যিরমিয় 34:9 - Chakma Bible

⁹ সেই সুদোমান অলঅ, পত্তিজনে তার ইব্রীয় চাগর্ বা চাগরানীবোরে উদ্ধোর্ গুরি দিবো; কনঅ যিহূদী ভেইয়োরে কনজনে চাগর্ ইজেবে রাগেই ন-পারিবো।

যিরমিয় 34:9 Iomraidhean Croise

পত্থম 14:13

পরেদি এক্কো মানুচ্‌ ধেই এইনে ইব্রীয় অব্রামরে সে হবরান্‌ দিলো। অব্রামে সে অক্তত্‌ ইমোরীয় মম্রির্ এলোন ঝাড় কায়কুরে বজত্তি গুরিদো। মম্রি এলদে ইষ্কোল আর আনের ভেই। অব্রাম লগে ইগুনে সমাজ্যে ধোক্ক্যেন এলাক্‌।

পত্থম 40:15

ঘেচ্চেকগুরি কদ চেলে, ইব্রীয়গুনো দেজত্তুন্‌ মরে জোর্‌ গুরি ধুরি আনা ওইয়্যে, আর এ দেজত্‌ এইনেয়ো মুই এমন্ কিজু ন-গরং যিয়েনত্তে মরে এ গাদ্‌‌‌তোত্‌ আক্‌‌‌সো রাগা যায়।”

যাত্রা 2:6

সিবে খুলিনে তে আমক্‌ ওইনে দেগিলো এক্কো পুয়ো সে ভিদিরে কানের্। পুয়োবো উগুরে রাজকন্যেবোর্ অমকদ মেয়্যে অলঅ। তে কলঅ, “ইবে ইব্রীয়গুনোর কনঅ পুয়ো।”

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 30:8

মুই বেগত্তুন্ খেমতাবলা লগেপ্রভু কঙর্, সেদিন্যে মুই তারার গত্তনাত্তুন্ জুঙোলান্ ভাঙি ফেলেম্ আর তারার দুড়িগান ছিনি ফেলেম; বিদেশীগুনে আর তারার চাগর্ গুরি ন-রাগেবাক্।

যিরমিয় 34:10

সেনত্তে বেক্ রাজার চাগরুনে আর মানুচ্চুনে এ সুদোমান মানিনে তারার চাগর্ আর চাগরানিগুনোরে উদ্ধোর্ গুরি দিবাত্তে রাজী অলাক্ আর তারারে আর চাগর্ গুরি ন-রাগেবাক্ বিলিনে ঠিগ্ গুরিলাক্। সেক্কে তারা তারার চাগরুনোরে উদ্ধোর্ গুরি দিলাক্।

১ করিন্হীয় 6:8

সিয়েনর্ বদলে তুমি অন্যেয় গরর্, তুমি ঠগর্, আর সিয়েন তমা ভেইয়ুনো উগুরে গরর্।

২ করিন্হীয় 11:22

যিগুনে দেমাগ্ গরন তারা কি ইব্রীয়? আমিয়ো সেধোক্ক্যেন। তারা কি ইস্রায়েলীয়? মুইয়ো সেধোক্ক্যেন। তারা কি অব্রাহামর্ গুট্টি? মুই সেধোক্ক্যেন।

দ্বি’লম্বর বিররণ 15:12

যুনি কনঅ ইব্রীয় মরদ বা মিলেরে তমা ইদু বিজি দিয়্যে অয়, সালে ছয় বজর তমা কাম্‌ গরানার পরেন্দি সাত বজরত্‌ তারে হামাক্কায় তমাত্তুন্‌ ইরি দিয়্যে পুরিবো।

ফিলিপীয় 3:5

আট্য দিনোত্ মর্ চুনু মাঢাবোর চামান্ কাবা ওইয়্যে; ইস্রায়েল জাদ ভিদিরে বিন্যামীন গুট্টিত্ মর্ জর্ম; মুই এক্কো খাটি ইব্রীয়; মোশির রীদি-সুদোম পালানা পৌইদ্যেনে মুই এক্কো ফরীশী;

১ শমূয়েল 14:11

ইয়েন কোইনে পলেষ্টীয় সৈন্যগুনোর মুজুঙোত্‌ যেইনে তারা দ্বিজনে দেগা দিলাক্। সেক্কে পলেষ্টীয়গুনে কলাক্, “উই চঅ, গাদত্‌ লুগি থেইয়্যে ইব্রীয়গুনে নিগিলি এত্তন্‌।”

১ শমূয়েল 4:6

পলেষ্টীয়গুনে এই রঅবো শুনিনে পুযোর্ গুরিলাক, “ইব্রীয়গুনোর তাম্বুলোত ইবে কিয়োর কিজেক্‌ অর?” তারা জানি পারিলাক্কে, লগেপ্রভুর সাক্ষ্য-সুন্দুক্কো ইস্রায়েলীয়গুনোর তাম্বুলোত্‌ এচ্চ্যে।

১ শমূয়েল 4:9

ও পলেষ্টীয়গুন, তুমি বুগোত্‌ সাহস বানঅ। তুমি যে মরদপূঅ সিয়েন দেগেই দুয়ো। সিয়েন ন-দেগেলে সেই ইব্রীয়গুনে যেধোক্ক্যেন্ তমার চাগর ওইয়োন সেধোক্ক্যেন্ তুমিয়ো তারার চাগর ওইনে থেবাক্। তুমি যে মরদ পূঅ সিয়েন দেগেই দুয়ো আর যুদ্ধো গরঅ।”