যিরমিয় 33:22 - Chakma Bible

²² মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

যিরমিয় 33:22 Iomraidhean Croise

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 15:5

পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

গীতসংহিতা 22:30

ভবিচ্চদ্ বংশধরুনে তারে সেবা গুরিবাক্, আর সেই যুগোর্ মানুচ্চুনো ইদু প্রভুর পৌইদ্যেনে কুয়ো অবঅ।

গীতসংহিতা 89:29

মুই তা বংশবোরে উমর সং থিদেবর্ গুরিম; যেদকদিন্ আগাজ্‌ছান থেবঅ তা সিংহাসনান্‌অ সেদকদিন থেবঅ।

যিশাইয় 48:19

ইয়েনিবাদে তমা বংশধরুনে ধূল্যে ধোক্ক্যেন অদাক্ আর তমা ঝি-পুয়োগুনে অদাক্ ধূল্যেচর ধোক্ক্যেন গুণি ন-পুরেইয়্যে। তারা নাঙানি মঅ মুজুঙোত্তুন্ কনদিন্অ ফুজি ফেলা ন-অদঅ বা তারারে ভস্ত গরা ন-অদঅ।”

যিশাইয় 66:21

মুই তারা ভিদিরেত্তুন্ কয়েক জন লেবীয়রে ধর্মগুরু আর সেবাগুরিয়্যে অবাত্তে বেঈ নেযেম।”

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিরমিয় 31:37

যুনি উগুরে আগাজ্‌চানরে মাবা যায় আর তলেদি পিত্‌থিমীর খুদোবো তোগেইনে পাহ্ যায় সালেন্ ইস্রায়েলীয়গুনে যিয়েনি গোজ্যন সিয়েনিত্তে মুই তারারে এলাফেলা গুরি পারং। মুই লগেপ্রভু এ কধাগান কঙর্‍।” ‍‍‍‍‍‍‍‍‍‍‍‍‍‍‍‍‍‍‍‍‍‍‍

যিরমিয় 33:18

মঅ মুজুঙোত্ থিয়্যেইনে নিত্য পুজ্যে-উৎসর্বর, শোস্য-উৎসর্বর আর এ্যামান-উৎসর্বর অনুষ্ঠান গুরিবাত্তে লেবীয় ধর্মগুরুগুনো ভিদিরেয়ো মান্‌জ্যর অভাব ন-অবঅ‍।”‍‍‍

যিরমিয় 33:23

সে পরেদি লগেপ্রভু যিরমিয়রে আরঅ কলঅ,

যিহিষ্কেল 37:10

সেনত্তে তার উগুম মজিম্ মুই আগাম্ কধা কলুং আর সেক্কে তারা ভিদিরে নিজেস্ চোমেল; তারা জেদা ওইনে টেঙোই ভর্ দিইনে উদিনে থিয়্যেল। তারা এলাক্ এক্কো দাঙর্ সৈন্যদল।

যিহিষ্কেল 44:15

মাত্তর্ ইস্রায়েলীয়গুনে যেক্কে মত্তুন্ ভান্ন্যেই পধেদি যেইয়োন্ সেক্কে সাদোক বংশর্ যে লেবীয়গুনে ধর্মগুরু ইজেবে মঅ ঘরত্ বিশ্বেজ্ গুরিনে তারার্ কামানি গোজ্যন্ তারা মর্ সেবা-কাম্ গুরিবাত্তে মইধু এই পারিবাক্; তারা তেল্ আর লো উৎসর্ব গুরিবাত্তে মঅ মুজুঙোত্ থিয়্যেই পারিবাক্। মুই প্রভু লগেপ্রভু এ কধাগান কঙর্।

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

সখরিয় 10:8

মুই তারারে শিক্ কারিনে ডাগিম্ আর এক সমারে এগত্তর্ গুরিম। মুই তারারে উদ্ধোর্ গুরিম বিলিনে তারা আগ ধোক্ক্যেন জনেদি বোউত্ অবাক্।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

ইব্রীয় 11:12

ইয়েনত্যে বয়জর্ কারনে অকেজো কিয়্যেলোই অব্রাহামে আগাজ তারা ধোক্ক্যেন আর সাগর পারর্ কোড়োলি ধোক্ক্যেন ভালোক্কুন্ পুয়ো-ছার্ বাপ্ ওইয়্যে।