যিরমিয় 32:38 - Chakma Bible

³⁸ তারা মঅ মানুচ্ অবাক্ আর মুই তারার গোজেন ওম্।

যিরমিয় 32:38 Iomraidhean Croise

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

২ শমূয়েল 7:24

তর্‌ মানুচ্‌ ইস্রায়েলীয়গুনোরে তুই নিজোর নাঙে জিংকানিবর্‌ তর্‌ নিজো মানুচ্‌ অবাত্তে থিদেবর্ গোজ্যস্‌, আর তুই, ও লগেপ্রভু, তুই তারার্‌ গোজেন্‌ ওইয়োচ্‌।

গীতসংহিতা 144:15

বর্ পেইয়্যে সেই জাদ্‌তো, যিবের্ অবস্থা এবাবোত্যে অয়। বর্ পেইয়্যে সেই জাদ্‌তো, লগেপ্রভু যিগুনোর্ গোজেন।

যিশাইয় 65:23

তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 30:22

সেনত্তে তুমি মঅ মানুচ্ অবা আর মুই তমার গোজেন ওম্।”

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিহিষ্কেল 16:60

তো তর্ কম বয়জত্ তত্তে মুই যে সুদোমান থিদেবর্ গোজ্যং সিয়েন মুই মনে গুরিম আর তত্তেই এক্কান উমরর্ সুদোম থিদেবর্ গুরিম।

যিহিষ্কেল 36:28

তমা পূরোণি মানুচ্চুনোরে যে দেজ্‌চান মুই দুয়োং সিয়েনত্ তুমি বজত্তি গুরিবা; তুমি মঅ মানুচ্ অবা আর মুই তমা গোজেন ওম্।‌‌‌‌‌‌‌‌‌‌‌‌

যিহিষ্কেল 37:27

মর্ থেবার জাগায়ান অবঅ তারা ভিদিরে; মুই তারার্ গোজেন ওম্ আর তারা মঅ মানুচ্ অবাক্।

যিহিষ্কেল 39:22

সেদিন্যেত্তুন্ ধুরি ইস্রায়েলীয়গুনে হবর্ পেবাক্, মুয়ই তারার গোজেন লগেপ্রভু।

যিহিষ্কেল 39:28

সেক্কে তারা হবর্ পেবাক, মুয়ই তারার্ গোজেন লগেপ্রভু, কিত্যে নানান্ জাদ ভিদিরে তারারে বন্দীদজাত্ পাদেলেয়ো মুই তারারে নিজো দেজত্ ফিরেই আনিম, কাররে ফেলেই ন-রাগেম।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

দ্বি’লম্বর বিররণ 14:23

তমা গোজেন লগেপ্রভুরে যেনে তুমি ভোক্তি গুরিবাত্তে শিগো সেনত্যে তমার শোজ্য, নুয়ো আংগুরো-রস আর তেলর দশ ভাগর এক ভাগ আর তমা পালর গোরু-ভেড়া-ছাগলর পত্তম ছঅবোর্‌ য়েরাগান তমার গোজেন লগেপ্রভুর মুজুঙোত্‌ তমাত্তুন্‌ এনজান্‌ জাগাত খা পুরিবো যে জাগাগানত তে নিজোরে ফগদাং গুরিবাত্তে তার থেবার জাগা ইজেবে বেঈ নেযেব।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।