যিরমিয় 31:17 - Chakma Bible

¹⁷ সেনত্তে তর্ ভবিচ্চদত্তে আজা আঘে। তর্ ঝি-পুয়োগুনে নিজো দেজত্ ফিরি এবাক্। মুই লগেপ্রভু এ কধাগান কঙর্।

যিরমিয় 31:17 Iomraidhean Croise

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

আবিলেচ্ 3:18

সেনত্তে মুই কং, “মঅ বলান্ যেয়্যেগোই। লগেপ্রভুত্তুন্ মুই যিয়েনি আজা গোজ্যং সিয়েন্‌অ আর নেই।”

আবিলেচ্ 3:21

তো মর্ আজা আঘে, কিত্তে মুই এ কধাগান ইদোত্ তুলোং;

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

আবিলেচ্ 3:29

তে ধূল্যেত্ মুয়োন ঢাগোক্, অয়ত আজা থেইয়ো পারে।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

যিহিষ্কেল 39:28

সেক্কে তারা হবর্ পেবাক, মুয়ই তারার্ গোজেন লগেপ্রভু, কিত্যে নানান্ জাদ ভিদিরে তারারে বন্দীদজাত্ পাদেলেয়ো মুই তারারে নিজো দেজত্ ফিরেই আনিম, কাররে ফেলেই ন-রাগেম।

হোশেয় 2:15

মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

সখরিয় 9:12

ও আজাগুরি থেইয়্যে বন্দীগুন, তুমি তমা ঘরত্ ফিরি যঅ; এইচ্চ্যে মুই এগেম্ গরঙর্, মুই তমারে দ্বিগুণ আশিদ্‌বাদ গুরিম।

মথি লেখ্যে গম্ হবর্ 24:22

মাত্তর্ সেই দুঘোর্ দিনুন্ যুনি গোজেনে কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে গোজেনে সেই দিনুন্ কোমেই দিবো।