যিরমিয় 3:25 - Chakma Bible

²⁵ এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”

যিরমিয় 3:25 Iomraidhean Croise

গীতসংহিতা 106:6

আমা পুরোণি মানুচ্চুনো ধোক্ক্যেন্ আমিয়ো পাপ গোজ্যেই; আমি অন্যেয় গোজ্যেই, ভান্ন্যেই গুরি চোল্যেই।

গীতসংহিতা 106:7

মিসরত্ থেবার সময় আমা পুরোণি মানুচ্চুনে তর্ আমক্ অবার কামানি দেগিনে কিচ্ছু ন-বুঝোন্; তারা তর্ শেজ্ ন-ওইয়্যে অমকদ কোচ্‌পানার কধায়ো মনত্ ন-রাগান্; তারা সাগর পারত্, লোহিত সাগর পারত্ উল্লোমি গোজ্যন্।

গীতসংহিতা 109:29

মঅ বিপক্কগুনে অগমানে ঢাগা যাদোক্, আর লাজ্ জিনিস্‌ছান কাবড় ধোক্ক্যেন তারার কিয়্যেনিত্ বেড়েয়্যে থোক্।

গম্ উপদেজ্ 13:18

যে মানুচ্চো শাজনান্ এলাফেলা গরে তে অভাবত্ পড়ে আর লাজ্ পায়, মাত্তর্ যে মানুচ্চো সংশোধন কধানি শুনে তে সর্মানিত অয়।

গম্ উপদেজ্ 5:13

মঅ মাস্তরুনো কধা মুই ন-শুনোং, যিগুনে মরে শিক্ষ্যে দুয়োন তারা কধা মুই কান ন-পাদং।

যিশাইয় 48:8

তুমি সিয়েন ন-শুনো আর বুঝিয়ো ন-পারঅ; আগেত্তুন্ ধুরি তমা কানানি খুলো ন-অয়। তুমি যে কিবাবোত্যে বেঈমান সিয়েন মুই হবর্ পাং, জর্মত্তুন্ ধুরি তমারে উল্লোমী কুয়ো অয়।

যিশাইয় 50:11

মাত্তর্ তুমি যিগুনে আগুন জ্বালেয়ো আর বম্বালোই নিজো বেবস্থাগান গোজ্য, তুমি বেক্কুনে যেইনে তমা আগুনো পহর্‌‌‌‌লোই আর বম্বাগুনো পহ্‌‌‌‌রান্দোই আঢ। মঅ আঢত্তুন্ তুমি যিয়েনি পেবা সিয়েনি অলঅ, পিড়েলোই তুমি পড়ি থেবা।

যিরমিয় 11:13

যিহূদার যেদক্কানি শঅর্ আর আদাম আঘে সিদুক্কুন দেব-দেবেদায়ো আঘে, আর যিরূশালেমর যেদক্কানি পথ আঘে সেই লাজ্‌গরেপারা বাল দেবেদার নাঙে আগর্‌বাট্টি জ্বালেবাত্তে সিদুক্কুন পূজোয়ো বানা ওইয়্যে।‍‍

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 14:20

ও লগেপ্রভু, আমি আমার পাজিগানি আর আমা পুরোণি মানুচ্চুনোর দুষোর্ কধানি স্বিগের্ গুরির্; আমি ঘেচ্চেকগুরি তঅ বিরুদ্ধে পাপ গোজ্যেই।

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিরমিয় 2:17

তর্ গোজেন লগেপ্রভু যেক্কে তরে ঠিগ্ পধেদি চালেয়্যে সেক্কে কি তুই তারে ছাড়িনে ইয়েনি বেক্কানি নিজো উগুরে ন-আনস্?

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

যিরমিয় 20:18

কষ্ট আর দুঘ্ দেগিবাত্তে আর লাজে মঅ জিংকানিগান কাদেবাত্তে কিত্তে মুই পেদ ভিদিরেত্তুন্ নিগিলি এলুং?

