যিরমিয় 32:34 - Chakma Bible

³⁴ মঅ ঘরত্ তারা তারার সাংগাদিক্ মূত্তিগুন বোজেইনে সিয়েন অসিজি গোজ্যন্।

যিরমিয় 32:34 Iomraidhean Croise

২ রাজাবলী 21:1

মনঃশি বার বজর বয়জত্‌ রাজা ওইয়্যে আর পাচ্‌পান্ন বজর যিরূশালেমত্‌ রাজাগিরি গোজ্যে। তা মাবো নাঙান্‌ অলদে হিফ্‌সীবা।

২ রাজাবলী 23:6

তে লগেপ্রভুর ঘরত্তুন্‌ আশেরা-খুদোবো নেযেইনে যিরূশালেম বারেন্দি কিদ্রোণ কলগত্‌ সিবে পুড়ি দিলো। সে পরেন্দি সিবে গুড়ি গুরিনে সিবের্‌ ধূল্যেগান্‌ নাদা মানুচ্চুনোর গোরান উগুরে ছিদি দিলো।

২ বংশধর 33:15

তে লগেপ্রভু ঘরত্তুন্‌ দেব-দেবেদাগুনোর্‌ মূত্তিগুনোরে দূর্‌ গুরি দিলো। তে যিরূশালেমত্‌ আর লগেপ্রভুর ঘরর্‌ মুড়োবো উগুরে যিদুক্কুন্‌ ডালিপূজো বানেয়্যে সিগুনোরে দূর্‌ গুরি দিলো। সিগুনোরে লোইনে তে শঅর বারেন্দি ফেলেই দিলো।

২ বংশধর 36:14

ইয়েনিবাদেয়ো ধর্মগুরুগুনোর্‌ বেক্‌ নেতাগুনে আর মানুচ্চুনে অন্য জাদ ধোক্ক্যেন বজং অভ্যেস্‌ গুরি চলিনে জদবদে পাপ গুরিলাক্‌ আর লগেপ্রভু যিরূশালেমত্‌ তার্‌ যে ঘরানরে নিজোর্‌ নাঙে যুদো গোজ্যে সিয়েন্‌ অসিজি গুরিলো।

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 23:11

লগেপ্রভু কোইয়্যেদে, ভাববাদী আর ধর্মগুরুগুনে গোজেন উগুরে ভোক্তিনেইয়্যে ওইয়োন; মঅ ঘরত্ সং মুই তারার পাজিগানি দেখ্যং।

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 34:15

কয়েকদিন অলঅ তুমি মনান ফিরেইনে মঅ চোগেদি যিয়েন ঠিগ্ সিয়েনই গোজ্যন্, অত্তাৎ তুমি পত্তিজনে তমা ইব্রীয় ভেইয়ুনোরে উদ্ধোর্ ফগদাং গোজ্য। এমন কি, মঅ ঘরত্ মঅ মুজুঙোত্ তুমি মঅ সুদোমান মানিবা বিলিনে রাজি ওইয়ো।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 7:10

সে পরেদি এইনে তুমি মঅ ঘরত্ মঅ মুজুঙোত্ এইনে থিয়্যেইনে কঅ, তুমি গমে আগঅ। তুমি সিয়েনি গরঅ যেনে তুমি সেই জঘন্য কামানি গুরি যেই পারঅ।

যিরমিয় 7:30

লগেপ্রভু কোইয়্যেদে, “মঅ চোগেদি যিহূদার মানুচ্চুনে ভান্ন্যেই কাম গোজ্যন। মঅ ঘরত্ তারা তারার জঘন্য মূত্তিগুন বোজেইনে সিয়েনরে অসিজি গোজ্যন্।

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