যিরমিয় 35:4 - Chakma Bible

⁴ মুই তারার লগেপ্রভুর ঘরত্ গোজেনর মানুচ্ যিগ্‌দলিয়র পুয়ো হানন পুয়োগুনোর গুদিত্ নেযেলুং। সিবে অলদে শল্লুমর পুয়ো চুগিদার্ মাসেয়র গুদি উগুরে চাগরুনোর গুদিবো কায়-কুরে।

যিরমিয় 35:4 Iomraidhean Croise

১ রাজাবলী 12:22

মাত্তর্‌ গোজেন মানুচ্‌ শময়িয়োর্‌ ইদু গোজেনর্‌ এ কধাগান ফগদাং অলঅ,

১ রাজাবলী 13:1

এ্যমান্‌ উৎসর্বত্তে যারবিয়ামে যেক্কে ডালিপূজোবো ইদু থিয়্যেই এলঅ সেক্কে লগেপ্রভুর কধামজিম্‌ গোজেনর্‌ ইক্কো মানুচ্‌ যিহূদাত্তুন্‌ বৈথেলত্‌ লুমিলো।

১ রাজাবলী 13:26

সে কধাগান শুনিনে যে ভাববাদীবো তারে তার পথ্‌তানত্তুন্‌ ফিরেই আন্যে তে কলদে, “সিবে গোজেন সে মানুচ্চো যিবে লগেপ্রভুর উঘুম্‌ অমান্য গোজ্যে। লগেপ্রভু তারে যে কধাগান কোইয়্যে সেই মজিম্ তে তারে সিংহ আঢত্‌ তুলি দিয়্যে আর সিংহবো তারে কট্টা কট্টা গুরিনে মারে ফেলেয়্যে।”

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

১ রাজাবলী 17:24

সেক্কে সে মিলেবো এলিয়রে কলঅ, “মুই ইক্কিনে বুঝি পারিলুঙ্‌ তুই গোজেনর্‌ মানুচ্‌, আর লগেপ্রভু তঅ মাধ্যমে যিয়েনি কয় সিয়েনি সত্য।”

১ রাজাবলী 20:28

সেক্কে গোজেনর্ ইক্কো মানুচ্‌ এইনে ইস্রায়েলর রাজারে কলঅ, “লগেপ্রভু এ কধাগান কত্তে, ‘অরামীয়োগুনে মনে গোজ্যন্‌ লগেপ্রভু মুড়ো-মুড়ির্‌ গোজেন, কিজিঙোর্‌ গোজেন্‌ নয়; সেনত্তে মুই এ দাঙর্‌ সৈন্যদল্লোরে তঅ আঢত্‌ তুলি দিম্‌, আর সেক্কে তুমি জানি পারিবা, মুই লগেপ্রভু।’”

২ রাজাবলী 1:9

ইয়েন পরেন্দি রাজা ইক্কো সেনাপতি আর তার্‌ পঞ্চাশজন সৈন্যরে এলিয়ো ইদু পাধেই দিলো। এলিয় সেক্কে ইক্কো মুড়ো উগুরে বুয়োই এলঅ। সে সেনাপতিবো এলিয়ো ইদু উদিনে কলঅ, “ও গোজেন মানুচ্‌, রাজা তরে লামি এবাত্তে কোইয়্যে।”

২ রাজাবলী 12:9

ধর্মগুরু যিহোয়াদা সেক্কে এক্কো বাক্‌সু লোইনে সিবের্‌ ঢাগনিগানত্‌ এক্কো কানা গুরিলো। তে সিবে পূজোবোর্‌ কায়কুরে লগেপ্রভুর ঘরত্‌ সুমিবার জাগানত্‌ ডেনেন্দি রাগেল। যে ধর্মগুরুগুনে তবনা-ঘরত্‌ সুমিবার্‌ দোরানত্‌ চুগি দিদাক্‌ তারা লগেপ্রভুর ঘরত্‌ আন্যে বেক্‌ টেঙাগুন্‌ সে বাক্‌সুবোত্‌ রাগেদাক্‌।

২ রাজাবলী 25:18

যিহূদীগুনোর্‌ আজল্‌ ধর্মগুরু সরায়, দ্বিলম্বর ধর্মগুরু সফনিয় আর তিনজন চুগিদাররে রোক্ষ্যেদলর্‌ সেনাপতিবো বানিনে নেযেল।

২ রাজাবলী 5:14

সেক্কে নামানে গোজেন মানুচ্চোর্‌ কধামজিম্‌ যেইনে যর্দনত্‌ সাতপল্লা বুর্‌ দিলো। সেক্কে তা কিয়্যেগান গম্‌ অলঅ আর চিগোন্‌ গুরো কিয়্যের্‌ চামঅ ধোক্ক্যেন তা চামান্‌ দোল্‌ অলঅ।

২ রাজাবলী 6:10

সেক্কে ইস্রায়েলর রাজা গোজেন মানুচ্চোর্‌ উগুম্‌-গোজ্যে জাগানত্‌ মানুচ্‌ পাদেইনে মানুচ্চুনোরে উজিয়ার্‌ গুরি দিলো। ইঙিরিনে রাজা বার্‌ বার্‌ নিজোরে রোক্ষ্যে গুরিদো।

