যিরমিয় 30:19 - Chakma Bible

¹⁹ সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিরমিয় 30:19 Iomraidhean Croise

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

নহিমিয় 8:12

সেক্কে বেক্‌ মানুচ্চুনে অমকদ হুজি ওইনে হানা-দানা গুরিবাত্তে আর হেবার্‌ ভাগ্‌কানি পাদেবাত্তে গেলাক্‌, কিত্যে যেদক্কানি কধা তারারে জানা ওইয়্যে সিয়েনি তারা বুঝি পাজ্যন্‌।

নহিমিয় 8:17

বন্দীদজাত্তুন্‌ ফিরি এচ্ছ্যে পুরো দল্লো নাদামান্‌জ্যর-ঘর্‌ বানেইনে সিয়েনিত্‌ বজত্তি গুরিলাক্‌। নূনর পূঅ যিহোশূয়র সময়ত্তুন্‌ ধুরি সেদিন্যে সং ইস্রায়েলীয়গুনে এধোক্ক্যেন্‌ আর ন-গরন্‌। তারা অমকদ হুজিয়ে-ফূত্তি গুরিলাক্‌।

গীতসংহিতা 53:6

ইস্রায়েলীয়গুনোর উদ্ধোর সিয়োনর ভিদিরেত্তুন্ এজোক্। গোজেনে যেক্কে তা মানুচ্চুনোর অবস্থা ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 26:15

ও লগেপ্রভু, তুই এ জাদ্‌তোরে দাঙর্ গোজ্যস্; এ জাদ্‌তোরে দাঙর্ গুরিনে তুই বাঈনী পেইয়োচ্; তুই দেজর্ বেক দুযিগান্ বাবেই দুয়োচ্।

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিশাইয় 60:19

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

যিশাইয় 60:22

তমা ভিদিরে যে চিগোন তে আজার্ জন উগুরে অবঅ, আর যে বেগত্তুন্ চিগোন তে এক্কো খেমতাবলা জাদ্ অবঅ। মুই লগেপ্রভু; সময়মজিম মুই সিয়েন যাদিমাদি গুরিম।”

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিরমিয় 17:26

যিহূদার শঅরানি আর যিরূশালেমর কায়-কুরে আদামানিত্তুন বিন্যামীন চাগালা আর অজল্ নিজো মুড়োমুড়ি চাগালাত্তুন আর নেগেভত্তুন মানুচ্চুনে এবাক্ আর লগেপ্রভুর ঘরত্ পুজ্যে-উৎসর্ব, এ্যামান- উৎসর্ব, শোস্য-উৎসর্ব, আগর্‌বাট্টি আর ভালেদি উৎসর্বর জিনিস আনিবাক্।

যিরমিয় 3:16

সে অক্তত্ মুই যেক্কে দেজত্ তমা মানুচ্চুন বেশগুরি বাড়েই দিম্ সেক্কে মান্‌জ্যে আর্ লগেপ্রভুর সুদোম-সুন্দুক্কো পৌইদ্যেনে ন-কবাক্। তা কধানি কনদিন্‌অ তারার মনত্ ন-পড়িবো বা ইদোত্‌অ ন-থেবঅ; তার আর দরকার ন-অবঅ বা অন্য আর এক্কো বানায়ো ন-অবঅ।

যিরমিয় 31:27

লগেপ্রভু কোইয়্যেদে, “সময় এচ্চ্যে যেক্কে মুই ইস্রায়েল আর যিহূদা দেজর্ মানুচ্চুনোরে আর এ্যামানুনোরে চারা ধোক্ক্যেন লাগেই দিম।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

যিহিষ্কেল 37:10

সেনত্তে তার উগুম মজিম্ মুই আগাম্ কধা কলুং আর সেক্কে তারা ভিদিরে নিজেস্ চোমেল; তারা জেদা ওইনে টেঙোই ভর্ দিইনে উদিনে থিয়্যেল। তারা এলাক্ এক্কো দাঙর্ সৈন্যদল।

যিহিষ্কেল 37:26

মুই তারাত্তে এক্কান ভালেদির্ বেবস্থা থিদেবর্ গুরিম; সিয়েন অবঅ এক্কান্ উমরর্ বেবস্থা। মুই তারারে খেমতাবলা গুরিম আর তারারে জনেদি বাড়েই দিম আহ্ মঅ ঘরান্ মুই উমরত্তে তারা ভিদিরে থিদেবর্ গুরিম।

সখরিয় 10:8

মুই তারারে শিক্ কারিনে ডাগিম্ আর এক সমারে এগত্তর্ গুরিম। মুই তারারে উদ্ধোর্ গুরিম বিলিনে তারা আগ ধোক্ক্যেন জনেদি বোউত্ অবাক্।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

সখরিয় 8:19

চের্, পাচ্, সাত্ আর দশ মাজর্ উবোস্ থানা যিহূদাত্তে ফুত্তি গরানার্, হুজির্ আর ভালেদির পরব্ ওই উদিবো। সেনত্তে তুমি সত্য আর শান্তিগানরে কোচ্‌পেবা‌‌।

যোহন 17:22

যে মহিমাগান্ তুই মরে দুয়োচ্ সিয়েন মুই তারারে দুয়োং যেন আমি যেধোক্ক্যেন্ এক তারায়ো সেধোক্ক্যেন্ গুরি এক্ ওই পারন্,

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।