যিরমিয় 37:1 - Chakma Bible

¹ বাবিলর রাজা নবূখদ্‌নিৎসরে যোশিয়র পুয়ো সিদিকিয়রে যিহূদার রাজা বানেল, সেনত্তে সিদিকিয় যিহোয়াকীমর পুয়ো কনিয়র, অত্তাৎ যিহোয়াখিনো জাগানত্ রাজাগিরি গরা ধুরিলো।

যিরমিয় 37:1 Iomraidhean Croise

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ রাজাবলী 24:17

তে যিহোয়াখীনোর জাগানত্‌ তা কুদ্‌‌তোবোয়ো মত্তনিয়রে রাজা বানেল আর তা নাঙান বদলে সিদিকিয় রাগেল।

যিরমিয় 21:1

যেরেদি লগেপ্রভুর কধাগান যিরমিয় ইধু ফগদাং অলঅ। সে অক্তত্ রাজা সিদিকিয় মল্কিয়র পুয়ো পশ্‌হূররে আর মাসেয়র পুয়ো ধর্মগুরু সফনিয়রে যিরমিয় ইধু এ কধাগান কবাত্তে পাদেল,

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

যিরমিয় 24:1

বাবিলর রাজা নবূখদ্‌নিৎসরে যিহোয়াকীমর পুয়ো যিহূদার রাজা যিহোয়াখীন আর যিহূদার রাজা যিহোয়াখীন আর যিহূদার রাজকর্মচারীগুন, কালিগর আর কর্মকারুনোরে যিরূশালেমত্তুন বাবিলোত্ বন্দী গুরি নেযানার পরেদি লগেপ্রভু মরে তা ঘর মুজুঙোত্ থোইয়্যে দ্বিকাল্যং ডোমোর গুলো দেগেল।

যিরমিয় 52:31

যিহূদার রাজা যিহোয়াখীনর বন্দী অনার্ সাত্রিশ বজরত্ ইবিল-মরোদকে বাবিলোর্ রাজা অলঅ। তে সে বজরর্ বার মাজর্ পোজোস্ দিনোত্ যিহোয়াখীনরে জেলখানাত্তুন্ ইরি দিলো।