যিরমিয় 36:4 - Chakma Bible

⁴ সেক্কে যিরমিয় নেরিয়র পুয়ো বারূকরে ডাগিলো আর লগেপ্রভু যিরমিয়রে যেদক্কানি কধা কোইয়্যে সিয়েনি তা মুয়োত্তুন্ শুনিনে বারূকে ভাজ্ গুরি রাগেয়্যে সেই বোইবোত্ লিগিলো।

যিরমিয় 36:4 Iomraidhean Croise

যিশাইয় 30:8

তুই ইক্কিনে এ কধাগান্ এক্কো আড়ুগোত্ আর এক্কো বোইয়োত্ লিগি রাগা, যেনে এজেত্তে দিনুনোত্ সিবে ইস্রায়েলীয়গুনোত্তে এক্কো জিংকানিবরর্ সাক্ষ্য ওই থায়।

যিশাইয় 8:1

লগেপ্রভু মরে কলঅ, “তুই এক্কান দাঙর্ আরুগ্ লোইনে সিয়েন উগুরে সাধারন মান্‌জ্যর্ আঢ লেগা ইজেবে এ কধাগান লেগ্, মহের-শালল-হাশ-বস (যিয়েনর ভেদ্‌তান্ ‘যাদিমাদি লুদোনা, যাদিমাদি গজক্ গুরি নেযানা’)।

যিরমিয় 25:13

মুই সে দেজ্‌‌চানি বিরুদ্ধে যেদক্কানি কধা কোইয়োং যিয়েনি এ বোইবোত্ লেগা আঘে, অত্তাৎ বেক্ জাদ্‌তুনো বিরুদ্ধে যিরমিয় ভাববাদী ইজেবে যে কধানি কোইয়্যে সিয়েনি মুই সেই দেজ উগুরে আনিম।

যিরমিয় 30:2

“মুই ইস্রায়েলর গোজেন লগেপ্রভু কঙর্, মুই তরে যেদক্কানি কধা কোইয়োং সিয়েনি বেক্কানি তুই এক্কো বোইয়োত্ লিগি রাগা,

যিরমিয় 32:12

সে পরেদি মুই মঅ কাক্কার্ পুয়ো হনমেলর মুজুঙোত্ আর যে সাক্ষীগুনে দলিলোত্ সই গোজ্যন্ তারার আর চুগিদারুনোর উদোনত্ বোস্যে বেক যিহূদীগুনো মুজুঙোত্ সেই দলিলান নেরিয়র পুয়ো বারূকরে দিলুং। এই নেরিয় মহসেয়র পুয়ো।

যিরমিয় 36:14

সেক্কে রাজার চাগরুনে বেক্কুনে নথনিয়র পুয়ো যিহূদীরে দিইনে বারূকরে কোই পাধেলাক্, “তুই যে বোইবোত্তুন্ মানুচ্চুনোরে পড়ে শুনেয়োচ্ সিবে আন।” নথনিয় এলদে শেলিমিয়র পুয়ো, শেলিমিয় এলদে কূশির পুয়ো। সেক্কে নেরিয়র পুয়ো বারূকে সে বোইবো আঢত্ গুরিনে তারা ইধু এলঅ।

যিরমিয় 36:21

সেক্কে রাজা সে বোইবো আনিবাত্তে যিহূদীরে পাধেল। লিগিয়্যে ইলীশামার ঘুদিবোত্তুন্ যিহূদী বোইবো আনিনে রাজা আর তা কায়-কুরে থিয়্যেইয়্যে বেক্ রাজার চাগরুনো মুজুঙোত্ পোড়েই শুনেল।

যিরমিয় 36:23

যিহূদী সে বোইবো কিজু পড়ানার পরেদি রাজা লিগিয়্যেবোর ছুরিগান্দোই সে ভাগ্‌কান কাবিনে আগুনো পিলেবোত্ ফেলেই দিলো; এবাবোত্যেগুরি গোদা বোইবো আগুনোত্ পুড়ি দিয়্যে অলঅ।

যিরমিয় 36:26

সিয়েনর বদলে তে লিগিয়্যে বারূক আর ভাববাদী যিরমিয়রে ধুরি আনিবাত্তে রাজার পুয়ো যিরহমেল, অস্রীয়েলর পুয়ো সরায় আর অব্দিয়্যেলর পুয়ো শেলিমিয়রে উগুম দিলো। মাত্তর্ লগেপ্রভু তারারে লুগেই রাগেল।

