যিরমিয় 32:17 - Chakma Bible

¹⁷ ‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 32:17 Iomraidhean Croise

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

২ রাজাবলী 19:15

হিষ্কিয় লগেপ্রভু ইদু এ তবনাগান্‌ গুরিলো, “দ্বিবে করূবো সংমধ্যে থেইয়্যে ও ইস্রায়েলর গোজেন লগেপ্রভু, তুই, বানা তুয়ই পিত্‌থিমীর্‌ বেক্‌ রেজ্যগানির্‌ গোজেন। তুই দাঙর্‌ আগাজ্‌ আর পিত্‌থিমীগান বানেয়োচ্।

২ রাজাবলী 3:18

ইয়েন্‌ লগেপ্রভুর ইদু মাবুলি কাম্‌। সিয়েন্‌বাদে তে মোয়াব দেজ্‌ছানঅ তমা আঢত্‌ তুলি দিবো।

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

ইয়োব 42:2

“মুই হবর্ পাং তুই বেক্কানি গুরি পারচ্; তর্ কনঅ সল্লা গরানাগান্ বাদ ন-যায়।

গীতসংহিতা 102:25

ভালোক্ বজর আগে তুই পিত্‌থিমীর গড়াগান গারেয়োচ্; দেবাবোয়ো তঅ আঢ্‌তোই বানেয়্যে।

গীতসংহিতা 136:12

তে দরমর খেমতাবলা আঢ্‌তোই তারারে নিগিলেই আন্যে; -তার কোচ্‌পানাগান উমরত্তে থিদেবর্ গোজ্যে।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 59:1

চঅ, লগেপ্রভুর আঢ্‌‍‌‌‌তান এদক্ বাদি নয়দে যে, তে উদ্ধোর্ গুরি ন-পারে; তা কানান্‌অ এদক্ গুয়োর্ নয় যে, তে ন-শুনে।

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিরমিয় 14:13

ইয়েন্দোই মুই কলুং, “হায়, প্রভু লগেপ্রভু! ভাববাদীগুনে তারারে কদন্, ‘তুমি যুদ্ধো ন-দেগিবা বা ভাদরাদত্অ দুঘ্ ন-পেবা। লগেপ্রভু ঘেচ্চেকগুরি এ জাগানত্ তমারে জনমর্ সুগ্-শান্দি দান গুরিবো।’ ”

যিরমিয় 21:2

“বাবিলর রাজা নবূখদ্‌নিৎসরে আমা লগে যুদ্ধো গরের্; সেনত্তে তুই আমাত্তে লগেপ্রভু ইধু কোজোলী গর্ যেনে তে আমা ইত্তুন্ ফিরি যায়। অয়ত লগেপ্রভু আমাত্তে আগঅ ধোক্ক্যেন আমক্ অইদ্যে কাম্ গুরিবো।”

যিরমিয় 27:5

মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

যিরমিয় 32:27

মুই লগেপ্রভু, বেক মানুচ্চুনোর গোজেন। কনঅ কিজু গরানা কি মঅ তপ্পে অাগাত্যে?

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

যিরমিয় 4:10

সেক্কে মুই কলুং, “হায়, হায়! ও প্রভু লগেপ্রভু, তুই এ মানুচ্চুনোরে আর যিরূশালেমানরে পুরোপুরি ছলনা গুরি কোইয়োচ্, ‘তমার শান্তি অবঅ,’ মাত্তর্ আমা গত্তনা ইধু তলোয়ার বাজেয়ে রোইয়্যে।”

যিরমিয় 51:15

লগেপ্রভু নিজোর খেমতালোই পিত্‌‌‌‌‌‌থিমীগান বানেয়্যে, তা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌‌‌‌‌‌‌চান বিজেই দিয়্যে।

যিরমিয় 51:19

যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

যিহিষ্কেল 11:13

মুই যেক্কে ভাববাদী ইজেবে কধা কোইয়োং সেক্কে বনায়র পুয়ো প্লটিয় মুরি গেলঅ। সেক্কে মুই মাঢা নিগিরি পড়িনে আবেগ সমারে দাঙর্ দাঙর্ গুরি কলুং, “হায়, প্রভু লগেপ্রভু! তুই কি ইস্রায়েলর বাদবাগি মানুচ্চুনোরে বেক্কুনোরে শেষ্ গুরি দিবে?”

যিহিষ্কেল 9:8

মুই সেক্কে উবোসনা-ঘরত্ গায় গায় এলুং। সে অক্তত্ মুই মাঢা নিগিরি পড়িনে আবেগ সমারে কলুং, “হায়, প্রভু লগেপ্রভু! যিরূশালেম উগুরে তঅ রাগ্‌‌‌‌কান ঢালি দিইনে তুই কি ইস্রায়েলর বাদবাগি বেক্কুনোরে ভস্ত গুরি ফেলেবে?”

দানিয়েল 2:22

তে গভীন্ আর লুগেয়্যে বেপারানি ফগদাং গরে; তে হবর্ পায় আন্ধার ভিদিরে কি আঘে; তা সমারে পহ্‌‌‌‌রানে বজত্তি গরে।

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

সখরিয় 8:6

ইয়েনি যে ঘুদিবো সিয়েনি এ জাদর্ বাঁজি থেইয়্যে মানুচ্চুনো ইধু অসম্ভব বিলি মনে ওই পারে, মাত্তর্ মইদু সিয়েনি অসম্ভব নয়। মুই বেগত্তুন্ খেমতাবলা লগেপ্রভু এ কধাগান কঙর্।

গণাণা 11:23

জোবত্‌ লগেপ্রভু মোশিরে কলঅ, “লগেপ্রভুর খেমতাগান কি এদক্‌ কম? মর্‌ কধাগান্‌ তইদু হামাক্কায়্‌ লাগিবো না-কি সিয়েন্‌ তুই এবারত্‌ দেগিবে।”

মথি লেখ্যে গম্ হবর্ 19:26

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

মার্ক 10:27

যীশু তারা ইন্দি সোজা রিনি চেইনে কলঅ, “মান্‌‌‍জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর পক্ষে অসম্ভব নয়; তা পক্ষে বেক্কানি সম্ভব।”

লূকে লেখ্যে গম্ হবর্ 1:37

গোজেন ইধু অসম্ভব বিলি কনঅ কিজু নেই।”

লূকে লেখ্যে গম্ হবর্ 18:27

যীশু কলঅ, “যিয়েন মান্‌জ্যর্ পক্ষে অসম্ভব গোজেনর্ পক্ষে সিয়েন সম্ভব।”

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 15:18

ভালোক্ দিন আগেত্তুন্ ধুরি ইবে তা মনঅ ভিদিরে এলঅ।”

প্রেরিত্‌ 17:24

গোজেন, যিবে এ পিত্‌থিমীগান্ আর সিয়েন ভিদিরে যিয়েনি আঘে বেক্কানি বানেয়্যে, তেয়ই স্বর্গ আর পিত্‌থিমীর্ গিরোজ্। তে আঢ্‌‌‌তোই বানেয়্যে কনঅ মন্দিরোত্ বজত্তি ন-গরে।

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”