যিরমিয় 33:4 - Chakma Bible

^4-5 বাবিলীয়গুনো লগে যুদ্ধোর্ সময়োত্ দেবাল সমারে বাস্যে গুরি কুড়্ আর তলোয়ার আঢত্তুন্ রোক্ষ্যে পেবাত্তে এ শঅরর্ যেদক্কানি ঘর্ আর যিহূদার রাজঘরানি ভাঙি ফেলা ওইয়্যে সিয়েনি সেই বেক মানুচ্চুনোর মরাকিয়্যেলোই ভর্‌পুনং অবঅ যিগুনোরে মুই মর্ বেজার্ ওইনে আর রাগে মারে ফেলেম। তারার বেক্ পাজিগানিত্তে এ শঅর ইন্দিত্তুন্ মুই মঅ মুয়োন ফিরেই রাগেম। মুই ইস্রায়েলর গোজেন লগেপ্রভু এ কধাগান কঙর্।

যিরমিয় 33:4 Iomraidhean Croise

যিশাইয় 22:10

তুমি যিরূশালেমর ঘরানি গুণ্য আর দেবালানি দরমর গুরিবাত্তে সিয়েনি ভাঙ্য।

যিশাইয় 32:13

কাদাগাজে আর কাদাঝুব্‌পোই ভরা মঅ মানুচ্চুনোর্ দেজ্‌ছানত্তে বুগ্ চাবড়। অয়, রঙ্গ-ফুত্তিলোই ভরা ঘরানি আর কিজিক্-কাজাগে ভরা শঅরত্তে বুগ্ চাবড়।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 6:6

বেগত্তুন খেমতাবলা লগেপ্রভু তারারে এ কধাগান কোইয়্যেদে, “তুমি গাজ্‌চুন কাবিনে সিয়েনিলোই যিরূশালেমর বিরুদ্ধে তার দেবালান সমারে ভিদেকুড়্ বানঅ। এ শঅরানরে সাজা দিয়্যে পুরিবো; ইয়েন অত্যেচারে ভুরি যেইয়্যে।‌‌‌‌

আবিলেচ্ 2:7

লগেপ্রভু তার ডালিপূজোবোরে এলাফেলা গোজ্যে, ছাড়ি দিয়্যে তার সুদ্ধো-সাংগ জাগায়ান। তা তাম্বুলানির্ বেক্ দেবালানি তে শত্রুগুনো আঢত্ তুলি দিয়্যে। পরব দিনো ধোক্ক্যেন্‌গুরি শত্রুগুনে লগেপ্রভুর ঘরত্ যগার্ পাত্তন্।

যিহিষ্কেল 21:22

তার ডেন্ আঢত্ থোইয়্যে গোণেবার-পড়িবার জিনিস্‌চানে যিরূশালেম ইন্দি পথ্‌তান দেগেই দিবো; সিয়েনত্ তে দেবাল আর গেট্ ভাঙিবার মিশিন বোজেব, মারে ফেলেবার উগুম দিবো, যুদ্ধোর্ ডাগনি দিবো, নিযো কুড়্ আর অজল্ কুড়্ বানেব।

যিহিষ্কেল 26:8

তে যুদ্ধো গুরিনে তর্ আদামানি ভস্ত গুরিবো। তে তঅ বিরুদ্ধে এক্কো অজল্ কুড়্ বানেব আর তর্ দেবাল সমারে বাস্যে এক্কো তলেদি কুড়্ বানেব; তারা নিজোরে রোক্ষ্যে গুরিবাত্তে তারার্ বেক্ ঢালানি অজল্ গুরি ধুরিবাক্।

যিহিষ্কেল 4:2

তা চেরোকিত্তে এবাবোত্যেগুরি ঘিজ্যে দেগা: তা বিরুদ্ধে এক্কান অজল্ দেবাল্ বানা, শঅরর্ দেবাল লগে এক্কো উবো দেবাল্ বানা, শঅরর্ বিরুদ্ধে সৈন্যগুনোর তাম্বুল্ টাঙা আর দেবাল চেরোকিত্তে দেবাল্ ভাঙেদে মেশিন্ বজা।

হবক্‌‌‌‌কূক 1:10

তারা রাজাগুনোরে ঠাট্টা-মশ্‌‌‌‌কারি গরন্ আর শাজন্‌গুরিয়্যেগুনোরে ঈচ্ গরন্। তাম্বুলানি দেগিনেই তারা আজন্; তারা দেবাল্ পার অবাত্তে পাত্তর কুড়্ বানেইনে সে তাম্বুলানি গজক্ গুরি নেযান্।

দ্বি’লম্বর বিররণ 20:20

মাত্তর্‌ যিগুন্‌ গুলোগুলির্‌ গাজ্‌ নয় বিলিনে তমাত্তুন জানা থেবঅ সিগুন্‌ তুমি কাবি ফেলেই পারিবা আর যে জাগার মানুচ্চুনে তমা লগে যুদ্ধো গত্তন্‌ তারা উদিই ন-যানা সং সে গাচ্চুন তুমি আক্রমণ গুরিবার কামত্‌ বেবহার গুরি পারিবা।