যিরমিয় 32:33 - Chakma Bible

³³ তারা মঅ ইন্দিত্তুন পিঠ্‌তান ফিরেয়োন, মুয়োদি নয়; যুনিয়ো মুই বারে বারে তারারে শিক্ষ্যে দুয়োং তো তারা মঅ শাজনান্ ন-মানন, গুজিয়ো ন-লন। ‌‍

যিরমিয় 32:33 Iomraidhean Croise

ইয়োব 35:11

তে দঅ পিত্‌থিমীর এ্যমানুনোত্তুন্ বেশ্ আমারে শিক্ষ্যে দে আর আগাজ পেক্কুনোত্তুন্ বেশ্ জ্ঞান দান গরে।’

যিরমিয় 18:17

তারা শত্রুগুনো মুজুঙোত্ মুই পূগো বোইয়্যের ধোক্ক্যেন তারারে ছিদি দিম্; দজার্ দিনোত্ মুই তারারে মর্ মুয়োদি নয় মাত্তর্ পিঠ দেগেম।”

যিরমিয় 2:27

তারা তক্তারে কন্, ‘তুই মর্ বাপ্,’ আর পাত্তর্‌বোরে কন্, ‘তুই মর্ মা।’ তারা মঅ মোক্ক্যে ন-ফিরোন, তারা পিঠ্‌‍‍ দুয়োন; তো দযা এলে তারা কন্দে, ‘তুই আয়, আমারে উদ্ধোর গর্।’ ‌

যিরমিয় 26:5

ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 7:13

তুমি এ পাপ্‌পানি গোজ্য, অত্তাৎ মুই তমারে বার বার কলেয়ো তুমি ন-শুনো আর তমারে ডাগিলেয়ো জোব্ ন-দুয়ো।‌

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিরমিয় 7:28

সেনত্তে তুই তারারে কবে, ‘তুমি সেই জাদ্, যে তার গোজেন লগেপ্রভুর আওজ্ মজিম ন-চলে বা তার সংশোধনত্ ন-শুনোন্। সত্যগান ভস্ত ওই যেইয়্যে; কনজনে সে পৌইদ্যেনে মুয়োদিয়ো ন-আনন্।’ ”

যিহিষ্কেল 23:35

তুই মরে ভুলি যেইয়োচ্ আর তঅ পিজেদি মরে ঠিলি দুয়োচ্ বিলিনে তত্তুন্ তর্ বেভিচের্ আর বেশ্যেগিরির ফল ভুগো পুরিবো। মুই প্রভু লগেপ্রভু এ কধাগান কঙর্।”

যিহিষ্কেল 8:16

সে পরেদি তে মরে লগেপ্রভুর ঘর ভিদিরে উদোনত্ নেযেল আর সিদু উবোসনা-ঘরত্ সোমেবার মুয়োনত্ বারান্দা আর পূজোর্ সংমোধ্যে পেরায়্ পোজোশ্‌জন মানুচ্ এলাক্। লগেপ্রভু ঘর ইন্দি পিজেদি ফিরিনে পূগেদি মু গুরি তারা বেলানরে জু জু জানাদন্।

হোশেয় 11:2

মাত্তর্ মুই ইস্রায়েলরে যেদক্ ডাগিলুং সেদক্ তে মত্তুন্ দূরোত্ সুরি গেলঅ। তা মানুচ্চুনে বাল দেবেদা ইধু য়েমান-উৎসর্ব গরা ধুরিলাক্ আর মূত্তিগুনো ইধু আগর্‌বাট্টি জ্বালা ধুরিলাক্।

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

যোহন 8:2

তার্ কেল্যে বেন্ন্যেপোত্যে যীশু আরঅ উবোসনা-ঘরত্ যানার্ পরেদি বেক্‌ মানুচ্চুনে তা ইধু এলাক্। সেক্কে যীশু বুজিনে তারারে শিক্ষ্যে দিয়্যে ধুরিলো।