যিরমিয় 32:10 - Chakma Bible

¹⁰ মুই দলিলোত্ সই দিলুং, সীলমহ্‌র মারিলুং আর সাক্ষী রাগেলুং আর পাল্লালোই সেই রূবোগান মাবি দিলুং।‌

যিরমিয় 32:10 Iomraidhean Croise

পত্থম 23:16

ইফ্রোণ কধাগান শুনিনে অব্রাহামে বেবসায়ীগুনোর্ মাপ ঢগে চেরশ কট্টা রূবো তারে মাবি দিলো। ইফ্রোণে হিত্তীয়গুনো মুজুঙোত্‌ এ চেরশ কট্টা রূবোর্ কধা কোইয়্যে।

পত্থম 23:20

এধোক্ক্যেন গুরি মক্‌পেলার সে গাত্তো সুমুত্তো ভুইয়ান গোর জাগা ইজেবে হিত্তীয়গুনো আঢত্তুন্‌ অব্রাহাম আঢত্‌ এলঅ।

ইয়োব 14:17

সেক্কেনে তুই এক্কো থৈল্যে ভিদিরে মঅ দুজ্‌ছানি সীলমর্‌ গুরি রাগেবে আর মর্‌ পাপ বেক্কানি ঢাগি দিবে।

পরমগীত 8:6

সীলমহ্‌র ধোক্ক্যেন্ গুরি তুই মরে তঅ মনত্ আর তঅ আঢত্ রাগা; কিত্তে কোচ্‌পানাগান্ মরণ ধোক্ক্যেন্ খেমতাবলা, পাওনা কোচ্‌‌‌‌পানার্ আওজ্‌‌‌চান মরণ জাগা ধোক্ক্যেন্ উদি ন-যায়।‌‌

যিশাইয় 30:8

তুই ইক্কিনে এ কধাগান্ এক্কো আড়ুগোত্ আর এক্কো বোইয়োত্ লিগি রাগা, যেনে এজেত্তে দিনুনোত্ সিবে ইস্রায়েলীয়গুনোত্তে এক্কো জিংকানিবরর্ সাক্ষ্য ওই থায়।

যিশাইয় 44:5

একজনে কবঅ, তে লগেপ্রভুর্; আর একজনে যাকোব নাঙে নিজোর্ পরিচয়ান্ দিবো; অন্য আর একজনে নিজো আঢ উগুরে লিগিবো, তে লগেপ্রভুর্, আর তে ইস্রায়েল নাঙান্ মানি লবঅ।’ ”

যিরমিয় 32:12

সে পরেদি মুই মঅ কাক্কার্ পুয়ো হনমেলর মুজুঙোত্ আর যে সাক্ষীগুনে দলিলোত্ সই গোজ্যন্ তারার আর চুগিদারুনোর উদোনত্ বোস্যে বেক যিহূদীগুনো মুজুঙোত্ সেই দলিলান নেরিয়র পুয়ো বারূকরে দিলুং। এই নেরিয় মহসেয়র পুয়ো।

যিরমিয় 32:25

মাত্তর্ ও প্রভু লগেপ্রভু, যুনিয়ো শঅরান বাবিলীয়গুনো আঢত্ যেবঅ তো তুই মরে কোইয়োচ্, মুই যেন রূবোলোই ভূইয়ান কিনোং আর সে কামর্ সাক্ষী রাগাং।’ ”

যিরমিয় 32:44

বিন্যামীন চাগালাত্, যিরূশালেমর চেরোকিত্তে চাগালাত্, যিহূদার আর নেগেভর বেক্ আদামানি আর শঅরানি আর উজু-নিযো মুড়োমুড়ি চাগালার্ বেক আদামানিত্ অর শঅরানিত্ টেঙা দিইনে খেত্ কিনে অবঅ আর দলিলোত্ সই আর সীলমহ্‌‌‌র দিয়্যে অবঅ আর সাক্ষি রাগা অবঅ, কিত্তে মুই তারার অবস্থাগান ফিরেম। মুই লগেপ্রভু এ কধাগান কঙর্।”

দানিয়েল 8:26

“তরে সাজোন্যে আর বেন্যেমাদান্ উৎসর্বর পৌইদ্যেনে যে দর্শনান্ দেগা ওইয়্যে সিয়েন সত্য, মাত্তর্ এ দর্শনান্ সীলমহ্‌‌‌র গুরি রাগা, কিত্যে সিয়েন ভবিচ্চদে বোউত্ পরেদি অবঅ।”

মথি লেখ্যে গম্ হবর্ 27:66

সেক্কে তারা যেইনে পাত্তর্‌বো উগুরে সীলমহর্ মারিলাক্ আর চুগিদারুনোরে সিয়েনত্ থোইনে কবরান্ দরমরগুরি চুগি দিবার্ বেবস্থা গুরিলাক্।

যোহন 3:33

যে তার্ সাক্ষ্য গ্রাজ্য গোজ্যে তে তারে দিইনে প্রমাণ গোজ্যে যে, গোজেনে যিয়েন্ কয় সিয়েন্ সত্য।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

দ্বি’লম্বর বিররণ 32:34

মইদু সিয়েনি দঅ তুল্যে আঘে, মর্‌ জমেয়্যে ঘরত্‌ সীলমহর্ গরা আঘে।

যিহোশূয় 18:9

সেনত্তেই সে মানুচ্চুনে দেজর বেক্‌ জাগানিত্‌ গেলাক্‌। তারা দেজ্‌চানর বাদবাগি ভাগকান্‌ সাত ভাগ গুরিনে পত্তি ভাগর্‌ শঅর্‌ আর আদামর নাঙানি আর সিয়েনির পৌইদ্যেনে বেক্কানি এক্কান্‌ এক্কান্‌ গুরিনে বোইয়ো ভিদিরে লিগি আনিনে শীলোর তাম্বুলোত্‌ যিহোশূয় ইদু ফিরি এলাক্‌।

ফগদাং পেইয়্যে 7:2

পরেদি মুই আরঅ এক্কো স্বর্গদূতোরে পূগেন্দিত্তুন্ উদি এত্তে দেগিলুং। তাইধু জেদা গোজেনর্ সীলমহ্‌র এলঅ। যে চেরজন স্বর্গদূতোরে পিত্‌থিমী আর সাগরানরে ক্ষতি গুরিবার খেমতা দিয়্যে ওইয়্যে সেই চেরজন স্বর্গদূতোরে তে রঅ ছাড়িনে কলদে,

ফগদাং পেইয়্যে 9:4

সিগুনোরে কুয়ো অলঅ তারা যেন পিত্‌থিমীর কনঅ ঘাস বা য়্যেল্ কনঅ কিজু বা কনঅ গাজর্ ক্ষোতি ন-গরন; বানা যে মানুচ্চুনোর কবালত্ গোজেনর্ সীলমহ্‌র নেই তারারে ক্ষোতি গরন্।

রূত 4:1

বোয়সে আদামর্ গেদোত্‌ যেইনে বুঝিলো। কাম ভারান্ লোইয়্যে যে কুদুম্মোবোর কধা বোয়সে কোইয়্যে তে সেক্কে সে পদেন্দি যার্‌। বোয়সে তারে ডাগিনে কলঅ, “ও ভেই, ইদু এইনে এক্কা বচ্ছি।” মানুচ্চো সেক্কে সিয়েনত্‌ যেইনে বজিলো।