যিরমিয় 30:20 - Chakma Bible

²⁰ তারার পুয়ো-ছাগুন আগ দিনো ধোক্ক্যেন অবাক্, আর মঅ মুজুঙোত্ তারার সমাজ্‌সো থিদেবর্ অবঅ। যিগুনে তারারে অত্যেচার গুরিবাক্ মুই তারারে সাজা দিম।‌‌‌‌

যিরমিয় 30:20 Iomraidhean Croise

গীতসংহিতা 102:18

আগাম্ বংশধরুনোত্তে এ কধানি লেগা থেবঅ, যেনে এজঅ যিগুনে ন-জর্মান্ তারায়ো লগেপ্রভুর বাঈনী গুরি পারন্।

গীতসংহিতা 102:28

তঅ চাগরুনোর পুয়ো-ছাগুনে বাঁজি থেবাক্; তারার বংশধরুনে তঅ মুজুঙোত্ থির্ গুরি থেবাক্।”

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

আবিলেচ্ 5:21

ও লগেপ্রভু, যুনি তুই আমারে এক্কুবারে এলাফেলা ন-গুরি থাচ্, যুনি তুই আমা উগুরে অমকদ বেজার্ ন-ওই থাচ্, সালে তইদু আমারে ফিরেই নেযা যেনে আমি ফিরি এই পারিই; আমা পুরোণি অবস্থাগান্ ফিরেই দে।

সখরিয় 10:6

“মুই যিহূদার মানুচ্চুনোরে বোলী বানেম্ আর যোষেফর, অত্তাৎ ইস্রায়েলর মানুচ্চুনোরে উদ্ধোর গুরিম। মুই তারারে ফিরেই আনিম, কিত্যেই তারা উগুরে মর্ দোয়্যে-মেয়্যে আঘে। সেক্কে তারা এমন অবাক্ যেন মুই তারারে এলাফেলা ন-গরং, কিত্যেই মুই তারার গোজেন লগেপ্রভু; মুই তারার্ ডাগনিলোই শমক্ দিম।

সখরিয় 10:8

মুই তারারে শিক্ কারিনে ডাগিম্ আর এক সমারে এগত্তর্ গুরিম। মুই তারারে উদ্ধোর্ গুরিম বিলিনে তারা আগ ধোক্ক্যেন জনেদি বোউত্ অবাক্।

সখরিয় 8:5

শঅরর্ নানান্ বাবোত্যে খুলো জাগাত্ বোউত্ ঝি-পুয়ো খেলা গুরিবাক্।