যিরমিয় 29:9 - Chakma Bible

⁹ তারা মঅ নাঙে মিজে কধা কন্। মুই লগেপ্রভু তারারে ন-পাদাং।

যিরমিয় 29:9 Iomraidhean Croise

যিরমিয় 23:21

এই ভাববাদীগুনোরে মুই ন-পাদাং, তো তারা আওজ্ গুরিনে তারার হবরান মানুচ্চুনোরে জানেয়োন; মুই তারারে কনঅ কধা ন-কং, তো তারা কধা কোইয়োন।

যিরমিয় 27:14

সেই ভাববাদীগুনোর কধা ন-শুনিবা যিগুনে তমারে কন, ‘তুমি কনদিন্‌অ বাবিলো রাজার চাগর ন-অবা’; তারা তমা ইধু মিজে আগাম্ কধা কন।

যিরমিয় 27:15

লগেপ্রভু কোইয়্যেদে, ‘মুই তারারে ন-পাদাং। তারা মঅ নাঙে মিজে আগাম্ কধা কন। সেনত্তে মুই তমারে আর তমা ইধু যিগুনে আগাম কধা কন সেই ভাববাদীগুনোরে দুর্ গুরি দিম আর তুমি বেক্কুনে ভস্ত ওই যেবা।’ ”

যিরমিয় 29:21

কোলায়র পুয়ো আহাব আর মাসেয়র পুয়ো সিদিকিয়, যিগুনে মঅ নাঙে তমা ইধু মিজে কধা কদন্ তারা পৌইদ্যেনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই বাবিলোর রাজা নবূখদ্‌নিৎসর আঢত্ তারারে তুলি দিম্, আর তে তমা চোগো মুজুঙোত্ তারারে মারে ফেলেব।

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

যিরমিয় 29:31

“তুই বেক বন্দীগুনো ইধু এ হবরান পাধেই দে, নিহিলামীয় শমরিয় পৌইদ্যেনে লগেপ্রভু কোইয়্যেদে, ‘মুই শময়িয়রে ন-পাদাং, তো তে তমা ইধু নিজোরে ভাববাদী ইজেবে দেগেইনে মিজে কধালোই তমারে বিশ্বেজ্ গোরেয়্যে।

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।