যিরমিয় 32:30 - Chakma Bible

³⁰ ইস্রায়েল আর যিহূদার মানুচ্চুন চিগোনত্তুন্ ধুরি মঅ চোগেদি বানা ভান্ন্যেই কাম বাদে কিচ্চু ন-গরন; ঘেচ্চেকগুরি ইস্রায়েলর মানুচ্চুনে তারার আঢে বানেয়্যে জিনিস্‌‌চোই মরে বানা অহুজি গোজ্যন্।

যিরমিয় 32:30 Iomraidhean Croise

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

যিরমিয় 22:21

তুই যেক্কে গম্ অবস্থায় এলে সেক্কে মুই তরে উজিয়ার গোজ্যং, মাত্তর্ তুই কোইয়োচ্চে, ‘মুই ন-শুনিম।’ পৌইল্যাত্তুন্ ধুরি তঅ বেবহারান এবাবোত্যে; তুই মর্ বাধ্য ন-অচ্।

যিরমিয় 25:6

দেব-দেবেদাগুনোরে সেবা আর পূজো গুরিবাত্তে তারা পিজেদি ন-যেয়ো; তমা আঢে বানেয়্যে জিনিস্‌চোই মরে অহুজি ন-গোজ্য। সালে মুই তমারে অমংগল ন-গুরিম।‌

যিরমিয় 25:7

ইক্কিনে লগেপ্রভু কোইয়্যেদে, মাত্তর্ তুমি মঅ কধাগান ন-শুনো। সিয়েনর বদলে তমা আঢর্ বানেয়্যে জিনিস্‌‌চোই মরে বেজার্ গুরিনে নিজো উগুরে অমংগল ডাগি আন্য।

যিরমিয় 3:25

এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

যিরমিয় 44:3

সিয়েন ওইয়্যেদে তারার পাজিগানির কারনে, কিত্তে তারা দেব-দেবেদাগুনো মুজুঙোত্ আগর্‌বাট্টি জ্বালেইনে আর তারারে পূজো গুরিনে মরে অমকদ রাগ্ তুলি দুয়োন। সে দেব-দেবেদাগুনোর্ কধা তারায়ো হবর্ ন-পেদাক্, তুমিয়ো হবর্ ন-পেদা বা তমা পুরোণি মানুচ্চুনেয়ো হবর্ ন-পেদাক্।

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

যিহিষ্কেল 23:3

কম্ বয়জত্তুন্ ধুরি মিসর দেজত্ তারা বেশ্যেগিরি গুরিদাক্। সে দেজত্ মানুচ্চুনে তারার্ বুগ্‌‌‌‌‌‌‌‌‌‌‌‌‌‌‌‌কুন ধুরিনে কির্বো গুরিনে তারার্ খাটি গাবুরো জিংকানিগান বর্‌‌‌‌‌‌‌‌‌‌‌‌‌‌‌‌‌বাত্ গোজ্যন্।