যিরমিয় 3:6 - Chakma Bible

⁶ রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিরমিয় 3:6 Iomraidhean Croise

১ রাজাবলী 14:23

ইয়েন্‌বাদে তারা নিজোত্তে পত্তি অজল্‌ মুড়োগুনোর্‌ উগুরে আর পত্তি ঢেলাবলা য়েল্‌ গাজ তলে পূজোর্‌ অজল্‌ জাগায়ান্‌ ঠিগ গোজ্যন্‌ আর পবিত্র পাত্তর্‌ আর আশেরা-খুদোগুন্‌ থিদেবর গোজ্যন্‌।

২ বংশধর 34:1

যোশিয় আস্‌তো বজর্‌ বয়জত্‌ রাজা ওইয়্যে আর এগত্রিশ বজর্‌ যিরূশালেমত্‌ রাজাগিরি গোজ্যে।

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

যিশাইয় 57:3

লগেপ্রভু কত্তে, ও যাদুগুরিয়্যে মিলেবোর পুয়োগুন্, সিনেলী আর বেশ্যে মিলেবোর পুয়োগুন্, তুমি ইদু এজঅ।

যিশাইয় 57:7

তুই অজল্ মুড়ো উগুরে তঅ বিচ্ছোনান্ গোজ্যস্, আর তঅ উৎসর্বর অনুষ্ঠানানত্তে তুই সিয়েনত্ উঠ্যচ্চোই।

যিরমিয় 1:2

যিহূদার রাজা আমোনর পুয়ো যোশিয়র রাজাগিরির তের বজরত্ লগেপ্রভুর কধানি যিরমিয় ইধু ফগদাং ওইয়্যে।

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 17:2

ডেলা-পাদা ছোড়েয়্যে য়েল্ গাজর্ তলে অজল্ অজল্ মুড়ো উগুরে তারার পুজো আশেরা-মূত্তিগুন তারার পুয়ো-ছাগুনো ইধুয়ো গম্।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

যিরমিয় 5:11

ইস্রায়েল আর যিহূদার মানুচ্চুন মঅ উগুরে অমকদ অবিশ্বেজি ওইয়োন। মুই লগেপ্রভু এ কধাগান কঙর্।”

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিহিষ্কেল 16:31

তুই যেক্কে দবদা পধে পধে মূত্তির্ আসন বানেয়োচ্ সেক্কে বেশ্যের কাম গুরিনেয়ো তর্ পাওনা টেঙাগুন্ এলাফেলা গোজ্যস্।

যিহিষ্কেল 16:35

ও বেশ্যে, লগেপ্রভুর কধানি শুন্।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 23:11

তা বোন্নো অহলীবায়ো ইয়েনি বেক্কানি দেগিলো, তো তে তার্ পেরেত্যে আর বেশ্যেগিরিত্ তা বোন্নোত্তুন্ আরঅ বেশ্ ভান্ন্যেই অলঅ।

যিহিষ্কেল 23:4

তারা ভিদিরে দাঙর্‌বো নাঙান এলঅ অহলা আর তা বোন্নো নাঙান এলঅ অহলীবা। পরেদি তারা মর্ অলাক্ আর ঝি-পুয়োর্ জর্ম দিলাক্। অহলা অলঅ শমরিয়াত্ আর অহলীবা অলঅ যিরূশালেমত্।

হোশেয় 11:7

মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।

হোশেয় 4:13

মুড়ো তোগোনোত্ তারা য়েমান উৎসর্ব গরন্ আর মুড়ো উগুরে অলোন, লিব্‌‌‌নী আর এলা গাজর্ তলে যিয়েনত্ ছাবালোই আরাম দে সিয়েনত্ তারা আগর্‌বাট্টি জ্বালান। সেনত্তে তমা মিলেগুন বেশ্যে অন্ আর ফুদো বৌগুনে বেভিচের্ গরন।

বিচের গুরিয়্যেগুন 2:17

মাত্তর্‌ তো ইস্রায়েলীয়গুনে এ শাজন্ গুরিয়্যেগুনোর কধালোই কান ন-পাদিদাক্‌। লগেপ্রভু উগুরে বিশ্বেজ্ আরেইনে তারা দেব-দেবেদাগুনো ইদু নিজোরে মিজেই দিদাক্‌ আর তারারে পূজো গুরিদাক্‌। তারার্‌ পূরোণি মানুচ্চুনে লগেপ্রভুর উগুম পালন গুরিনে যে বাধ্যতার পদেন্দি চলিদাক্‌ তারা সেই পথ্‌তানন্দি ন-আদিনে কয়েকদিনো ভিদিরেই সে পথ্‌তানত্তুন্‌ সুরি যেদাক্‌।