যিরমিয় 36:31 - Chakma Bible

³¹ মুই তর্ আর তঅ ঝি-পুয়োগুনোর আর তঅ চাগরুনোর ভান্ন্যেই কামানিত্তে তমারে সাজা দিম; মুই তমা বিরুদ্ধে যেদক্কানি দজার্ কধা কোইয়োং সিয়েনি বেক্কানি তমা উগুরে আর যিরূশালেম আর যিহূদা মানুচ্চুনো উগুরে আনিম, কিত্তে তুমি কধা ন-শুনো।’ ”

যিরমিয় 36:31 Iomraidhean Croise

গীতসংহিতা 94:23

তারার অন্যেয়ানি তে তারার মাঢা উগুরে আনিবো, তারার পাজি কামানিত্যে তে তারারে শেজ্ গুরি দিবো; আমা গোজেন লগেপ্রভু সিয়েন গুরিবো।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিরমিয় 11:8

মাত্তর্ তারা সিয়েন ন-শুনোন্ বা সিয়েনত্ মনযোগ্‌অ ন-দুয়োন; সিয়েনর বদলে তারা তারার একবুস্যে ভান্ন্যেই মনর্ আওজ্ মজিম চলদন। সেনত্তে যে সুদোমান মুই তারারে পালেবাত্তে কোইয়োং তারা সিয়েন ন-পালান বিলিনে সে সুদোমর কধা মজিম্ মুই তারারে সাজা দুয়োং।”

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 19:15

“ইস্রায়েলর বেগত্তুন খেমতাবলা লগেপ্রভু কলঅ, ‘শুন, মুই এ শঅরানর আর তা কায়-কুরে আদামানি উগুরে যেদক্কানি দজা ঘোদেবার কধা কোইয়োং মুই সেই বেক্কানি তারা উগুরে ঘোদেম্, কিত্তে তারা গত্তনা দরমর গোজ্যন আর মঅ কধাগান ন-শুনোন।’ ”

যিরমিয় 23:34

যুনি কনঅ ভাববাদী বা ধর্মগুরু বা অন্য কনজনে দাবি গরন, লগেপ্রভুর কধাগান ইয়েন, মাত্তর্ মুই সেই মানুচ্চো আর তা গিরিবোরে সাজা দিম।

যিরমিয় 29:32

মুই হামাক্কায় নিহিলামীয় শময়িয় আর তা বংশধরুনোরে সাজা দিম। এ জাদ্‌‌‌তো ভিদিরে তার কনজন ন-থেবাক্ আর মুই মঅ মানুচ্চুনোত্তে যেদক্কানি ভালেদি গুরিম সিয়েনঅ তে ন-দেগিবো, কিত্তে তে মঅ বিরুদ্ধে উল্লোমী ফগদাং গোজ্যে। মুই লগেপ্রভু এ কধাগান কঙর্।’ ”

যিরমিয় 35:17

“সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, ‘শুন, মুই যিহূদা আর যিরূশালেমত্ বজত্তি গুরিয়্যে পত্তিজনর বিরুদ্ধে যেদক্কানি দজার্ কধা কোইয়োং সিয়েনির এক এক্কান মুই তারা উগুরে ঘোদেম্। মুই তারারে কোইয়োং, মাত্তর্ তারা ন-শুনোন্; মুই তারারে ডাক্যং, মাত্তর্ তারা জোব্ ন-দুয়োন।’ ”

যিরমিয় 52:2

যিহোয়াকীমো ধোক্ক্যেন সিদিকিয় লগেপ্রভুর চোগেদি যিয়েন ভান্ন্যেই সিয়েনই গুরিদো।

যিহিষ্কেল 7:8

মুই যাদিমাদি তমা উগুরে মঅ রাগ্‌‌‌‌‌কান পুরোপুরি ঢালি দিম্। তমা চালচলন মজিম্ মুই তমারে বিচের্ গুরিম আর তমার্ বেক জঘন্য কামানিত্তে সাজা দিম।

যিহিষ্কেল 7:9

মুই মেয়্যেলি চোগেদি তমা ইন্দি রিনি ন-চেম্ বা তমারে রেহাইঅ ন-দিম্; তমার চালচলনানি আর তমা ভিদিরে জঘন্য কামর্ পাওনাগানি মুই তমারে দিম্। সেক্কে তুমি হবর্ পেবা যে, মুই লগেপ্রভু আঘাত্ গরং।

লেবীয় 26:14

মাত্তর্‌ তুমি যুনি মর্‌ কধানি ন-শুনো আর এ বেক্‌ উগুমানি পালন ন-গরঅ,

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।