যিরমিয় 32:18 - Chakma Bible

¹⁸ তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

যিরমিয় 32:18 Iomraidhean Croise

পত্থম 49:24

মাত্তর্‌ তা ধনুগান্‌ সেবাবোত্যে থির্ গুরি রোয়্যে আর্‌ আত্তান্‌ আগেদে সেবাবোত্যে কাবিল্, কিত্তে যাকোবর্ সে বোলী গোজেন আত্তানি তা পিজেদি আঘে। তা পিজেদি আঘে সে রোক্ষ্যে গুরিয়েবো, ইস্রায়েলর্ সেই পাত্তর্‌‌বো।

২ রাজাবলী 9:26

‘মুই লগেপ্রভু কঙর্‌, গেল্যেকেল্যা মুই নাবোত আর তা পুয়োগুনোর্‌ লো-গানি দেখ্যং, আর এ ভূইয়ান উগুরে তত্তুন্‌ হামাক্কাই মুই সিয়েনির হেনা সুজিম্‌।’ সালে তুই ইক্কিনে লগেপ্রভুর কধা মজিম তারে তুলি নেযেইনে সে ভূইয়ানত্‌ ফেলেই দে।”

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

গীতসংহিতা 50:1

খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

গীতসংহিতা 89:9

ফুলি উঠ্যে সাগরর তুবোলানে তর্ শাজনত্ থায়; তার তুবোলান্ উদিলে তারে তুয়ই বুঝোচ্।

যাত্রা 34:6

তে মোশি মুজুঙেন্দি এ কধাগান্‌ ফগদাঙ্‌ গুরি গুরি গেলঅ‌, “লগেপ্রভু, লগেপ্রভু, তে মেয়্যেলোই ভরা আর দোয়্যের্‌ গোজেন। তে সহজে বেজার্‌ ন-অয়। তার্‌ অমকদ কোচ্‌পানা আর বিশ্বেজর্‌ দুযি নেই।

যাত্রা 34:7

তার্‌ অমকদ কোচ্‌পানা আজার্‌ আজার্‌ বংশ ধুরিনে থেবঅ‌। তে অন্যেয়, উল্লোমি আর পাপ্‌ ক্ষেমা গরে, মাত্তর্‌ দুষীগুনোরে সাজা-দে। তে বাবর্‌ অন্যেয়র্‌ সাজা তার্‌ বংশর্‌ তিন্নো-চের্‌বো বংশধর্ সং দি থায়।”

যিশাইয় 10:21

বাঁজি থেইয়্যে মানুচ্চুনে ফিরি এবাক্; যাকোবর্ বাদ্‌বাগি মানুচ্চুন্ খেমতাবলা গোজেন ইদু ফিরি এবাক্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 10:6

ও লগেপ্রভু, তঅ ধোক্ক্যেন আর কনজন নেই; তুই মহান, তুই খেমতালোই বোলী।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 31:35

যিবে দিনোত্ বেলানরে আর রেদোত্ চান্নোরে আর তারাগুনোরে পহ্‌র দিবাত্তে উগুম দে, যিবে সাগরানরে উলোত্ পালত্ গরে যেনে তার তুবোলুন গুজুরি উদে, যিবের্ নাঙান বেগত্তুন্ খেমতাবলা লগেপ্রভু, ‍‍‍‍‍‍‍‍‍‍‍

যিরমিয় 33:2

লগেপ্রভু কলঅ, মঅ নাঙান্ লগেপ্রভু, মুই কাম্ গরং; যে কামানি মুই গরং সিয়েনির পরিকল্পনা গরং আর সিয়েন থুম্ গরং। মুই কঙর্,

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

দানিয়েল 2:45

ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

হবক্‌‌‌‌কূক 1:12

ও লগেপ্রভু, মর্ গোজেন, মর্ সুদ্ধো-সাংগ মানুচ্চো, তুই কি উমরত্তে নয়? আমি এক্কুবারে ভস্ত ন-অবং। ও লগেপ্রভু, আমারে সাজা দিবাত্তে তুই বাবিলীয়গুনোরে নেযেয়োচ্; ও আশ্রয়-মুড়োবো, তুই আমারে সাজা দিবাত্তে তারারে নেযেয়োচ্।

গণাণা 14:18

‘লগেপ্রভু এনেবাদে বেজার্ ন অয়, তার কোচ্‌পানার্‌ শেজ্ নেই আর তে অন্যেয় আর উল্লোমিগানি ক্ষেমা গরে, মাত্তর্‌ দুষীগুনোরে তে সাজা দে; তে বাবর্‌ অন্যেয়র্‌ সাজা তার্‌ বংশর তিন আর চের্‌ পুরুষ সং দি থায়।’

মথি লেখ্যে গম্ হবর্ 27:25

জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

লূকে লেখ্যে গম্ হবর্ 6:38

দান্ গরঅ, সেক্কে গোজেনেয়ো তমারে দিবো, বোউত্ বেশ্ গুরি, চাপি চাপি, ঝাগেরে ঝাগেরে, উগুরি পড়েদে ধোক্ক্যেন্ গুরি তমারে দিয়্যে অবঅ, কারন যেবাবোত্যেগুরি তুমি মাবি দুয়ো সেবাবোত্যেগুরি তমাত্তে মাবা অবঅ।”

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।