যিরমিয় 32:19 - Chakma Bible

¹⁹ তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

যিরমিয় 32:19 Iomraidhean Croise

১ রাজাবলী 8:32

মাত্তর্‌ তুই স্বর্গত্তুন্‌ সে কধানি শুনিচ্‌ আর সেধোক্কেনগুরি কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষোর্‌ ফল তা মাঢাবোত্‌ চাপি দিইনে তারে দুষি বিলিনে প্রমাণ গুরিচ্‌ আর নিদ্দুজীবোরে তা কাম্‌ অনুসারে ফল দিইনে তারে নিদ্দুজি বিলিনে প্রমাণ গুরিচ্‌।

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

ইয়োব 34:11

তে মান্‌জ্যরে তা কামর্ ফল দে; তা আচার-বেবহার অনুসারে তে তার পাওনা দে।

ইয়োব 34:21

মানুচ্চুনোর আদা-উদো গরানা উগুরে গোজেনর চোগ্ আঘে; তারার পত্তি পোইদ্যা তে দেগে।

গীতসংহিতা 111:2

লগেপ্রভুর বেক কামানি দোল্; যিগুনে সিয়েনিলোই হুজি অন্ তারা সিয়েনিলোই ধ্যান গরন্।

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

গীতসংহিতা 62:12

ও প্রভু, তইদু অমকদ কোচ্‌পানা আঘে; তুই পত্তিজনরে তার কাম মজিম্ ফল দি থাচ্।

গীতসংহিতা 92:6

যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

গম্ উপদেজ্ 5:21

মানুচ্চুনোর্ আঢাউদো উগুরে লগেপ্রভু চোগ্ রাগেয়্যে; তারার বেক্ পথ্‌তানি তে পোরোক্ষ্যে গুরি দে।

গম্ উপদেজ্ 8:14

সল্লা আর তরিৎ বুদ্ধি মত্তুন্ এজে; মুই বিচেরবুদ্ধি, মুই খেমতা দুয়োং।

উপদেশক 12:14

গোজেনে বেক্ কামানির, এমন্ কি, বেক্ গুমর কধানি পৌইদ্যেনে বিচের্ গুরিবো-সিয়েন্ গম্ ওক্ বা ভান্ন্যেই ওক্।

যিশাইয় 28:29

এ বেক্ জ্ঞানানি বেগত্তুন্ খেমতাবলা লগেপ্রভু ইত্তুন্ এজে। তার সল্লাগান্ আমক্ অবার আর তা জ্ঞানান্ দোল্।

যিশাইয় 40:13

কন্না লগেপ্রভুর্ আত্মাগানরে মাবি পাজ্যে বা তার্ সল্লাদিয়্যে ইজেবে তারে উবদেজ্ দিয়্যে?

যিশাইয় 59:18

মানুচ্চুনে যিয়েনি গোজ্যন সিয়েনি তে তারারে ফিরেই দিবো; তা বিপক্ষগুনো উগুরে রাগ্ ঢালি দিবো আর শত্রুগুনোর ভান্ন্যেই কামর্ সাজা দিবো। দূর দেজ মানুচ্চুনোর যিয়েনি পাওনা সিয়েনি তে তারারে দিবো।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 16:17

তারার বেক আঢাউদোগানি উগুরে মঅ চোগ্‌কুন রোইয়্যে; তারা মঅ চোগ্‌কুনোত্তুন লুগেয়্যে নয় আর তারার পাব্‌‍‍‍পানিয়ো মত্তুন্ গুমরত্ নয়। ‍‍‍

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 21:14

মাত্তর্ মুই তর্ কামর পাওনা মজিম তরে সাজা দিম। মুই তর্ ঝারানিত্ আগুন জ্বালেম; সেই আগুনানে তঅ চেরোকিত্তেদি বেক্কানি পুড়ি ফেলেব। মুই লগেপ্রভু এ কধাগান কঙর্।’ ”

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

দানিয়েল 2:45

ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

সখরিয় 9:1

হদ্রক আর দামেস্ক বিরুদ্ধে লগেপ্রভু যে কধাগান ফগদাং গোজ্যে সিয়েন পূরোন অবঅ। ইস্রায়েল গুট্টিগুনোর আর অন্য বেক্ মানুচ্চুনোর চোগ্‌কুন লগেপ্রভু উগুরে আঘে।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

যোহন 5:29

যিগুনে গম্ কাম গোজ্যন্ সিগুনে জিংকানি পেবাত্যে উদিবাক্, আর যিগুনে অন্যেয় কাম্ গুরিনে সময় কাদেয়োন্ সিগুনে সাজা পেবাত্যে উদিবাক্।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

ফগদাং পেইয়্যে 22:12

যীশু কত্তে, চঅ, মুই যাদিমাদি এজঙর্ আর পত্তিজনরে তার্ কাম মজিম দিবার বক্‌শিজ মঅ সমারে আঘে।