যিরমিয় 30:5 - Chakma Bible

⁵ মুই লগেপ্রভু কঙর্, সুগ্-শান্দির কিজেক্ নয় বরং অমকদ দর্‌‍গরেপারা কিজেক্ শুনো যেইয়্যে।

যিরমিয় 30:5 Iomraidhean Croise

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 59:11

আমি বেক্কুনে ভালুগো ধোক্ক্যেন গুজুরিই, কঅ ধোক্ক্যেন নরম্ গুরি ডাগিই। আমি ন্যায়বিচের পেবাত্তে চেই, মাত্তর্ ন-পেই; আমি উদ্ধোর্ পেবাত্তে চেই, মাত্তর্ সিয়েন বোউত্ দূরোত্ থায়।

যিরমিয় 12:12

ধূল্যেচর-চাগালার গাজ্‌‌‌বাজ নেইয়্যে মুড়ো উগুরে ভস্ত গুরিয়্যেগুনে এচ্চোন্, কিত্তে লগেপ্রভুর তলোয়ারান দেজর্ এক কিত্তেত্তুন ধুরি অন্য কিত্তেদি সং গিলি ফেল্যে; কনজনে সুগে শান্দিয়্যে নেই।

যিরমিয় 25:36

পালক্কুনোর কানানি আর পালর্ নেতাগুনোর আবিলেচ্ শুনো, কিত্তে লগেপ্রভু তারার চরেদে জাগায়ান বর্‌বাত গুরি ফেলেয়্যে। ‌‌‌‌‌

যিরমিয় 30:4

ইস্রায়েল আর যিহূদা পৌইদ্যেনে লগেপ্রভু এ কধাগান কোইয়্যে,

যিরমিয় 46:5

মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 6:22

লগেপ্রভু এ কধাগান কোইয়্যেদে, “চঅ, উত্তোরে দেজত্তুন একদল সৈন্য এত্তন্; পিত্‌থিমীর শেজ্ দুযিত্তুন এক্কো দাঙর্ জাদ রাগে গং দি এজের্।

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

যিরমিয় 8:16

দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

যিরমিয় 9:19

সিয়োনত্তুন এ আবিলেচর্ কধাগান শুনো যার্, “আমি কেধোক্ক্যেন গুরি ভস্ত ওই গেলং! কেধোক্ক্যেন গুরি এত্তমান লাজত্ পড়িলোং! আমা ঘরানি ভস্ত ওই যেইয়্যে, সেনত্তে আমাত্তুন দেজ্ ছাড়িনে যাহ্ পুরিবো।”

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

হবক্‌‌‌‌কূক 1:10

তারা রাজাগুনোরে ঠাট্টা-মশ্‌‌‌‌কারি গরন্ আর শাজন্‌গুরিয়্যেগুনোরে ঈচ্ গরন্। তাম্বুলানি দেগিনেই তারা আজন্; তারা দেবাল্ পার অবাত্তে পাত্তর কুড়্ বানেইনে সে তাম্বুলানি গজক্ গুরি নেযান্।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।