যিরমিয় 34:13 - Chakma Bible

¹³ মুই ইস্রায়েলর গোজেন লগেপ্রভু কঙর্, মুই যেক্কে তমা পুরোণি মানুচ্চুনোরে মিসরত্তুন, চাগর্ কাদানা দেজত্তুন্ নিগিলেই আন্যং সেক্কে তারাত্তে এ সুদোমান থির্ গুরিনে কোইয়োং,

যিরমিয় 34:13 Iomraidhean Croise

যাত্রা 13:14

“ভবিচ্চদে যেক্কে তমা পূয়োগুনে ইয়েনির্‌ অত্তগানি তমাত্তুন্‌ পুযোর্‌ গুরিবাক্ সেক্কে তুমি পত্তিজনে কবা, ‘লগেপ্রভু মিসরর্ দাসত্বত্তুন্‌ তাঁর্‌ খেমতাগান্‌ দেগেইনে আমারে নিগিলেই আন্যে।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 24:3

মোশি যেক্কে ফিরি যেইনে মানুচ্চুনো ইদু লগেপ্রভুর্‌ বেক্‌ কধানি কলগোই আর তাঁর্‌ বেক্‌ সুদোমানি ফগদাং গুরিলো সেক্কে মানুচ্চুনে এক সমারে কলাক্‌, “লগেপ্রভু যিয়েনি যিয়েনি কোইয়্যে আমি সিয়েনি বেক্কানি গুরিবোং।”

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 11:7

তমা পুরোণি মানুচ্চুনোরে যেক্কে মুই মিসরত্তুন নিগিলেই আন্যং সেক্কেত্তুন ধুরি এচ্চ্যে সং বার্ বার্ তারার উজিয়ার গুরি দিইনে কোইয়োং, ‘তুমি মঅ কধা মজিম আঢঅ।’

যিরমিয় 31:32

মিসর দেজত্তুন্ তারার পুরোণি মানুচ্চুনোরে মুই আঢ্‌‍‍‍‍‍‍‍‍তানি ধুরিনে নিগিলেই আনিবার অক্তত্ তারাত্তে যে সুদোমান থিদেবর্ গোজ্যং এ নূয়ো সুদোমান সেই সুদোমান ধোক্ক্যেন ন-অবঅ। মুই যুনিয়ো তারার নেগ ধোক্ক্যেন এলুং তো তারা মঅ সুদোমান ভাঙ্যন্। ‍

যিরমিয় 34:12

ইয়েনত্তে লগেপ্রভু যিরমিয়রে কোইয়্যেদে,

যিরমিয় 7:22

মুই এ কধাগান কঙর্, কিত্তে যেক্কে মুই মিসরত্তুন্ তমা পুরোণি মানুচ্চুনোরে নিগিলেই আন্যং সেক্কে মুই পুজ্যে আর অন্য উৎসর্বর অনুষ্ঠান কধা ন-কঙ্ বা উগুম ন-দুয়োং,

দ্বি’লম্বর বিররণ 13:10

যিবে তরে মিসর দেজর চাগর্‌ খাদানাত্তুন্‌ নিগিলেই আন্যে তমার সেই গোজেন লগেপ্রভুর ইন্দিত্তুন্‌ তে তরে ফিরেবার চেট্টা গোজ্যে বিলিনে তারে তুই পাত্তর্‌ মারিনে মারে ফেলেবে।

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 16:12

মিসর দেজত্‌ তুমিয়ো যে চাগর্‌ এলা সে কধাগান মনত্‌ রাগেয়ো তুমি এই বেক্‌ সুদোমানি দোলেডালে পালেবা।

দ্বি’লম্বর বিররণ 24:18

মনত্‌ রাগেয়ো, মিসর দেজত্‌ তুমিয়ো চাগর্‌ এলা আর তমার গোজেন লগেপ্রভু সিয়োত্তুন্‌ তমারে উদ্ধোর গুরি আন্যে। সেনত্যেই মুই তমারে ইয়েনি গুরিবার উগুম দুয়োঙর্‌।

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।

দ্বি’লম্বর বিররণ 5:27

আমা গোজেন লগেপ্রভু যিয়েনি কোইয়্যে, তুইয়ো কায়-কুরে যেইনে সিয়েনি শুনি আয়। তে তরে যিয়েনি কবঅ সিয়েনি আমারে জানেই দিবে; আমি সিয়েনি শুনিনে সেধোক্ক্যেন চলিবোং।

দ্বি’লম্বর বিররণ 5:6

মুই লগেপ্রভু তমার গোজেন। মিসর দেজর্‌ চাগর্‌ কাদানাত্তুন্‌ মুয়োই তমারে নিগিলেই আন্যং।

দ্বি’লম্বর বিররণ 7:8

তে সিয়েনি গোজ্যেদে তমা উগুরে তার্‌ অমকদ কোচ্‌পানাত্তে আর তমার পুরোণি মানুচ্চুনো ইদু তে যে শমক্‌ গোজ্যে সিয়েনি রোক্ষে গুরিবাত্তে। সেনত্যে তে খেমতাবলা আঢ্‌তানি বেবহার্‌ গুরিনে তমারে নিগিলেই আন্যে আর মিসরর্‌ রাজা ফরৌণর্‌ আঢত্তুন্‌ আর চাগর খাদানার্‌ দেজত্তুন্‌ তমারে উদ্ধোর্‌ গোজ্যে।

দ্বি’লম্বর বিররণ 8:14

সেক্কে তুমি বার্বো ওইনে উদিবা আর যিবে মিসর দেজর্‌ চাগর্‌ খাদানাত্তুন্‌ তমারে নিগিলেই আন্যে তমার সেই গোজেন লগেপ্রভুরে তুমি ভুলি যেবা।

যিহোশূয় 24:17

আমার্‌ গোজেন লগেপ্রভু নিজেই আমার আর আমার পূরেণিমানুচ্চুনোরে মিসর দেজত্তুন্‌, সে চাগরর্‌ দেজত্তুন্‌ নিগিলেই আন্যে আর আমার চোগো মুজুঙোত্‌ সে বেক্‌ দাঙর্‌ দাঙর্‌ আমক্‌ অবার্‌ কামানি গোজ্যে। আমার পুরো যেবার পদথ্‌ আর যিদুক্কুন্‌ জাদ ভিদিরেন্দি আমি এচ্ছ্যেই তারা আঢত্তুন্‌ তেয়ই আমারে বাজেই রাগেয়্যে।