যিরমিয় 29:32 - Chakma Bible

³² মুই হামাক্কায় নিহিলামীয় শময়িয় আর তা বংশধরুনোরে সাজা দিম। এ জাদ্‌‌‌তো ভিদিরে তার কনজন ন-থেবাক্ আর মুই মঅ মানুচ্চুনোত্তে যেদক্কানি ভালেদি গুরিম সিয়েনঅ তে ন-দেগিবো, কিত্তে তে মঅ বিরুদ্ধে উল্লোমী ফগদাং গোজ্যে। মুই লগেপ্রভু এ কধাগান কঙর্।’ ”

যিরমিয় 29:32 Iomraidhean Croise

১ রাজাবলী 13:18

জোবত্‌ সে ভাববাদীবো কলঅ, “মুই তঅ ধোক্কেন্‌ ইক্কো ভাববাদী। লগেপ্রভুর কধামজিম্‌ ইক্কো স্বর্গদূতে মরে কোইয়্যেদে যেনে মুই তরে মঅ ঘরত্‌ ফিরেই নেযাং যেনে তুই হানা আর পানি হেই পারচ্‌।” মাত্তর্‌ তে তারে মিজে কধা কলঅ।

২ রাজাবলী 5:27

সেনত্তে নামানর্‌ ফারাঙিগান্‌ তর্‌ আর তর্‌ বংশধরুনোর্‌ ভিদিরে জিংকানিবর্‌ লাগি থেবঅ।” সেক্কে গেহসি ইলীশায়র মুজুঙেত্তুন্‌ আদি গেলঅ আর তা কিয়্যেগান্‌ ফারাঙিয়্যে দুব্‌ ওই গেলঅ।

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যিশাইয় 14:20

তুই অন্য রাজাগুনো ধোক্ক্যেন্ গোর্ ন-পেবে, কিত্তে তঅ দেজ্‌ছানরে তুই ভস্ত গোজ্যস্ আর তঅ মানুচ্চুনোরে মারে ফেল্যচ্। পাজিগুনোর্ বংশধরুনোর কধা আর কনদিন্অ তুলো ন-অবঅ।

যিশাইয় 14:22

বেগত্তুন্ খেমতাবলা লগেপ্রভু কোইয়্যেদে, “মুই তারা বিরুদ্ধে উদিম্; বাবিলো নাঙান্ আর তার বাঁজি থেইয়্যে মানুচ্চুনোরে আর তা বংশধরুনোরে মুই এক্কুবারে শেজ্ গুরি দিম্।

যিরমিয় 17:6

তে অবদে পুরি থেইয়্যে ভূইয়োত্ এক্কো ঝুবো ধোক্ক্যেন; গম্ সময় এলে তে সিয়েন ন-দেগিবো। ধূল্যেচর-চাগালাত্ গরম শুগুনো জাগাত্, অত্তাৎ যিয়েনত্ কনজন বজত্তি ন-গরন এবাবোত্যে নুন্‌‌‍‌জো জাগাত্ তে বজত্তি গুরিবো। ‍‌

যিরমিয় 20:6

আর ও পশ্‌হূর, তরে আর তঅ ঘরর বেক্কুনোরে বন্দী গুরি বাবিলোত্ নেযা অবঅ। সিদু তুই মুরিবে আর তরে গোর্ দিয়্যে অবঅ; তর্ যিদুক্কুন সমাজ্যে ইধু তুই ভাববাদী ইজেবে কধা কবার অক্তত্ মিজে কধা কোইয়োচ্ তারার বেক্কুনোর এক্কুই দযা অবঅ।’ ”

যিরমিয় 22:30

লগেপ্রভু কোইয়্যেদে, “তুই লেগ্, এ মানুচ্চোর যেন কনঅ পুয়ো-ছা নেই। তে তার জিংকানিকালত্ ফোলেই ন-পারিবো আর তার কনঅ পুয়ো-ছায়ো গম্ ন-অবাক। তারাত্তুন কনজনে দায়ূদোর সিংহাসনত্ ন-বজিবাক্ বা যিহূদা দেজঅ উগুরে রাজাগিরি ন-গুরিবাক্।”

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

যিরমিয় 29:24

লগেপ্রভু যিরমিয়রে নিহিলামীয় শময়িয়রে কবাত্তে কলঅ,

যিরমিয় 30:1

লগেপ্রভুত্তুন্ এ কধাগান যিরমিয় ইধু ফগদাং অলঅ,

যিরমিয় 35:19

সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মর্ সেবা গুরিবাত্তে রেখবর পুয়ো যিহোনাদবর বংশত্ কনদিন্‌অ মান্‌জ্যর অভাব ন-অবঅ।” ‌‍‍

যিরমিয় 36:31

মুই তর্ আর তঅ ঝি-পুয়োগুনোর আর তঅ চাগরুনোর ভান্ন্যেই কামানিত্তে তমারে সাজা দিম; মুই তমা বিরুদ্ধে যেদক্কানি দজার্ কধা কোইয়োং সিয়েনি বেক্কানি তমা উগুরে আর যিরূশালেম আর যিহূদা মানুচ্চুনো উগুরে আনিম, কিত্তে তুমি কধা ন-শুনো।’ ”

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

আমোষ 9:10

মর্ বেক পাপী মানুচ্চুনো ভিদিরে যিগুনে কন্, ‘অমংগলে আমারে লাগত্ ন-পেবঅ বা আমা ইধু ন-এবঅ,’ তারা বেক্কুনে যুদ্ধোত্ মুরিবাক্।”

দ্বি’লম্বর বিররণ 13:5

সেই ভাববাদী বা সেই স্ববনে-দেখ্যে মানুচ্চোরে মারে ফেলা পুরিবো, কিত্যে তমার গোজেন লগেপ্রভু, যিবে মিসরত্তুন্‌ তমারে নিগিলেই আন্যে আর সেই চাগর্‌ খাদানার দেজত্তুন্‌ তমারে উদ্ধোর গোজ্যে, তে তা বিরুদ্ধে উল্লোমির উচ্চোমি দিয়্যে আর তমার গোজেন লগেপ্রভু যে পদেন্দি চলিবাত্তে তমারে উগুম্‌ দিয়্যে সে পধত্তুন্‌ তমারে ফিরেবাত্তে চেট্টা গোজ্যে। তমা ভিদিরেত্তুন্‌ সেই ভান্ন্যেইয়ানি তুমি শেজ্ গুরি দিবা।