যিরমিয় 3:10 - Chakma Bible

¹⁰ ইয়েনি অলেয়ো ইস্রায়েলর অবিশ্বেজি বোন যিহূদা বেক্ মনান্দোই নয় মাত্তর্ বানা ভান্ গুরিনে মইধু ফিরি এচ্চ্যে। মুই লগেপ্রভু এ কধাগান কঙর্।”

যিরমিয় 3:10 Iomraidhean Croise

২ বংশধর 34:33

যোশিয় ইস্রায়েলীয়গুনোর গজক্ গোজ্যে বেক্‌ দেজ্‌ছানিত্তুন্‌ জঘন্য মূত্তিগুন্‌ দূর্‌ গুরি দিলো আর ইস্রায়েলত্‌ আঝিল্ ওইয়্যে বেক্কুনোরে দিইনে তে তারার্‌ গোজেন লগেপ্রভুরে সেবা গুরিল। যেদকদিন তে বাঁজি এলঅ সেদকদিন মানুচ্চুনে তারার্‌ পূরোণি মানুচ্চুনোর্‌ গোজেন লগেপ্রভুর পধেন্দি চোল্যন্‌।

গীতসংহিতা 18:44

মঅ কধানি শুনিলে তারা মঅ অধিনতা স্বীগের্ গরন্; উল্লোমি মনভাব্‌পোই বিদেশিগুনে মর্ বাধ্য অন্।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 31:6

ও ইস্রায়েলীয়গুন্, তুমি যিবের্ বিরুদ্ধে এদক্ উল্লোমী গোজ্য তাইদু ফিরি এজঅ,

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 12:2

তুয়ই তারারে লাগেয়োচ্ আর তারা শিঙোর্ বোজেয়োন; তারা দাঙর্ অন আর তারার গুলোগুলি ধরন। মুয়োদি তারা আমিঝে তঅ কধা কন্ মাত্তর্ তারার মনান তত্তুন দূরোত্ থায়।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

হোশেয় 7:14

তারা বিচ্ছোন উগুরে তারা আবিলেচ্ হান্, মাত্তর্ তারা মনে-পরাণে মইদু ন-কানন্। শোজ্য আর নূয়ো আংগুর-রস পেবাত্তে তারা এগত্তর্ অন্ আর মঅ বিরুদ্ধে উল্লোমী গরন্।

আমোষ 4:9

মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

মালাখি 2:11

যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।