যিরমিয় 22:21

তুই যেক্কে গম্ অবস্থায় এলে সেক্কে মুই তরে উজিয়ার গোজ্যং, মাত্তর্ তুই কোইয়োচ্চে, ‘মুই ন-শুনিম।’ পৌইল্যাত্তুন্ ধুরি তঅ বেবহারান এবাবোত্যে; তুই মর্ বাধ্য ন-অচ্।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 31:19

মুই ভান্ন্যেই পধেদি যানার্ পরেদি মনত্ দুঘ্ গুরি ফিরিলুং, বুঝি পারিনে বুগ্‌‍‍কো চাবেরেলুং। মুই লাজত্ আর অগমান পেলুং, কিত্তে মর্ গাবুজ্যে বয়জর্ পাপত্তে মত্তুন অসর্মান উয়ো পোজ্যে।

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

যিরমিয় 7:19

মাত্তর্ ইয়েনি গুরিনে কি তারা মরে দুঘ্ দেদন্? আজলে তারা দঅ নিজো উগুরে লাজ্ পানাগান ডাগি আনদন্ আর নিজোরে দুঘ্ দেদন।”

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

যিরমিয় 9:18

তারা যাদিমাদি এইনে আমাত্তে আবিলেচ্ গোরোদোক্ যেধক্কন সং আমা চোগেদি পানি ভাসি ন-যায় আর চোগো পাদাত্তুন পানি বেই ন-যায়।

আবিলেচ্ 5:16

আমা মাঢাত্তুন্ মুকুট পড়ি যেইয়্যেগোই। অভিশাব্ পোড়োক্ আমার্, কিত্যেই আমি পাপ গোজ্যেই!

আবিলেচ্ 5:7

আমা পুরোণি মানুচ্চুনে পাপ গোজ্যন্; তারা ইক্কিনে আর নেই, মাত্তর্ আমি তারার্ সাজানি বুয়োই নেযের্।

যিহিষ্কেল 2:3

তে কলঅ, “ও মান্‌‌‌জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্।

যিহিষ্কেল 36:32

তুমি হবর্ পেবা যে, মুই তমাত্তে এ কামান গুরিবাত্তে ন-যাঙর্। ও ইস্রায়েল জাদ, তমা আচার-বেবহারত্তে তুমি লাজেবা আর সুদোমু অবা।

যিহিষ্কেল 44:13

তারা ধর্মগুরু ইজেবে মরে সেবা গুরিবাত্তে মইধু ন-এবাক্ বা মর্ কনঅ সুদ্ধো-সাংগ বা যদবদে সুদ্ধো-সাংগ জিনিজো ইধু এই ন-পারিবাক্; তারার্ জঘন্য আচার-বেবহারর্ লাজানাগান তারাত্তুন্ ভুগো পড়িবো।

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

হোশেয় 9:10

লগেপ্রভু কত্তে, “ধূল্যেচর-চাগালাত্ আংগুর ফল পাইদ্যে ধোক্ক্যেন গুরি ইস্রায়েলরে মুই তোগেইনে পেইয়োং; পত্তমবার ফল দিয়্যে ডোমোর্ গাজর্ আগাম ফল ধোক্ক্যেন তমা পুরোণি মানুচ্চুনোরে দেখ্যং। মাত্তর্ তারা বাল-পিয়োর ইধু যেইনে সেই লাজ্ গরেপারা মূত্তিবো ইধু নিজোরে দি দুয়োন্ আর তারার্ কোচ্‌‌পেইয়্যে মূত্তি ধোক্ক্যেন তারা জঘন্য ওই পোজ্যন্।

সফনিয় 1:17

মানুচ্চুনো উগুরে লগেপ্রভু অমকদ দুঘ্ আনিবো যিয়েনত্তে তারা কান্ মান্‌‌‌‌জ্য ধোক্ক্যেন আঢিবাক্, কিত্যেই লগেপ্রভুর বিরুদ্ধে তারা পাপ গোজ্যন্। তারার্ লো-গানি ধূল্যে ধোক্ক্যেন ফেলেই দিয়্যে অবঅ আর তারার্ কিয়্যেনি গবর ধোক্ক্যেন পড়ি থেবঅ।

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।

বিচের গুরিয়্যেগুন 2:2

তুমি এ দেজর মানুচ্চুনো সমারে কনঅ‌ চুক্তি ন-গুরিবা বরং তারার্‌ ডালিপূজোগুন ভাঙি ফেলেবা।’ মাত্তর্‌ তুমি মঅ কধার অবাধ্য ওইয়ো। তুমি কেধোক্কেন্ গুরিনে এ বাবোত্যে কাম্‌ গুরিলা।