যিরমিয় 37:10 - Chakma Bible

¹⁰ যে বাবিলীয় সৈন্যগুনে তমারে আক্রমণ গোজ্যন্ তুমি যুনি তারারে বেক্কুনোরে ওদেই দুয়ো আর বানা তারার আহত মানুচ্চুনে তাম্বুলোত্ পড়ি থান, সালে তারা নিগিলি এইনে এ শঅরান পুড়ি ফেলেই দিবাক্।’ ”

যিরমিয় 37:10 Iomraidhean Croise

যিশাইয় 10:4

তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিশাইয় 13:15

যিগুনোরে পাহ্ যেবঅ তারারে আত্যের্‌লোই গুলি গরা অবঅ; যিগুনোরে ধরা অবঅ তারা তলোয়ার্‌লোই মারা পড়িবাক্।

যিশাইয় 14:19

মাত্তর্ তরে গাজর্ বাদ দিয়্যে ডেলা ধোক্ক্যেন্ গোর বারেদি ফেলেই দিয়্যে ওইয়্যে। তলোয়ার্‌লোই যিগুনোরে মারে ফেলেইনে গোরর্ বেগত্তুন্ তলে জাগানত্ পাদা ওইয়্যে তারা কিয়্যেগানিলোই তুই নাঢা যেইয়োচ্। তুই টেঙোই মাজ্যে মরাকিয়্যে ধোক্ক্যেন্ ওইয়োচ্।

যিশাইয় 30:17

একজন দরে তমাত্তুন্ আজার্ জন ধেই যেবাক্ আর পাচজন দরে তুমি বেক্কুনে ধেই যেবা; সেক্কে তমা সৈন্যদলত্ মুড়োবো উগুরে বাবতা খুদোবো বাদে আর কিচ্ছু ন-থেবঅ।

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 37:11

ফরৌণর সৈন্যদলুনোর কারনে বাবিলীয় সৈন্যদলুনে যিরূশালেমান্ ফেলেই যানার পরেদি যিরমিয় বিন্যামীন চাগালা ভিদিরে তা সোম্বোত্তিগানি গজক্ গুরিবাত্তে যিরূশালেমান্ ছাড়িনে রওনা অলাক্।

যিরমিয় 37:8

সে পরেদি বাবিলীয়গুনে ফিরি এইনে এ শঅরান আক্রমণ গুরিবাক্; তারা ইয়েন গজক্ গুরিনে পুড়ি ফেলেই দিবাক্।

যিরমিয় 49:20

সেনত্তে ইদোম বিরুদ্ধে লগেপ্রভু কি পরিকল্পনা গোজ্যে, তৈমন আদাম্মেগুনো বিরুদ্ধে তে কি ঠিগ্ গোজ্যে সিয়েন শুনো-পালর ছঅগুনোরে টানি নেযা অবঅ; তারার কামানিত্তে তারার চোড়েয়্যে জাগায়ানি তে এক্কুবারে ভস্ত গুরি দিবো।

যিরমিয় 50:45

সেনত্তে বাবিল বিরুদ্ধে লগেপ্রভু কি পরিকল্পনা গোজ্যে, বাবিলীয়গুনো বিরুদ্ধে তে কি ঠিগ্ গোজ্যে সিয়েন শুনো-পাল ছঅগুনোরে টানি নেযা অবঅ; তারার কামানিত্তে তারার চোড়েয়্যে ভূইয়ানি তে এক্কুবারে ভস্ত গুরি দিবো।

যিরমিয় 51:4

তারা বাবিল পধে পধে অমকদ আঘাত্ পেইনে মুরিনে পড়ি থেবাক্।

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?