যিরমিয় 36:2 - Chakma Bible

² “তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 36:2 Iomraidhean Croise

ইষ্রা 6:2

ইয়েনত্ মাদীয় রেজ্যর্ অক্‌মথা নাঙে রাজধানীত্ এক্কান গুচ্চ্যেই রাগেয়্যে বোই পাহ্ গেলঅ। সিয়েনত্ এ কধাগান লেগা এলঅ: স্মারক লিপি

ইয়োব 31:35

হায়, মঅ কধানি যুনি কনজনে শুনিদো! মুই সোই দিইনে সাক্ষি দোঙত্তে, মঅ কধাগান সত্য; বেগত্তুন্ খেমতাবলা গোজেনে যেনে মরে জোব্ দে, মঅ বিবাদীবো যেনে মর্ দুষ্‌ছান লিগিনে দেগায়।

গীতসংহিতা 40:7

সেনত্তে মুই কোইয়োং, “এইয়্যে দঅ মুই এচ্যং; পবিত্র বাইবেলত মর্ এজানার পৌইদ্যেনে লেগা আঘে।

যাত্রা 17:14

ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যিশাইয় 8:1

লগেপ্রভু মরে কলঅ, “তুই এক্কান দাঙর্ আরুগ্ লোইনে সিয়েন উগুরে সাধারন মান্‌জ্যর্ আঢ লেগা ইজেবে এ কধাগান লেগ্, মহের-শালল-হাশ-বস (যিয়েনর ভেদ্‌তান্ ‘যাদিমাদি লুদোনা, যাদিমাদি গজক্ গুরি নেযানা’)।

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিরমিয় 1:5

“তরে মা পেদত্ বানেবার্ আগেদি মুই তরে বেঈ থোইয়োং। তর্ জর্মর্ আগেদি মুই তরে যুদো গুরি থোইনে জাদ্‌‌তুনো ইধু ধর্মগুরু ইজেবে বেঈ লোইয়োং।”

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিরমিয় 2:4

ও যাকোবর্ বংশ, ইস্রায়েলর বেক্ গুট্টিগুন, তুমি বেক্কুনে লগেপ্রভুর কধানি শুনো।

যিরমিয় 25:3

যোশিয়র পুয়ো যিহূদার রাজা আমোনর রাজাগিরির তের বজরত্তুন্ ধুরি এদক্ বিলোন সং, অত্তাৎ এই তেইশ বজর ধুরি লগেপ্রভুর কধানি মইধু ফগদাং ওইয়্যে আর মুই বার্ বার্ তমারে সিয়েন কোইয়োং, মাত্তর্ তুমি সিয়েনত্ কান ন-পাদঅ।

যিরমিয় 30:2

“মুই ইস্রায়েলর গোজেন লগেপ্রভু কঙর্, মুই তরে যেদক্কানি কধা কোইয়োং সিয়েনি বেক্কানি তুই এক্কো বোইয়োত্ লিগি রাগা,

যিরমিয় 36:14

সেক্কে রাজার চাগরুনে বেক্কুনে নথনিয়র পুয়ো যিহূদীরে দিইনে বারূকরে কোই পাধেলাক্, “তুই যে বোইবোত্তুন্ মানুচ্চুনোরে পড়ে শুনেয়োচ্ সিবে আন।” নথনিয় এলদে শেলিমিয়র পুয়ো, শেলিমিয় এলদে কূশির পুয়ো। সেক্কে নেরিয়র পুয়ো বারূকে সে বোইবো আঢত্ গুরিনে তারা ইধু এলঅ।

যিরমিয় 36:18

জোবত্ বারূকে কলঅ, “অয়, তে মরে এই বেক কধানি কোইয়্যে আর মুই সিয়েনি এ বোইবোত্ কালিলোই লেখ্যং।”

যিরমিয় 36:23

যিহূদী সে বোইবো কিজু পড়ানার পরেদি রাজা লিগিয়্যেবোর ছুরিগান্দোই সে ভাগ্‌কান কাবিনে আগুনো পিলেবোত্ ফেলেই দিলো; এবাবোত্যেগুরি গোদা বোইবো আগুনোত্ পুড়ি দিয়্যে অলঅ।

যিরমিয় 36:29

ইয়েনি বাদেয়ো তুই যিহূদার রাজা যিহোয়াকীমরে কঅ, লগেপ্রভু কোইয়্যেদে, ‘তুই বোইবো পুড়ি দিইনে কিত্তে পুজোর্ গরর্ যিরমিয় এ বোইবো ভিদিরে লেখ্যেদে, বাবিলোর রাজা হামাক্কায় এইনে এ দেজ্‌‌চান ভস্ত গুরিবো আর মানুচ্ আর য়েমান দুনোগুন শেজ্ গুরি দিবো?

যিরমিয় 36:6

সেনত্তে তুই এক্কো উবোবাসর্ দিনোত্ লগেপ্রভুর ঘরত্ যেইনে এ বোইবোত্ লেখ্যে লগেপ্রভুর কধানি মানুচ্চুনোরে পড়ি শুনা যিয়েনি তুই মঅ মুয়োত্তুন্ শুনিনে লেখ্যচ্। যিহূদার যে মানুচ্চুনে তারার শঅরানিত্তুন্ এবাক্ তারা বেক্কুনো মুজুঙোত্ সিয়েনি পড়িবো।

যিরমিয় 45:1

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ যিরমিয় ইধু শুনিনে সিয়েনি নেরিয়র পুয়ো বারূকে গুচ্চ্যেই রাগেয়্যে বোইবোত্ লেখ্যে।

যিরমিয় 51:60

বাবিল উগুরে যেদক্কানি দযা এবঅ, অত্তাৎ বাবিল পৌইদ্যেনে যেদক্কানি কধা লেগা ওইয়্যে সিয়েনি যিরমিয় এক্কো গুজেই থোইয়্যে বোইয়োত্ লেখ্যে।

যিহিষ্কেল 2:9

সেক্কে মুই রিনি চেইনে দেগিলুং মঅ ইন্দি এক্কান আঢ্ বাবেইয়্যে আঘে। সিয়েনত্ আগেদে এক্কো গুজেই থোইয়্যে বোই।

হোশেয় 8:12

মর্ রীদি-সুদোমর্ বোউত্ কধা মুই তারাত্তেই লেখ্যং, মাত্তর্ তারা সিয়েনি বিদেশী কনঅ কিজু বিলি মনে গোজ্যন্।

দ্বি’লম্বর বিররণ 31:24

মোশি এই রীদি-সুদোমানি আগাগোড়া এক্কো বোইয়োত লিগি নেযেল।

ইব্রীয় 10:7

যেরেদি মুই কলুং, ‘এইয়্যে দঅ, মুই এচ্চ্যং; বোইবোত্ মর্ এজানা পৌইদ্যেনে লেঘা আঘে। ও গোজেন, তর্ আওজ্‌‌চান পালেবাত্যে মুই এচ্চ্যং।’ ”