যিরমিয় 32:35 - Chakma Bible

³⁵ তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

যিরমিয় 32:35 Iomraidhean Croise

১ রাজাবলী 11:33

মুই ইয়েন গুরিম, কিত্তেই সে দশছুয়ো গুট্টিয়ে মরে ছাড়িনে সীদোনীয়গুনোর দেবী অষ্টোরতর্, মোয়াবর দেবেদা কমোশর আর অম্মোনীয়গুনোর দেবেদা মিল্‌কমর পূজো গোজ্যন্‌। শলোমনর্ বাপ্পো দায়ূদে যেধোক্কেন্‌ গুরিদো তারা সেধোক্কেন্‌ ন-গরন্‌। তারা মঅ পধেন্দি ন-আঢন, মঅ চোগেন্দি যিয়েনি ঠিগ সিয়েনি ন-গরন্‌ আর মঅ সুদোমানি আর নিদ্দেশ্‌ছানি ন-পালান।

১ রাজাবলী 11:7

যিরূশালেমর পূগেন্দি মুড়ো উগুরে তে মোয়াবর জঘন্য দেবেদা কমোশ আর অম্মোনীয়গুনোর জঘন্য দেবেদা মোলকর্‌ নাঙে পূজোর্‌ অজল জাগায়ান বানেল।

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

১ রাজাবলী 15:26

লগেপ্রভুর চোগোত্‌ যিয়েনি বজং তে সিয়েনি গুরিদো। তে তার্‌ বাবঅ ধোক্ক্যেন্ চলিদো, অত্তাৎ তা বাপ্পো ইস্রায়েলীয়গুনোরে দিইনে যেধোক্ক্যেন্ পাপ গোজ্যে তেয়ো সেধোক্ক্যেন্ গুরিলো।

১ রাজাবলী 15:30

ইয়েনর্‌ কারণান্‌ অলঅ, যারবিয়ামে নিজে পাপ গোজ্যে আর ইস্রায়েলরে দিইনে পাপ গোরেয়্যে আর সিয়েন্‌ গুরিনে তে ইস্রায়েলর্‌ গোজেন্‌ লগেপ্রভুরে রাগ তুলি দিয়্যে।

১ রাজাবলী 16:19

তা পাপত্তে তাত্তুন্‌ মরা পুড়িলো, কিত্তেই লগেপ্রভুর চোগোত্‌ যিয়েনি বজঙ্‌ তে সিয়েনি গুরিদো। তে যারবিয়াম ধোক্ক্যেন্ চলিদো, অত্তাৎ যারবিয়ামে ইস্রায়েলীয়গুনোরে দিইনে যেবাবোত্যে পাপ গোরেয়্যে তেয়ো সেধোক্ক্যেন্ গুরিলো।

১ রাজাবলী 21:22

মুই তঅ বংশবোরে নবাটর পূঅ যারবিয়াম আর অহিয়োর্‌ পূঅ বাশার বংশ ধোক্ক্যেন্ গুরিম্‌, কিত্তেই তুই মরে রাগ তুলি দুয়োচ্‌ আর ইস্রায়েলরে দিইনে পাপ গোরেয়োচ্‌।

২ রাজাবলী 21:11

“যিহূদার রাজা মনঃশি এ জঘন্য পাপ্পানি গোজ্যে। তা আগেন্দি যে ইমোরীয়োগুনে এলাক্‌ তারাত্তুন্‌অ বেশ্‌ তে আরঅ বজং কাম্‌ গোজ্যে আর নিজো মূত্তিগুন্দোই যিহূদারে পাপত্ ফেলেয়্যে।

২ রাজাবলী 21:4

লগেপ্রভু যে ঘরান পৌইদ্যেনে কোইয়্যে, “মুই যিরূশালেমত্‌ বজত্তি গুরিম,” লগেপ্রভুর সে ঘরান ভিদিরে তে কয়েক্কো ডালিপূজো বানেল।

২ রাজাবলী 23:10

অন্য কনজনে যেনে মোলক দেবেদা নাঙে নিজোর পুয়ো বা ঝিগুনোরে আগুনোত্‌ পুড়িনে উৎসর্ব গুরি ন-পারে সেনত্তে যোশিয় বেন্‌-হিন্নোম কলগর্‌ তোফৎ নাঙে পূজো জাগায়ান্‌ অসিজি গুরি দিলো।

২ রাজাবলী 23:15

নবাটর পুয়ো যারবিয়াম যিবে ইস্রায়েলরে দিইনে পাপ গোরেয়্যে তে বৈথেলত্‌ যে ডালিপূজো আর পূজো অজল্‌ জাগানি বানেয়্যে সিয়েনি যোশিয় ভস্ত গুরি দিয়্যে। যোশিয় সে পূজো অজল্‌ জাগানি পুড়ি দিইনে গুড়ি গুরি ফেলেল আর আশেরা-খুদোবোয়ো পুড়ি দিলো।

