যিরমিয় 31:21 - Chakma Bible

²¹ “তুমি পধে পধে পথ্‌‍‍‍তান চিনিবার চিহ্নো দুয়ো আর খুদো গারঅ। যে পধেদি তুই যেইয়োচ্ সেই রাজপধর্ কধা ইদোত্ রাগা। ও গাবুরী ইস্রায়েল, ফিরি আয়, তর্ বেক শঅরানিত্ তুই ফিরি আয়।

যিরমিয় 31:21 Iomraidhean Croise

১ বংশধর 29:3

এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্‌ গোজেন ঘরান উগুরে মর্‌ কোচ্‌পানার্‌ কারনে ইক্কিনে মুই মর্‌ নিজোর্‌ সোনা আর রূবো দুয়োঙর্‌।

২ বংশধর 11:16

ইস্রায়েলর পুরো গুট্টিগুনো ভিদিরে যিগুনে ইস্রায়েলর গোজেন লগেপ্রভুর আওজ্‌চান্ জানিবাত্তে আওজি ওইয়োন্‌ তারা তারার্‌ পূরোণি মানুচ্চুনোর্‌ গোজেন লগেপ্রভুর নাঙে উৎসর্ব গুরিবাত্তে লেবীয়গুনোর লগে যিরূশালেমত্‌ এলাক্‌।

২ বংশধর 20:3

সেক্কে যিহোশাফটে দোরেইনে ঠিগ্‌ গুরিলোদে, তে লগেপ্রভু ইদু বল্‌ চেবঅ। তে যিহূদা দেজর্‌ পুরো জাগানিত্‌ উবোজ্‌ বিলিনে জানেই দিলো।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গীতসংহিতা 84:5

তত্তুন্ যিগুনে বল্ পান তারা বর্‌পেইয়্যে। বর্‌পেইয়্যে তারা, যিগুনোর মনত্ সিয়োনত্ যেবার পদ চিন্তেগান আঘে।

গম্ উপদেজ্ 24:32

মুই যিয়েন দেগিলুং সিয়েনত্ মনান্ দিলুং, সিয়েন দেগিনে মুই এ শিক্ষ্যেগান পেলুং,

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিরমিয় 3:12

তুই যেইনে এ হবরানি উত্তোরেদি মু গুরিনে ফগদাং গর্: মুই লগেপ্রভু কঙর্, ও ভান্ন্যেই পধেদি যেইয়্যে ইস্রায়েল, ফিরি আয়। মুই আর তঅ ইন্দি রাগ্ গুরিনে ন-থেম্; মুই দোয়্যেবলা, সেনত্তে জিংকানিবর্ রাগ্ মনত্ ন-রাগেম।

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিরমিয় 46:11

“ও গাবুজ্যে মিলে মিসর, তুই গিলিয়দত্ উদিনে পীড়ে মলম আন। মাত্তর্ মিজে মিজে তুই দারু বাড়েই দুয়োর্; তর্ গম অবার্ কনঅ আজা নেই।

যিরমিয় 50:5

তারা সিয়োনত্ যেবার পথ্‌তানর্ কধা পুযোর্ গুরিবাক্ আর সিন্দি তারার মুয়োনি ফিরেবাক্। তারা এইনে এমন এক্কো জিংকানিবরর্ সুদোম লগেপ্রভু সমারে নিজোরে জোরেবাক্ যিয়েন মান্‌জ্যে ভুলি ন-যেবাক্।

যিরমিয় 51:50

তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

যিহিষ্কেল 40:4

মানুচ্চো মরে কলঅ, “ও মান্‌‌জ্যর পুয়োবো, তুই চোগেদি চাহ্ আর কানেদি শুন আহ্ মুই তরে যিয়েনি দেগেম সিয়েনি বেক্কানিদি মনযোগ্ দে, কিত্যে সেনত্তে তরে ইধু আনা ওইয়্যে। তুই যিয়েনি দেগিবে বেক্কানি ইস্রায়েলীয়গুনোরে কবে।”

হগয় 1:5

মুই বেগত্তুন্ খেমতাবলা লগেপ্রভু কঙর্, তুই কিবাবোত্যেগুরি চলর্ সিয়েন গমেডালে চিন্তে গুরি চাহ্।

সখরিয় 10:9

যুনিয়ো নানান্ জাদ ভিদিরে মুই তারারে ছিদি দুয়োং তো দূর দেজত্তুন্ তারা মরে ইদোত্ রাগেবাক্। তারা আর তারার্ পুয়ো-ছাগুনে বাঁজি থেবাক্ আর তারা ফিরি এবাক্।