যিরমিয় 37:13 - Chakma Bible

¹³ মাত্তর্ যেক্কে তে বিন্যামীন-গেদোত্ লুমিলো সেক্কে যিরিয় নাঙে চুগিদারুনোর্ সেনাপতিবো তারে ধুরিনে কলঅ, “তুই বাবিলীয়গুনোর্ তপ্পে যর্।” এ যিরিয় অলদে শেলিমিয়র পুয়ো, শেলিমিয় হনানিয়র পুয়ো।

যিরমিয় 37:13 Iomraidhean Croise

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 20:2

তে ভাববাদী যিরমিয়রে পিদিনে লগেপ্রভুর ঘর কুরে অজল্ জাগায়ানত্ বিন্যামীন-গেদো কুরে মোয়্যে কুদোবোত্ বানি রাগেল।

যিরমিয় 21:9

যে কনজনে এ শঅরত্ থেবঅ তে যুদ্ধোত্ বা ভাদরাদে বা ভানালোই মুরি যেবঅ, মাত্তর্ যে কনজনে বারেদি নিগিলিনে তমা আক্রমণ গুরিয়্যে বাবিলীয়গুনো আঢত্ নিজোরে তুলি দে তে বাঁজিবো; তে তা পরাণান বাঁজেই পারিবো।

যিরমিয় 27:6

ইক্কিনে মুই তমার বেক দেজ্‌চানি মর্ চাগর বাবিলোর রাজা নবূখদ্‌নিৎসরর আঢত্ তুলি দিম; এন্ কি, ঝার্‌বো এ্যামানুনোরেয়ো মুই তা অধীনোত্ গুরিম।‌‍‌‌‌‌‍‍‍‌‍‌‌‌‌‍‍

যিরমিয় 28:14

মুই ইস্রায়েলর গোজেন বেগত্তুন খেমতাবলা লগেপ্রভু কঙর্, এ জাদ্‌তুনে যেনে বাবিলোর রাজা নবূখদ্‌নিৎসরর চাগর্ অন্ সেনত্তে মুই তারার গত্তনাগুনোত্ লুয়োর্ জুঙোলান চাপি দিম্, আর তারা তার্ সেবা গুরিবাক্‌‍‍‍কে গুরিবাক। এন্ কি, মুই তারে ঝার্‌‍বো এ্যামানুনো উগুরেয়ো সদ্দার্ বানেম‍।’ ”

যিরমিয় 36:12

সেক্কে তে রাজঘর ভিদিরে লিগিয়্যেবোর ঘুদিবোত্ গেলঅ; সিদু বেক রাজার কামগুরিয়্যেগুন, অত্তাৎ লিগিয়্যে ইলীশামা, শময়িয়র পুয়ো দলায়, অক্‌বোরর পুয়ো ইল্‌নাথন, শাফনর পুয়ো গমরিয়, হনানিয়র পুয়ো সিদিকিয় আর অন্য বেক্ রাজার কামগুরিয়্যেগুন বুয়োই এলাক্।

যিরমিয় 38:1

যিরমিয় যেক্কে বেক মানুচ্চুনো মুজুঙোত্ কধা কোইয়্যে সেক্কে মত্তনর্ পুয়ো শফটিয়, পশ্‌হূর পুয়ো গদলিয়, শেলিমিয় পুয়ো যিহূখল আর মল্কিয়র পুয়ো পশ্‌হূরে সিয়েন শুনিলাক্।

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

যিরমিয় 38:7

মাত্তর্ রাজঘরর এক্কো চাগরে কূশীয় এবদ-মেলকে শুনিলো, যিরমিয়রে কূয়োত্ ফেলেই দিয়্যে ওইয়্যে; সেক্কে রাজা বিন্যামীন গেট্টোত্ বুয়োই এলঅ।

আবিলেচ্ 4:18

মান্‌জ্যে আমাত্তেই হাফ্ দি থেদাক্, সেনত্তে আমি আমা মেলা জাগানিত্ আঢি ন-পারিদোং। আমা শেজ কাল কায়-কুরে এলঅ, আমা দিনুন্ ফুরেই যেইয়্যে, কিত্যে আমার শেজ সময়ান্ লুম্মেগি।

আমোষ 7:10

পরেদি বৈথেল ধর্মগুরু অমৎসিয় ইস্রায়েল রাজা যারবিয়াম ইধু এ হবরান পাদেল, “আমোষে ইস্রায়েল ভিদিরে তঅ বিরুদ্ধে এক্কান কুজুরোমী গোজ্যে। দেজ মানুচ্চুনে তার কনঅ কধা সোজ্য গুরি ন-পারদন্।

সখরিয় 14:10

যিরূশালেমর্ দোগিণে গেবাত্তুন্ রিম্মোণ সং অরাবা সংজাগান ধোক্ক্যেন্ অবাক্, মাত্তর্ যিরূশালেমান অজল্ থেবঅ। বিন্যামীন-গেদোত্তুন্ পত্তম গেইট্ আর কুণো গেইট্টো সং আর হননেলের অজল্ চুগিদার-ঘরত্তুন্ রাজার আংগুর মারেদে জাগান সং গোদা শঅরান্ ঠিগ্ থেবঅ।

লূকে লেখ্যে গম্ হবর্ 23:2

তারা ইয়েন্ কোইনে যীশুর্ বিরুদ্ধে নালিচ্‌ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”

প্রেরিত্‌ 24:13

ইক্কিনে মঅ বিরুদ্ধে তারা যে দুষ্‌চান দেগাদন্ সিয়েনর্ প্রমাণ তারা তইধু দি ন-পারিবাক্।

প্রেরিত্‌ 6:11

সেক্কে সেই যিহূদীগুনে ভিদিরে ভিদিরে কয়েক্কো মান্‌জ্যরে এ কধাগান কবাত্যে ভেজেই দিলাক্, “আমি স্তিফানরে মোশি আর গোজেন বিরুদ্ধে অগমান কধা কধে শুন্ন্যেই।”

২ করিন্হীয় 6:8

মান্‌জ্যে আমারে সর্মান গোত্তোক্ বা অসর্মান গোত্তোক্, আমা পৌইদ্যেনে গম্ কোদোক্ বা ভান্ন্যেই কোদোক্, আমি প্রমাণ গুরিত্তে, আমি গোজেনর্ সেবাগুরিয়্যে। মান্‌‌জ্যে আমারে পাজি কন্, মাত্তর্ আসলে আমি সত্যর্ পধেদি চুলির্।