যিরমিয় 31:14 - Chakma Bible

¹⁴ বেক্কানি বেশ্ গুরি দিইনে মুই ধর্মগুরুগুনোরে পুরেই দিম, আর মঅ মানুচ্চুনে মর্ আশীদ্‌বাদে হুজি অবাক্। মুই লগেপ্রভু এ কধাগান কঙর্।”

যিরমিয় 31:14 Iomraidhean Croise

২ বংশধর 6:41

“ও গোজেন লগেপ্রভু, ইক্কিনে তর্‌ জিরেবার-জাগানত্‌ আয়; তুই আয়, আর তর্‌ বলর্‌ সুন্দুক্কো এজোক্‌। ও গোজেন লগেপ্রভু, তর্‌ ধর্মগুরুগুনে উদ্ধোর পোজাক্‌ উরোদোক্‌। তুই যেদক্কানি ভালেদি গোজ্যস্‌ সিয়েনত্তে তর্‌ ভক্তগুনে হুজিয়ে ফুত্তি গোত্তোক্‌।

নহিমিয় 10:39

ধনভান্ডালর যিদুক্কুন্‌ গুদিত্‌ সুদ্ধো-সাংগ জাগানত্‌ পযাপিরা রাগা অয় আর সেবাগুরিয়্যে ধর্মগুরুগুনে, চুগিদারুনে আর গানগেইয়্যেগুনে থান্‌ সিয়েনত্‌ ইস্রায়েলীয়গুনে আর লেবীয়গুনে তারার্‌ শোজ্য, নূয়ো আংগুর-রস আর তেল লোই এবাক্‌। আমা গোজেনর ঘরর্‌ কামত্তেই যিয়েনি দরকার্‌ আমি সিয়েনি দিয়্যে ধুরিবোং।

গীতসংহিতা 107:9

যিগুনোর মনত্ আওজ্ আঘে তে তারার তিরেস্ মিটেই দে, আর যিগুনোর মনত্ পেট্‌পরা আঘে গম গম জিনিস্‌ছোই তে তারারে হাবেই দে।

গীতসংহিতা 132:16

মুই সিয়োন ধর্মগুরুগুনোর উদ্ধোরর পজাক্কানি উরেই দিম্; সিদুগোর ভক্তগুনে হুজিয়ে দাঙর্ দাঙর্ গুরি গীদ্ গেবাক্।

গীতসংহিতা 132:9

তঅ ধর্মগুরুগুনে ন্যায়র পোজাক্ উরোদোক্, আর তঅ ভক্তগুনে রঙ্গ-ফুত্তিয়ে গীদ্ গাদোক্।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

গীতসংহিতা 63:2

এ মনভাব্‌পোই সেই পবিত্রজাগানত্ মুই তরে দেখ্যং, দেখ্যং তর্ বল্ আর বাঈনী পানা।

গীতসংহিতা 63:5

য়েরা আর আড় মগজ্‌সোই ঈল্ ওইয়্যে মান্‌জ্য ধোক্ক্যেন মঅ পরাণান্ ; মর্ মুয়োনে অমকদ হুজিয়ে তরে নাঙ্ গিনিবো।

গীতসংহিতা 63:6

বিচ্ছোনত্ পড়িনে মুই তঅ কধা ভাবং, পুরো রেত্তো তঅ পৌইদ্যেনে ধ্যান গরং;

গীতসংহিতা 65:4

বর্‌পেইয়্যে সেই মানুচ্চ্য, যিবেরে তুই বেঈ নেযেয়োচ্ আর নিজোর কায়কুরে আন্, যেনে তে তর্ উদোনত্ বজত্তি গুরি পারে। তঅ ঘরর, তর্ পবিত্র থেবার ঘরর্ আশীদ্‌বাদে আমি হুজি অবং।

গীতসংহিতা 85:13

ন্যায়য়ানে তার আগ্ মলিম যেবঅ; সে পরেন্দি টেঙর্ চিহ্নোগানে আদিবার পথ্‌তান গুরি দিবো।

গীতসংহিতা 90:14

নুয়ো গুরি তর্ অমকদ কোচ্‌পানালোই আমা আওজ্‌ছানি পুরেই দে, যেনে আমি হুজিয়ে গীদ্ গেই পারিই আর হুজিয়ে জিংকানি কাদে পারিই।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 25:6

বেগত্তুন্ খেমতাবলা লগেপ্রভু এ মুড়োবো উগুরে বেক্ জাদ মানুচ্চুনোত্তে গম্ গম্ হানা জিনিজোর আর পুরোণ আংগুর-রসর এক্কো দাঙর্ হানা দিবো ; সিয়েনত্ থেবদে বেগত্তুন্ গম্ য়েরাগান আর বেগত্তুন গম্ আংগুর-রসছান্।

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

যিহিষ্কেল 34:14

চরি বেড়েবার গম্ জাগাত্ মুই তারারে চোরেম্ আর ইস্রায়েলর্ অজল্ অজল্ মুড়োত্ তারারে চোড়েবার জাগা অবঅ। গম্ গম্ চোড়েবার জাগাত্ তারা থেবাক্ আর সিয়েনত্ ইস্রায়েলর মুড়োগুনো উগুরে গম্ চরেদে ভূইয়োত্ হেই হেই বেড়েবাক্।

হগয় 2:19

ইক্কিনে হামাক্কায় তমা গোলাঘরত্ কনঅ বীজ নেই আর এদক দিন আংগুর, ডোমোর্, ডালোম আর জলপাই গাজত্ ফল কম ধোজ্যন্, মাত্তর্ এচ্চ্যেত্তুন্ ধুরি মুই তমারে বর্ দিম।’ ”

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

ইফিষীয় 3:19

খ্রীষ্টর্ সেই কোচ্‌পানাগান বুদ্ধিলোই হবর্ ন-পায়; তো মুই তবনা গরং যেন তুমি সেই কোচ্‌পানাগান বুঝি পারঅ, যেন গোজেনর্ বেক্‌ পূর্ণতাগান্দোই তুমি ভর্‌পুনোং অ।

দ্বি’লম্বর বিররণ 33:23

নপ্তালি পৌইদ্যেনে তে কোইয়্যেদে, “নপ্তালি লগেপ্রভুর দোয়্যেলোই ভরপুনোং; তারই আশিদ্‌বাদে তে ভরপুনোং ওই উঠ্যে। তুই তর্‌ দুযি ভিদিরে লোই আয় গালীল সাগর আর তার দোগিণোর দেজ্‌ছান।”

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”