যিরমিয় 35:15 - Chakma Bible

¹⁵ মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 35:15 Iomraidhean Croise

যাত্রা 20:3

মঅ জাগানত্‌ কনঅ‌ দেবেদারে ন-রাগেবা।

যিরমিয় 11:8

মাত্তর্ তারা সিয়েন ন-শুনোন্ বা সিয়েনত্ মনযোগ্‌অ ন-দুয়োন; সিয়েনর বদলে তারা তারার একবুস্যে ভান্ন্যেই মনর্ আওজ্ মজিম চলদন। সেনত্তে যে সুদোমান মুই তারারে পালেবাত্তে কোইয়োং তারা সিয়েন ন-পালান বিলিনে সে সুদোমর কধা মজিম্ মুই তারারে সাজা দুয়োং।”

যিরমিয় 13:10

এ পাজি জাদর্ মানুচ্চুন, যিগুনে মঅ কধাগান শুনিবাত্তে অস্বিগের্ গোজ্যন আর তারা মনর্ একঘেয়েমিলোই চলদন্ আর সেবা আর উবোসনা গুরিবাত্তে দেব-দেবেদার পিজেদি যেইয়োন তারা এ জাংগিবো ধোক্ক্যেন পুরোপুরিভাবে অকেজো অবাক্।

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 22:4

তুমি যুনি এ উগুমান পালঅ সালে তমা রাজাগুনে দায়ূদোর সিংহাসনত্ বুজিনে রাজাগিরি গুরিবাক্ আর তারার রাজকর্মচারীগুনে আর মানুচ্চুন নিইনে রথত্ আর ঘোড়াত্ চড়িনে এ রাজঘর গেদো ইন্দি ভিদিরে এবাক্।

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

যিরমিয় 25:4

লগেপ্রভু যুনিয়ো তার বেক চাগরুনোরে, অত্তাৎ ভাববাদীগুনোরে বার্ বার্ তমা ইধু পাদেয়্যে তো তুমি ন-শুনো বা মনযোগ্‌অ ন-দুয়ো।

যিরমিয় 26:13

ইক্কিনে তুমি তমার আদাউদো আর কামানি বদল আর তমা গোজেন লগেপ্রভুর কধানি শুনো। সালে লগেপ্রভু তমা বিরুদ্ধে যে দযাগান পাদেবার কধা কোইয়্যে সিয়েন আর ন-পাদেব।

যিরমিয় 26:5

ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

যিরমিয় 29:19

ইয়েনর কারনান্ অলঅ, যে কধাগান মুই বার্ বার্ মঅ চাগরুনোরে, অত্তাৎ ভাববাদীগুনোরে দিইনে তারা ইধু কোই পাদেয়োং সিয়েন তারা ন-শুনোন্।

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 32:33

তারা মঅ ইন্দিত্তুন পিঠ্‌তান ফিরেয়োন, মুয়োদি নয়; যুনিয়ো মুই বারে বারে তারারে শিক্ষ্যে দুয়োং তো তারা মঅ শাজনান্ ন-মানন, গুজিয়ো ন-লন। ‌‍

যিরমিয় 34:14

যুনি কনঅ ইব্রীয় ভেই নিজোরে তমা ইধু বিজি দুয়োন্ সালেন্ সাত্ বজরত্ তুমি তারে উদ্ধোর্ গুরিবা। ছঅ বজর্ তে তমার্ চাগর্ কাদিলে পরেদি তমাত্তুন্ তারে ইরি দিয়্যে পড়িবো। মাত্তর্ তমা পুরোণি মানুচ্চুনে মঅ কধানি ন-শুনোন্, মঅ কধানি মনযোগ ন-দুয়োন্।

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিরমিয় 4:1

লগেপ্রভু কোইয়্যেদে, “ও ইস্রায়েল, তুই যুনি ফিরি এবাত্তে চাজ্ সালে মইধু ফিরি আয়। যুনি তুই মঅ চোগো মুজুঙোত্তুন তর্ জঘন্য মূত্তিগুনোরে সোরেই দুয়োচ্ আর ভান্ন্যেই পধেদি ন-যাচ্,

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

দ্বি’লম্বর বিররণ 6:14

তমার চেরোকিত্তে যিদুক্কুন্‌ জাদ থেবাক তুমি তারার্‌ দেব-দেবেদাগুনোর্‌ পিজেন্দি ন-যেবা,

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।