২ রাজাবলী 7:17

যে কাম্‌গুরিয়্যেবো রাজারে বল্‌ দিয়্যে তা উগুরে তে গেদোত্‌ দেগাশুনো গুরিবার্‌ ভারান্‌ দিলো, মাত্তর্‌ মানুচ্চুনে এন্‌গুরি নিগিলি গেলাক্‌, তে গেদো পথ্‌তানত্‌ মানুচ্চুনোর্‌ টেঙ তলে চাবা পড়িনে মুরি গেলঅ। গোজেন মানুচ্‌ ইলীশায় তা ঘরত্‌ রাজারে যে কধাগান কোইয়্যে সেধোক্কেন্‌ গুরিনে মুরি গেলঅ।

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

১ বংশধর 9:27

তারা গোজেন ঘর কায়-কুরে বজত্তি গুরিদাক্‌, কিত্তে সে ঘরান্‌ চুগি দিবার্‌ ভারান্‌ তারা উগুরে এলঅ, আর নিত্য বেন্যেমাদান্ ঘর দোরানিয়ো তারাত্তুন খুলি দিয়্যে পত্‌ত।

২ বংশধর 8:14

তা বাপ্পো দায়ূদোর উগুম্‌ মজিম তে ধর্মগুরুগুনোর কামানি গুরিবাত্তে তারারে নানান্‌ দলত্‌ ভাগ গুরিনে কামত্‌ নেযেল আর পত্তিদিনোর্‌ কাম্‌ মজিম নাঙ্ গিনেদে-গান গুরিবার আর ধর্মগুরুগুনোরে বল্‌ দিবাত্তে তে লেবীয়গুনোরে নেযেল। পত্তি গেদোট্টে তে রক্ষীগুনোর্‌ দল্‌ মজিম কামত্‌ লাগেল, কিত্যে এধোক্ক্যেন গুরিনে গোজেনর মানুচ্‌ দায়ূদে উগুম্‌ দি যেইয়্যে।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

যিরমিয় 21:1

যেরেদি লগেপ্রভুর কধাগান যিরমিয় ইধু ফগদাং অলঅ। সে অক্তত্ রাজা সিদিকিয় মল্কিয়র পুয়ো পশ্‌হূররে আর মাসেয়র পুয়ো ধর্মগুরু সফনিয়রে যিরমিয় ইধু এ কধাগান কবাত্তে পাদেল,

যিরমিয় 26:10

যিহূদার রাজকর্মচারীগুনে এ কধানি শুনিনে রাজঘরত্তুন্ লগেপ্রভুর ঘরত্ এলাক্ আর লগেপ্রভুর ঘরর নূয়ো গেদোত্ সুমিবার পথ্‌তানত্ বুজিলাক্।

যিরমিয় 35:3

সেক্কে মুই হবৎসিনিয়র নাদিন, অত্তাৎ যিরমিয়র পুয়ো যাসিনিয় আর তার বেক্ ভেইয়ুন আর পুয়োগুনোরে অত্তাৎ রেখবীয়গুনোর পুরো বংশবোরে আনিলুং।

যিরমিয় 52:24

যিহূদীগুনোর আজল্ ধর্মগুরুবো সরায়, দ্বিলম্বর্ ধর্মগুরু সফনিয় আর তিনজন চুগিদাররে রক্ষীদলর্ সেনাপতিবো বন্দী গুরিনে নেযেল।

যিহিষ্কেল 40:38

বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

যিহিষ্কেল 43:8

তারা মঅ ঘরর্ কায়কুরে তারার্ ঘরানি বানেয়োন; তারা ঘরানি আর মঅ ঘরানি মোধ্যে বানা এক্কান দেবাল এলঅ। তারার জঘন্য কামানিলোই তারা মঅ পবিত্র নাঙান্ কলংকিত গোজ্যন্। সেনত্তে মুই রাগে তারারে ভস্ত গোজ্যং।

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

যিহোশূয় 14:6

যিহূদা-গুট্টির্‌ মানুচ্চুনে গিল্‌গলত্‌ যিহোশূয়র ইদু গেলাক্‌ আর কনিসীয় যিফুন্নির পূঅ কালেবে তারে কলঅ‌, লগেপ্রভু কাদেশ-বর্ণেয়ত গোজেনর্‌ মানুচ্‌ মোশি ইদু মর্‌ আর তঅ পৌইদ্যেনে যিয়েনি কোইয়্যে সিয়েনি তর্‌ জানা আঘে।

১ শমূয়েল 2:27

একদিন্যে গোজেনর এক্কো মানুচ্ এলির ইদু এইনে কলঅ, লগেপ্রভু কত্তে, তর্‌ পুরোণি মানুচ্চুনে যেক্কে মিসরত্‌ ফরৌণর অধীনোত এলাক সেক্কে তারা ইদু কি মুই নিজোরে আভাংপাং গুরি ফগদাং ন-গরং?