যিরমিয় 36:27

যিরমিয়র কোইয়্যে কধানি বারূকে যে বোইবোত্ লেখ্যে সিবে পুড়ি দেনার পরেদি লগেপ্রভুর এ কধানি যিরমিয় ইধু ফগদাং অলঅ,

যিরমিয় 36:28

“যিহূদার রাজা যিহোয়াকীমে যে বোইবো পুড়ি দিয়্যে সে পত্তম বোইবোত যিয়েনি লেগা এলঅ সিয়েনি বেক্কানি তুই আর এক্কো ভাজ্ গুরি থোইয়্যে বোই নিইনে সিয়েনত্ লেগ্।

যিরমিয় 36:32

সেক্কে যিরমিয় আর এক্কো ভাজ্ গুরি থোইয়্যে বোই নিইনে নেরিয়র পুয়ো লিগিয়্যে বারূকরে দিলো; যিহূদার রাজা যিহোয়াকীমে যে বোইবো আগুনোত্ পুড়ি দিয়্যে সিয়েনত্ যেদক্কানি লেগা এলঅ সেই বেক কধানি যিরমিয় মুয়োত্তুন্ শুনিনে বারূকে আরঅ লিগিলো। সেবাবোত্যে আরঅ বোউত্ কধায়ো সিবে সমারে মিজে অলঅ।

যিরমিয় 36:6

সেনত্তে তুই এক্কো উবোবাসর্ দিনোত্ লগেপ্রভুর ঘরত্ যেইনে এ বোইবোত্ লেখ্যে লগেপ্রভুর কধানি মানুচ্চুনোরে পড়ি শুনা যিয়েনি তুই মঅ মুয়োত্তুন্ শুনিনে লেখ্যচ্। যিহূদার যে মানুচ্চুনে তারার শঅরানিত্তুন্ এবাক্ তারা বেক্কুনো মুজুঙোত্ সিয়েনি পড়িবো।

যিরমিয় 43:3

মাত্তর্ নেরিয়ের পুয়ো বারূকে আমা বিরুদ্ধে তরে রাগ্ তুলি দের্ যেনে বাবিলীয়গুনো আঢত্ আমারে তুলি দিয়্যে যায় আর তারা আমারে মারে ফেলান্ বা বন্দী গুরি বাবিলোত্ নেযান।”

যিরমিয় 51:59

যিহূদার রাজা সিদিকিয়র রাজাগিরির চের্ বজরত্ মহসেয়র নাদিন, অত্তাৎ নেরিয়র পুয়ো সরায় যিবে রাজার এক্কো নিজো কামগুরিয়্যে এলঅ, তে যেক্কে রাজার লগে বাবিলোত্ যেইয়্যে সেক্কে যিরমিয় তারে কিজু উগুম দিয়্যে।

যিরমিয় 51:60

বাবিল উগুরে যেদক্কানি দযা এবঅ, অত্তাৎ বাবিল পৌইদ্যেনে যেদক্কানি কধা লেগা ওইয়্যে সিয়েনি যিরমিয় এক্কো গুজেই থোইয়্যে বোইয়োত্ লেখ্যে।

যিহিষ্কেল 2:9

সেক্কে মুই রিনি চেইনে দেগিলুং মঅ ইন্দি এক্কান আঢ্ বাবেইয়্যে আঘে। সিয়েনত্ আগেদে এক্কো গুজেই থোইয়্যে বোই।

দানিয়েল 7:1

বাবিল রাজা বেল্‌‌‌শৎসরর রাজাগিরির্ পত্তম্ বজরত্ দানিয়েলে বিচ্চোনত্ পড়িনে ভালোক্কানি স্ববন্ দেগিলো আর তা স্ববনর্ সাপ্তাবোর্ বেপারান্ তে এধোক্ক্যেনগুরি লিগিলো: রেদোত্ স্ববন ভিদিরে মুই দেগিলুং, আগাজর্ চেরান বোইয়্যেরে বড়্ সাগরানরে উলোত্ পালত্ গরের্।

সখরিয় 5:1

যেরেদি মুই আরঅ রিনি চেইনে দেগিলুং খুলো অবস্থায় এক্কো গুচ্ছ্যেয়ে বোই উড়ের্।

রোমীয় 16:22

মুই, তর্তিয়, পৌলর্ এ চিধিয়ান লেগঙর্। খ্রীষ্টর্ মানুচ্ ইজেবে মুইয়ো তমারে ভালেদি জানাঙর্।