২ রাজাবলী 3:3

মাত্তর্‌ নবাটর পুয়ো যারবিয়াম ইস্রায়েলরে দিইনে যেদক্কানি পাপ গোজ্যে যোরামেয়ো সিয়েনি গরা ধুরিলো। তে সিয়েনিত্তুন্‌ ন-ফিরিলো।

২ বংশধর 33:6

বিন্‌-হিন্নোম কিজিঙোত্‌ তা পুয়োগুনোরে তে আগুনোত্‌ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্‌, ফু-ফা আর যাদুবিদ্যে বেবহার গুরিনে আর ভূত্‌তুনোর সমাজ্যে অন্‌ আর ভান্ন্যেই আত্মাগুনোর্‌ লগে মিজেন্‌ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্‌ গুরিনে তে তারে অহুজি গুরিলো।

২ বংশধর 33:9

যিহূদা আর যিরূশালেমর মানুচ্চুনোরে মনঃশি ভান্ন্যেই পধেন্দি নেযেল; সিয়েনত্তে লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ভস্ত গুরি দিয়্যে তারাত্তুন্‌ বেশ্‌ তারা আরঅ ভান্ন্যেই কাম্‌ গরা ধুরিলাক্‌।

২ বংশধর 36:14

ইয়েনিবাদেয়ো ধর্মগুরুগুনোর্‌ বেক্‌ নেতাগুনে আর মানুচ্চুনে অন্য জাদ ধোক্ক্যেন বজং অভ্যেস্‌ গুরি চলিনে জদবদে পাপ গুরিলাক্‌ আর লগেপ্রভু যিরূশালেমত্‌ তার্‌ যে ঘরানরে নিজোর্‌ নাঙে যুদো গোজ্যে সিয়েন্‌ অসিজি গুরিলো।

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিরমিয় 19:2

সে পরেদি খাপ্‌রা-গেদোত্ সোমেবার পধ ইধু বিন্‌-হিন্নোম কলগত্ যাহ্। মুই তরে যে কধাগান কোম্ সিয়েন সিদু ফগদাং গর্।

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 7:30

লগেপ্রভু কোইয়্যেদে, “মঅ চোগেদি যিহূদার মানুচ্চুনে ভান্ন্যেই কাম গোজ্যন। মঅ ঘরত্ তারা তারার জঘন্য মূত্তিগুন বোজেইনে সিয়েনরে অসিজি গোজ্যন্।

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌

যিহিষ্কেল 23:37

তারা বেভিচের্ গোজ্যন আর তারা আঢত্ লো আঘে। তারার্ মূত্তিগুন পূজো গুরিনে তারা বেভিচের্ গোজ্যন; এমন্ কি, মত্তে জর্ম দিয়্যে ঝি-পুয়োগুনোরে তারা মূত্তিগুনোর হানা ইজেবে আগুনোত্ পুড়িনে উৎসর্ব গোজ্যন্।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

প্রেরিত্‌ 7:43

না, মাত্তর্ পূজো গুরিবাত্যে যে মূর্ত্তিবো তুমি বানেয়ো সেই মোলক দেবেদার মূর্ত্তিবো আর তমার রিফণ দেবেদার তারাবো তুমি বুয়োই নেযেয়ো। সেনত্তে মুই বাবিল দেজর্ উই পারত্ বন্ধী ইজেবে তমারে পাধেই দিম।

দ্বি’লম্বর বিররণ 12:31

তুমি তমার গোজেন লগেপ্রভুর উবোসনা তারার্‌ পূজো ধোক্কেন্‌ গুরিনে ন-গুরিবা, কিত্যে তারার্‌ দেব-দেবেদা পূজোলোই তারা এধোক্ক্যেন জঘন্য কাম্‌ গোজ্যন্‌ যিয়েনি লগেপ্রভু ঘিনেই। এন্‌ কি, তারা তারার দেব-দেবেদাগুনো ইদু তারার ঝি-পূঅগুনোরে আগুনোত্‌ পুরিনে উৎসর্ব গোজ্যন্‌।

দ্বি’লম্বর বিররণ 18:10

তমা ভিদিরে যেন এধোক্ক্যেন কনঅ মানুচ্‌ ন থান্‌ যে তার নিজোর পূঅবোরে আগুন্দোই পুড়িনে উৎসর্বর অনুষ্ঠানান্ গরে, যে গোণাপড়া গুরিনে বা যাদুবিদ্যে খাদেইনে বা লক্ষণ চেইনে আগাম্ কধা কয়, যে যাদু গরে,

দ্বি’লম্বর বিররণ 24:4

মাত্তর্‌ তার্‌ পত্তম নেক্কো, যে তারে ছুড়্ কাবোজ্ দিয়্যে তে তারে আর লোয় ন-পারিবো, কিত্যে তে অসিজি ওই যেইয়্যে। এধোক্ক্যেন লো-লি অনা লগেপ্রভু ঘিনাই। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ তুমি ইঙিরিনে সিয়েন উগুরে পাপ ডাগি ন-আনিবা।