যিরমিয় 35:19 - Chakma Bible

¹⁹ সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মর্ সেবা গুরিবাত্তে রেখবর পুয়ো যিহোনাদবর বংশত্ কনদিন্‌অ মান্‌জ্যর অভাব ন-অবঅ।” ‌‍‍

যিরমিয় 35:19 Iomraidhean Croise

গীতসংহিতা 5:5

যিগুনে বার্‌বো গরন্ তারা তঅ মুজুঙোত্ থেই ন-পারন; যিগুনে বজং কাম্ গুরিনে বেড়ান্ তারারে তুই এলাফেলা গরচ্।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 15:19

সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

যিরমিয় 40:10

মুই নিজে মিসপাত থেম্ আর যিদুক্কুন বাবিলীয় আমা ইধু এবাক্ তারা ইধু মুই তমা তপ্পে ওইনে কধা কোম্; মাত্তর্ তুমি আংগুর-রস, গরম কাল ফল আর তেল থুবেইনে তমা পিলেত্ জমা গুরিবা আর তুমি যেদক্কানি আদাম আর শঅর গজক্ গুরি নিবা সিয়েনিত্ বজত্তি গুরিবা।”

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।