যিরমিয় 36:3 - Chakma Bible

³ যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিরমিয় 36:3 Iomraidhean Croise

নহিমিয় 1:9

মাত্তর্‌ তুমি মইদু ফিরি এলে আর মঅ উগুমানি পালন গুরিনে সে মজিম্‌ কাম্‌ গুরিলে, তমার্‌ বন্দীদজাত্‌ থেইয়্যে মানুচ্চুনে যুনি আগাজর্‌ থুম্ দুযিত্‌অ থান্‌ সালে মুই তারারে সিয়োত্তুন্‌ তোগেইনে মর্‌ থেবার ঘর ইজেবে যে জাগায়ান্‌ বেঈ নেযেয়োং সিদু তারারে নেযেম্‌।

গীতসংহিতা 139:24

তুই চাহ্ মইদু এমন্ কিজু আঘে নাহি যিয়েনিয়ে দুখ্ দে; তুই মরে শেজ্ ন-ওইয়্যে জিংকানির পধেন্দি চালা।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 26:3

অয়ত তারা শুনিবাক্ আর পত্তিজনে তারার ভান্ন্যেই পধত্তুন ফিরি এবাক্। সালেন্ তারার ভান্ন্যেই কামানিত্তে মুই তারা উগুরে যে দজাগান্ আনিবার পরিকল্পনা গোজ্যং সিয়েন আর ন-আনিম।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 36:7

অয়ত তারা লগেপ্রভু ইধু তবনা গুরিবাক্ আর পত্তিজনে তারার ভান্ন্যেই পধত্তুন ফিরিবাক্, কিত্তে এ মানুচ্চুনো বিরুদ্ধে লগেপ্রভু অমকদ অহুজি আর রাগর্ কধা কোইয়্যে।”

যিহিষ্কেল 12:3

“সেনত্তে ও মান্‌‌‌জ্যর পুয়োবো, তুই যেন দূরোত্ বন্দী ওই যর্ সেবাবোত্যেগুরি তর্ পযাপিরানি বানি নেযা আর তারা চোগো মুজুঙোত্ দিনোত্ আদা মার্; তুই যিয়েনত্ আগচ্ সিয়েনত্তুন্ অন্য জাগাত্ যাহ্। তারা যে উল্লোমী জাদ্ অয়ত তারা সিয়েন বুঝি পারিবাক্।

যিহিষ্কেল 18:23

পাজি মান্‌জ্যর মরনত্ কি মুই হুজি অং? বরং তে যেক্কে তা ভান্ন্যেই পধত্তুন ফিরি এইনে বাঁজে সেক্কেয়ই মুই হুজি অং।

সফনিয় 2:3

ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মার্ক 4:12

যেন তারা রিনি চান্ আর রিনি চান, যেদক্কন সং ন-দেগন; তারা শুনোদে থাদোক্ আর শুনোদোক্, যেদ্ক্কন ন-বুঝোন। সিয়েন ন-অলে তারা অয়ত গোজেন ইন্দি ফিরিবাক্ আর খেমা পেবাক্। ”

লূকে লেখ্যে গম্ হবর্ 20:13

সেক্কে আংগুর-খেদ গিরোজ্‌‌‌সো কলঅ, কি গুরিম্? ঠিগ্ আঘে, মুই মর্ পরাণর্ পুয়োবোরে পাধেম্। অয়ত তারা তারে সর্মান গুরিবাক্।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 28:27

এ বাবোত্যে মানুচ্চুনোর্ মনানি বাজে আর কানানি নাঢা যেইয়্যে, আর তারা তারার্ চোগ্‌‌কুন্অ নাঢি রাগেয়োন, যেন তারা চোগেদি ন-দেগন্, কানেদি ন-শুনোন্ আর মনানদি ন-বুঝোন্, আহ্ গম্ অবাত্তে মইধু ফিরি ন-এজন।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

দ্বি’লম্বর বিররণ 30:2

সেই সলাবোত্‌ যেক্কে তুমি আর তমার ঝি-পূঅগুনে তমার গোজেন লগেপ্রভু ইদু ফিরি এবাক আর এচ্চ্যে মুই তমারে যেদক্কানি উগুম দুয়োঙর্‌ সিয়েনি পালেইনে মনে-পরাণে তার আওজ্ মজিম্ চলিবা,

দ্বি’লম্বর বিররণ 30:8

সেক্কে তুমি আরঅ লগেপ্রভুর বাধ্য ওইনে চলিবা আর তার যেদক্কানি উগুম এচ্চ্যে মুই তমারে দুয়োঙর্‌ সিয়েনি মানি চলিবা।

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।

১ শমূয়েল 7:3

সেক্কে শমূয়েলে বেক্‌ ইস্রায়েলীয়গুনোরে কলঅ, “যুনি তুমি তমার বেক্‌ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্‌তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্‌ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”