যিরমিয় 34:20 - Chakma Bible

²⁰ সেনত্তে যিগুনে তারারে মারে ফেলেবাত্তে চান সে শত্রুগুনো আঢত্ মুই তারারে তুলি দিম। তারার মরাকিয়্যেনি অবঅ আগাজর্ পেগ্‌কুনোর আর ঝার্‌‍‍‍বো য়েমানুনোর হানা। ‍

যিরমিয় 34:20 Iomraidhean Croise

১ রাজাবলী 14:11

তার্‌ বংশত্‌ যিদুক্কুন্‌ মানুচ্‌ শঅরত্‌ মুরিবাক্‌ তারারে কুগুরে হেবাক্ আর যিগুনে মাদ ভিদিরে মুরিবাক্‌ তারারে পেগে হেবাক্‌। মুই লগেপ্রভু এ কধাগান কঙর্‌।

১ রাজাবলী 16:4

তর্‌ যে মানুচ্চুনে শঅরত্‌ মুরিবাক্‌ তারারে কুগুরে হেবাক্‌ আর মাদত্‌ যিগুনে মুরি যেবাক্‌ তারারে পেক্কুনে হেবাক্‌।”

গীতসংহিতা 79:2

তঅ চাগরুনোর মরাকিয়্যেগানি তারা আগাজ পেখ্‌কুনোরে হেবাত্যে দুয়োন্; তঅ ভক্তগুনোর্ কিয়্যে এরানি পিত্‌থিমীর য়েমানুনোরে দুয়োন।

যিরমিয় 11:21

সেনত্তে অনাথোত মানুচ্চুনো পৌইদ্যেনে লগেপ্রভু কোইয়্যেদে, “যিগুনে তঅ পরাণান নিবাত্তে চাদন আর কদন, ‘লগেপ্রভুর নাঙে ভাববাদী ইজেবে কধা ন-কোয়ো, কলে তুমি আমা আঢত্ মারা পুরিবে,’

যিরমিয় 12:9

মঅ সোম্বোত্তিগান মইধু অদ্ভূদ রংয়র শিগেরী পেগো ধোক্ক্যেন ওইয়্যে, যিবেরে অন্য শিগেরী পেগ্‌কুনে ঘিরিনে আক্রমণ গোজ্যন্। তুই যেইনে বেক্ ঝার্‌‌‌‌বো য়েমানুনোরে এগত্তর্ গুরিনে আন যেন তারা হেই পান। ‌

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 22:25

যিগুনে তঅ পরাণান নিবাত্তে চান, যিগুনোরে তুই দরাচ্ সেই বাবিলোর রাজা নবূখদ্‌নিৎসর আর বাবিলীয়গুনো আঢত্ মুই তরে তুলি দিম।

যিরমিয় 38:16

সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিরমিয় 39:6

বাবিলর্ রাজা রিব্‌লাদত্ সিদিকিয়র চোগো মুজুঙোত্ তা পুয়োগুনোরে মারে ফেলেল আর যিহূদার বেক্ রাজার চাগরুনোরে মারে ফেলেল।

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিরমিয় 44:30

যিহূদার রাজা সিদিকিয়রে যে শত্রুবো মারে ফেলেবার চেরেস্‌‌‌তা গোজ্যে সে বাবিলর রাজা নবূখদনিৎসর আঢত্ যেবাবোত্যেগুরি মুই তারে তুলি দুয়োং, ঠিগ্ সেবাবোত্যেগুরি মিসরর্ রাজা ফরৌণ হফ্রারেয়ো মুই তার সে শত্রুগুনো আঢত্ তুলি দিম যিগুনে তা পরাণান নেযেবার্ চেরেস্‌‌‌‍তা গোজ্যন্।’ ”

যিরমিয় 49:37

যিগুনে তারারে মারে ফেলেবাত্তে চান্ সেই শত্রুগুনো মুজুঙোত্ মুই এলমীয়গুনোরে চুরমার গুরি দিম; মর্ অমকদ রাগত্ মুই তারা উগুরে দযা আনিম। তারারে শেজ্ গুরি ন-ফেলানা সং মুই তারা বিরুদ্ধে তলোয়ার পাদেম্।

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

যিহিষ্কেল 23:28

তুই যিগুনোরে ঈচ্ গরচ্, যিগুনোর ইন্দিত্তুন্ তুই ফিজ্যস্ তারা আঢত্ মুই তরে তুলি দিম।

যিহিষ্কেল 29:5

মুই তরে আর তর্ গাঙানর্ বেক মাছচুনোরে ধূল্যেচর-চাগালাত্ ফেলেই রাগেম। তুই খুলো মাদত্ পড়ি থেবে আর তরে তুলিনে গোর্ দিয়্যে ন-অবঅ। মুই হানা ইজেবে তরে ঝার্‌‌‌‌‌‌‌‌‌‌‌‌‌‌‌বো য়েমান আর আগাজ পেখ্‌‌‌‌‌‌‌‌‌‌‌‌‌‌‌কুনোরে দিম।

যিহিষ্কেল 32:4

মুড়ো উগুরে খুলো মাদত্ মুই তরে লুঙি মারি ফেলেই দিম। মঅ উগুমে আগাজর্ বেক পেখ্‌‌‌কুনে তঅ উগুরে বুজিবাক্ আর পিত্‌‌‌‌থিমীর বেক্ য়েমানুনে তরে হেইনে ঈল্ ফুদেবাক্।

দ্বি’লম্বর বিররণ 28:26

তমার মরাকিয়্যেনি অবদে আগাজর পেখ্‌ আর পিত্‌থিমীর য়েমানুনোর হানা, আর তারারে ধাবেই দিবাত্তে কনজনে উজেই ন এবাক্।

১ শমূয়েল 17:44

তে দায়ূদরে আরঅ কলঅ, “উজেই আয়; মুই তর্‌ কিয়্যের্‌ য়েরাগান আগাজর্‌ পেক্কুনোরে আর ঝারর্‌ য়েমানুনোরে হেবাত্তে দিম্‌।”

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।