যিরমিয় 32:39 - Chakma Bible

³⁹ মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিরমিয় 32:39 Iomraidhean Croise

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

গীতসংহিতা 112:1

লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

গীতসংহিতা 128:6

তুই যেন তর্ নাদিন-পুদিনুন দেগচ্। ইস্রায়েলীয়গুনো উগুরে সুগ্-শান্দি এজোক্।

গীতসংহিতা 86:11

ও লগেপ্রভু, তর্ পথ্‌তান পৌইদ্যেনে মরে শিক্ষ্যে দে, যেনে মুই তর্ সত্যলোই চলি পারং; তরে ভোক্তি গুরিবাত্যে মর্ দ্বিভাগ ওইয়্যে মনানরে তুই এগত্তর্ গর্।

গম্ উপদেজ্ 23:17

তঅ রিবেঙো পাপীগুনোরে ইংসে ন-গোরোক্, বরং নিত্য লগেপ্রভুরে ভোক্তি গুরি দোরেইনে তুই আঢাউদো গর্।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 52:8

শুন্, তঅ চুগিদারুনে রঅ ছাড়দন্, তারা হুজিয়ে একসমারে কিজিক্ কাজাক্ গরদন্, কিত্তে লগেপ্রভু যেক্কে সিয়োনত্ ফিরি এবঅ সেক্কে তারা নিজো চোগেদি সিয়েনি দেগিবাক্।

যিশাইয় 65:23

তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

যিহিষ্কেল 36:26

মুই তমা ভিদিরে নুয়ো রিবেং আর নুয়ো মন দিম; মুই তমার্ দরমর রিবেঙান্ দূর্ গুরিনে নরম রিবেং দিম।

যিহিষ্কেল 37:22

সিয়েনত্ ইস্রায়েলর মুড়ো-মুড়ি উগুরে মুই তারারে নিইনে এক্কান রেজ্য বানেম্। তারা বেক্কুনো উগুরে একজনে রাজা অবঅ আর তারা আর্ কনদিন্‌অ দ্বিবে ন-অবাক্ বা দ্বিয়েন রেজ্য ভাগ্ ন-অবঅ।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

প্রেরিত্‌ 13:33

সিয়েনি তে তারার্ বংশগুনোত্তে, অত্তাৎ আমাত্যে যীশুরে মরণত্তুন্ জেদা গুরিনে পূরোণ গোজ্যে। এ পৌইদ্যেনে গীতসংহিতার দ্বিলম্বর গীদোত্ এ কধাগান লেগা আঘে: তুই মর্ পুয়ো, এচ্চ্যে মুই তর্ বাব্ অলুং।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

রোমীয় 11:16

মোইদ্যে তালত্তুন্ বানেয়্যে পত্তম্ রুটিগান যুনি পবিত্র অয় সালে দঅ গোদা তাল্লো পবিত্র। জলপাই গাজ্‌চোর্ গড়াগান্ যুনি পবিত্র অয় সালে তা ডেলাগুন্অ দঅ পবিত্র।

১ করিন্হীয় 7:14

কিয়া মোক্কোর্ মাধ্যমে সেই অবিশ্বেজি নেক্কোরে আর নেক্কোর্ মাধ্যমে সেই অবিশ্বেজি মোক্কোরে গোজেনে গমেডালে চায়। সিয়েন ন-অলে তমা পুয়ো-ঝিগুনে দঅ অসিজি অদাক্; মাত্তর্ আসলে গোজেনে তারারে গম্ চোগেদি চায়।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।

দ্বি’লম্বর বিররণ 6:24

এচ্চ্যে ধোক্ক্যেন যেন আমিঝে আমার্‌ ভালেদি অয় আর আমি বাঁঝি থেই পারিই সেনত্যে লগেপ্রভু আমারে এ বেক্‌ সুদোমানি পালন গুরিবাত্তে আর আমা গোজেন লগেপ্রভুরে ভোক্তি গুরিবাত্তে উগুম্‌ দিয়্যে।

ইব্রীয় 10:20

খ্রীষ্ট আমাত্যে এক্কান নূয়ো আর জেদা পথ্ মেলি দিয়্যে, যেন আমি পদ্দা ভিদিরেদি, অত্তাৎ তার্ কিয়্যেগানর্ মাধ্যমে গোজেন মুজুঙোত্ আঝির্ ওই পারিই।