যিরমিয় 31:23 - Chakma Bible

²³ ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই যেক্কে বন্দীদজাত্তুন্ মানুচ্চুনোরে ফিরেই আনিম সেক্কে যিহূদা দেজ্‌চান আর তা শঅরর্ মানুচ্চুনে আরঅ কবাক্, ‘ও ধার্মিক্কুনো থেবার্ ঘরান, ও সুদ্ধো-সাংগ মুড়োবো, লগেপ্রভু তরে বর্ দুয়োক‍্।’ ‍‍‍‍‍

যিরমিয় 31:23 Iomraidhean Croise

গীতসংহিতা 128:5

সিয়োনত্তুন্ লগেপ্রভু তরে বর্ দিবো; জিংকানিবর্ তুই যেন যিরূশালেমর ভালেদি দেগচ্।

গীতসংহিতা 129:8

যিগুনে সে মানুচ্চুনো কায়-কুরেদি যান্ তারা ন-কন্, “তমা উগুরে লগেপ্রভুর আশিদ্‌বাদ থোক্; লগেপ্রভু তমারে ভালেদি গোরোক্।”

গীতসংহিতা 134:3

আগাজ্ আর পিত্‌থিমীগান বানেয়্যে লগেপ্রভু সিয়োনানত্তুন্ তমারে বর্ দোক্।

গীতসংহিতা 28:9

ও লগেপ্রভু, তঅ মানুচ্চুনোরে তুই রোক্ষ্যে গর্, তর্ সোম্বোত্তিগানরে তুই আশিদ্‌বাদ গর্; তুই তারার্ পালক অ আর উমরত্যে তারারে বুয়োই নেযা।

যিশাইয় 1:21

হায়, সতী শঅরান্ কিবাবোত্যে বেশ্যে ধোক্ক্যেন্ ওই যেইয়্যে! সিয়েন এক সময়োত্ ন্যায়বিচেরে ভরা এলঅ; গম্ জিনিস্‌ছান সে ভিদিরে বজত্তি গুরিদো; মাত্তর্ ইক্কিনে বজত্তি গত্তন্ খুনিগুনে।

যিশাইয় 1:26

মুই আগ দিনো ধোক্ক্যেন তরে শাজন্‌গুরিয়্যে আর সল্লাদিয়্যেগুনোরে দিম্; সে পরেদি তরে কুয়া অবঅ ন্যায়র শঅর, সতী শঅর।”

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 32:16

সে পরেদি ধূল্যেচর চাগালাত্ বজত্তি গুরিবো ন্যায়বিচের্ আর বোল্‌‌বোল্যে জাগানত্ বজত্তি গুরিবাক্ সততাগান্।

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

যিরমিয় 32:44

বিন্যামীন চাগালাত্, যিরূশালেমর চেরোকিত্তে চাগালাত্, যিহূদার আর নেগেভর বেক্ আদামানি আর শঅরানি আর উজু-নিযো মুড়োমুড়ি চাগালার্ বেক আদামানিত্ অর শঅরানিত্ টেঙা দিইনে খেত্ কিনে অবঅ আর দলিলোত্ সই আর সীলমহ্‌‌‌র দিয়্যে অবঅ আর সাক্ষি রাগা অবঅ, কিত্তে মুই তারার অবস্থাগান ফিরেম। মুই লগেপ্রভু এ কধাগান কঙর্।”

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

ওবদিয় 1:17

মাত্তর্ সিয়োন মুড়োবোত্ কয়েক্কো মানুচ্ রোক্ষ্যে পেবাক্; তারা অবাক্ গোজেন নাঙে যুদো গোজ্যে মানুচ্। যাকোবর বংশবো তারার্ পাওনা সাজা সোম্বোত্তি পেবাক্।

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”