঘরত্ আর্ ন-পাদেবে, পাদেলে মুই সিদু মুরি যেম্।”

যিরমিয় 37:4

যিরমিয় সে সময়োত্ মানুচ্চুনো ইধু গমেডালে যানা-এযানা গুরিদো, কিত্তে সেক্কেয়ো তারে জেলোত্ দিয়্যে ন-অয়।

যিরমিয় 38:26

মাত্তর্ তুই তারারে কবে, ‘মুই রাজারে কোজোলী গোজ্যং মরে যেন যোনাথন ঘরত্ ফিরেই ন-পাদান, কিত্তে সিদু পাদেলে মুই মুরি যেম।’ ”

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

যিরমিয় 39:15

যিরমিয় যেক্কে চুগিদারুনো উদোনত্ বন্ধী এলঅ সেক্কে লগেপ্রভুর এই কধাগান তাইধু ফগদাং ওইয়্যে,

মথি লেখ্যে গম্ হবর্ 21:35

চাষাবলাগুনে তা চাগরুনোত্তুন্ একজনরে ধুরিনে মারিলাক্, একজনরে খুন্ গুরিলাক্ আর অন্য আর একজনরে পাত্তর্ মারিলাক্।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

লূকে লেখ্যে গম্ হবর্ 22:64

তারা যীশু চোগ্‌কুন্ বানিনে কলাক্, “কঅ দে চেই, কন্না তরে মারিলো?”

যোহন 18:22

যীশু যেক্কে এ কধাগান্ কলঅ সেক্কে যে কাম্‌গুরিয়্যেগুনে কায়-কুরে থিয়্যেই এলাক্ তারাত্তুন্ একজনে তারে চুয়োর্ মারিনে কলঅ, “তুই দাঙর্ ধর্মগুরুবোরে এবাবোত্যেগুরি জোব্ দোত্তে?”

প্রেরিত্‌ 5:18

তারা দিপাধেয়্যে প্রচারক্কুনোরে ধুরিনে সরকারী জেলোত্ দিলাক্।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।