যিরমিয় 36:5 - Chakma Bible

⁵ সে পরেদি যিরমিয় বারূকরে কলঅ, “মরে লগেপ্রভুর ঘরত্ যাদে মানা গরা ওইয়্যে বিলিনে মুই সিদু যেই ন-পারং।

যিরমিয় 36:5 Iomraidhean Croise

নহিমিয় 6:10

একদিন্যে মুই দলায়র পূঅ শময়িয়োর্‌ ঘরত্‌ গেলুঙ্‌। দলায় অলদে মহেটবেলর পূঅ। শময়িয় তা ঘরত্‌ পৌল্যেই এলঅ। তে কলদে, “এজঅ, আমি গোজেনর ঘরত্, সুদ্ধো-সাংগ জাগা ভিদিরে মিলিই আর ঘরর্‌ দোরানি বন্দ গুরি দিই, কিত্যে মানুচ্চুনে তরে মারিবাত্তে এত্তন্‌; তারা রেদোত্‌ তরে মারিবাত্তে এবাক্‌।”

গীতসংহিতা 88:8

মঅ নিজো মানুচ্চুনোরে মত্তুন্ তুই সোরেই নেযেয়োচ্; তারা ইদু তুই মরে ঈচ্ গরা হেইয়্যে গোজ্যস্। মুই আক্‌সো যেয়োং, নিগিলি এই ন-পারঙর্;

যিরমিয় 20:2

তে ভাববাদী যিরমিয়রে পিদিনে লগেপ্রভুর ঘর কুরে অজল্ জাগায়ানত্ বিন্যামীন-গেদো কুরে মোয়্যে কুদোবোত্ বানি রাগেল।

যিরমিয় 32:12

সে পরেদি মুই মঅ কাক্কার্ পুয়ো হনমেলর মুজুঙোত্ আর যে সাক্ষীগুনে দলিলোত্ সই গোজ্যন্ তারার আর চুগিদারুনোর উদোনত্ বোস্যে বেক যিহূদীগুনো মুজুঙোত্ সেই দলিলান নেরিয়র পুয়ো বারূকরে দিলুং। এই নেরিয় মহসেয়র পুয়ো।

যিরমিয় 32:2

বাবিলোত্ রাজার সৈন্যদলুনে সেক্কে যিরূশালেমান ঘিজ্যন্ আর যিরমিয় যিহূদার রাজঘরর্ চুগিদারুনো উদোনত্ বন্দী এলাক্। তে সিয়েনত্ এলঅ,

যিরমিয় 33:1

যিরমিয় সেক্কেয়ো চুগিদারুনো উদোনত্ বন্দী এলঅ, এমন্ সময়ত্ দ্বিবার্ লগেপ্রভুর কধা তাইধু ফগদাং অলঅ।

যিরমিয় 37:15

সে রাজার চাগরুনে যিরমিয় উগুরে রাগ গুরিনে তারে পিদে ধুরিলাক্ আর লিগিয়্যে যোনাথন ঘরত্ তারে বানি রাগেলাক্; সিয়েনরে তারা জেলখানা বানেয়োন।

যিরমিয় 38:28

যেদক্ দিন সং বাবিলীয়গুনে যিরূশালেমান গজক্ গুরিলাক্ সেদকদিন সং যিরমিয় চুগিদারুনোর সেই উদোনত্ রলঅ।

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

যিরমিয় 40:4

মাত্তর্ এচ্চ্যে মুই তঅ আঢ শিগলত্তুন্ তরে উদ্ধোর গুরিলুং। তুই যুনি চাজ্ সালে মঅ সমারে তুই বাবিলোত্ যেই পারচ্, মুই তরে দেগাশুনো গুরিম; মাত্তর্ যুনি যেবাত্তে ন-চাজ্ সালে ন-যেচ্। চাহ্, পুরো দেজ্‌চান তঅ মুজুঙোত্ পড়ি আঘে; তুই যিয়েনত্ হুজি যেই পারচ্।”

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 6:20

এই গম্ হবরান্ প্রচারত্যে মুই শিগোলত্ বান্যে খেলেয়ো খ্রীষ্টর দূতোর্ কাম গরঙর্। তবনা গরঅ যেন জেলো ভিদিরে থেইনে যেবাবোত্যে গুরি সেই গম্ হবরান মর্ প্রচার গরানা উচিত সেবাবোত্যেগুরি সাহচ্ গুরিনে সিয়েন গুরি পারং।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

ইব্রীয় 11:36

আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।