যিরমিয় 30:12 - Chakma Bible

¹² লগেপ্রভু কোইয়্যেদে, তঅ ঘা-গান গম্ গরা ন-যায়, তঅ আঘাত্‌তান চিগিৎসের্ বারেদি।‌

যিরমিয় 30:12 Iomraidhean Croise

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 15:18

কিত্তে মর্ পীড়ের্ শেজ্ নেই, কিত্তে মঅ ঘাগান গম্ ন-অয়, কিত্তে সিয়েন সারা ন-যায়? তুই কি মইধু মিজে গঙার্ আর কানক্কন্ন্যে পয়নালা পানি ধোক্ক্যেন অবে?

যিরমিয় 30:15

তঅ ঘা-গান যেক্কে গম্ গরা ন-যেবঅ সেক্কে তঅ পীড়েগানত্তে কিত্তে তুই কিজেক্ কাড়র্? তর্ বোউত্ অন্যেয় আর পাপত্তে মুই তঅ উগুরে ইয়েনি গোজ্যং।

যিরমিয় 6:7

কূয়ো পানি যেবাবোত্যেগুরি নিত্য নাল্ আঢে সেবাবোত্যেগুরি তে তার পাজিগানি নিত্য চালু রাগায়। সিয়েন ভিদিরে অত্যেচার আর ভস্ত অনার্ রঅ শুনো যায়; তার অসুগ কধা আর আঘাত্‌‌‌‌‌‌তানি নিত্য মঅ মুজুঙোত্ আঘে।‌‌‌

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

হোশেয় 5:13

“ইফ্রয়িমে যেক্কে তা পীড়েগান দেগিলো আর যিহূদা দেগিলো তা ঘাগান্ সেক্কে ইফ্রয়িমে আসিরিয়া ইন্দি ফিরিনে সাহায্যত্তে সেই মহা রাজ ইধু মানুচ্ পাধেল। মাত্তর্ তে দঅ তারে গম্ গুরি ন-পারিবো আর তা ঘাগান্অ গম্ গুরি ন-পারিবো।

মীখা 1:9

ইয়েনর কারনান্ শমরিয়ার ঘা গান আর গম্ ন-অবঅ; সিয়েন যিহূদা ইধু লুম্মেগি। সিয়েন মঅ মানুচ্চুনোর্ গেদো সং, এমন কি, যিরূশালেম সং লুম্মেগি।

নহূম 3:19

কন কিজুয়ে তর্ ঘা-গানরে গম্ গুরি ন-পারের্; তঅ আঘাত্‌তান সাংগাদিক্। যিগুনে তঅ হবরান্ শুন্ন্যন্ তারা পত্তিজনে তর্ পতনত্ আঢ্‌‌তালি দেদন্, কিত্যে তর্ অমকদ চিৎনপুজ্যে কামানি কন্না ন-ভুগের্?