যিরমিয় 30:13 - Chakma Bible

¹³ তঅ তপ্পেদি কধা কবার্ কনজন নেই, তঅ ঘা-গানর্ দারু নেই, তর্ গম্ অবার্ কনঅ আজায়ো নেই।

যিরমিয় 30:13 Iomraidhean Croise

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

ইয়োব 5:18

কিত্তেই তে ঘা গুরি দে, আরঅ‌ বানিয়ো দে; তে আঘাত্‌ গরে, আরঅ‌ তা আত্‌তানে সিয়েন্‌ গম্‌ গরে।

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যিশাইয় 1:6

টেঙ তলাত্তুন্ ধুরি মাঢাবো তাল্লোগান সং কনজাগাত্ গম্ অবস্থা নেই, আগেদে বানা আঘাত, মার্ হেইয়্যে দাগ্ আর লগেলগ্ ঘা। সিয়েনি সাব্ গরানা বা বানি দিয়্যে ন-অয়, তেল্লোই পিড়ে কমায়ো ন-অয়।

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 17:14

ও লগেপ্রভু, মরে গম্ গর, সেক্কে মুই গম্ ওম; মরে উদ্ধোর্ গর্, সেক্কে মুই উদ্ধোর্ পেম, কিত্তে তুয়ই মর্ বাঈনী গুরিবার মানুচ্।‍

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

যিরমিয় 46:11

“ও গাবুজ্যে মিলে মিসর, তুই গিলিয়দত্ উদিনে পীড়ে মলম আন। মাত্তর্ মিজে মিজে তুই দারু বাড়েই দুয়োর্; তর্ গম অবার্ কনঅ আজা নেই।

যিরমিয় 6:7

কূয়ো পানি যেবাবোত্যেগুরি নিত্য নাল্ আঢে সেবাবোত্যেগুরি তে তার পাজিগানি নিত্য চালু রাগায়। সিয়েন ভিদিরে অত্যেচার আর ভস্ত অনার্ রঅ শুনো যায়; তার অসুগ কধা আর আঘাত্‌‌‌‌‌‌তানি নিত্য মঅ মুজুঙোত্ আঘে।‌‌‌

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

যিহিষ্কেল 30:21

“ও মান্‌‌জ্যর পুয়োবো, মুই মিসরর্ রাজা ফরৌণর আঢ্‌তান ভাঙি দুয়োং। গম্ অবাত্তে সেই আত্ কাবড়লোই বানা ন-অয় যেনে সিয়েন লাম্বা ছুরি ধুরিবাত্তে যগাজ্যেগুরি বল্ পায়। ‌‌

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

নহূম 3:19

কন কিজুয়ে তর্ ঘা-গানরে গম্ গুরি ন-পারের্; তঅ আঘাত্‌তান সাংগাদিক্। যিগুনে তঅ হবরান্ শুন্ন্যন্ তারা পত্তিজনে তর্ পতনত্ আঢ্‌‌তালি দেদন্, কিত্যে তর্ অমকদ চিৎনপুজ্যে কামানি কন্না ন-ভুগের্?

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।