যিরমিয় 29:26 - Chakma Bible

²⁶ তুই সফনিয়রে লেখ্যচ্, ‘লগেপ্রভু তরে যিহোয়াদার জাগানত্ ধর্মগুরু বানেয়্যে যেনে লগেপ্রভুর ঘরর্ ভারান তঅ উগুরে থায়। কনঅ পাগল যুনি ভাববাদী ধোক্ক্যেন কাম গরে সালে গাজকট্টা আর গত্তনাত্ লুয়ো চিগোল্লোই তারে তত্তুন্ থামানা উজিত্।

যিরমিয় 29:26 Iomraidhean Croise

২ রাজাবলী 11:15

সেক্কে ধর্মগুরু যিহোয়াদা যিগুনো উগুরে সৈন্যদলর ভারান্ এলঅ সে শত উগুরে সেনাপতিগুনোরে এ উগুমান দিলো, “তারে সৈন্যগুনোর সুরোর্‌ সংমোধ্যে রাগেইনে ইয়োত্তুন্‌ নিগিলেনে নেযঅ। যে তার্‌ পিজে পিজে এবঅ তারে মারে ফেলেবে।” ইয়েন আগেন্দি তে উগুম দিয়্যেদে, লগেপ্রভুর ঘর ভিদিরে অথলিয়ারে মারে ফেলানা গম্‌ ন-অবঅ।

২ রাজাবলী 11:18

সে পরেন্দি দেজর্‌ বেক্‌ মানুচ্চুনে বাল দেবেদার মন্দিরোত্‌ যেইনে সিয়েন্‌ ভাঙি ফেলেলাক্‌। তারা সে জাগানর্‌ ডালিপূজোগুন আর মূত্তিগুন্‌ ভাঙিনে কট্টা কট্টা গুরি ফেলেলাক্‌ আর বাল দেবেদার ধর্মগুরু মত্তনরে পূজোগুনোর্‌ মুজুঙোত্‌ মারে ফেলেলাক্‌। পরেন্দি ধর্মগুরু যিহোয়াদা লগেপ্রভুর ঘরত্‌ চুগিদার নেযেল।

২ রাজাবলী 9:11

যেহূ নিগিলিনে যেক্কে তা সমাজ্যে সেনাপতিগুনো ইদু গেলঅ সেক্কে তারাত্তুন্‌ একজনে তারে পূযোর্‌ গুরিলো, “বেক্কানি ঠিগ্‌ আঘে দঅ? সে পাগল্লো তমা ইদু কিত্তেই এচ্ছে?” জোবত্‌ যেহূ কলঅ, “তুমি দঅ মানুচ্চোরে চিনো আর তে কেধোক্ক্যেন্‌ কধা কয় সিয়েন্‌ অ তুমি হবর্‌ পঅ।”

২ বংশধর 16:10

এ কধাগান শুনিনে আসা সে দর্শক উগুরে অমকদ রাগ্‌ গুরিনে তারে জেল্‌খানাত্‌ পাধেই দিলো। একই সময়োত্‌ আসা কয়েক্কো মান্‌জ্য উগুরে অত্যেচার্‌ গুরিলো।

২ বংশধর 18:26

তারারে কঅ রাজা কোইয়্যেদে এ মানুচ্চোরে যেনে জেলোত্‌ রাগা অয় আর রাজা গমেডালে ফিরি ন-এযানা সং তারে কিজু পানি আর কিজু রুটি বাদে আর কিচ্ছু দিয়্যে ন-অয়।”

যিরমিয় 29:27

সেনত্তে অনাথোদর্ যিরমিয় যেক্কে তমা ইধু ভাববাদী ধোক্ক্যেন কধা কোইয়্যে সেক্কে তারে তুই সাজা ন-দুয়োচ্ কিত্তে?

যিরমিয় 38:28

যেদক্ দিন সং বাবিলীয়গুনে যিরূশালেমান গজক্ গুরিলাক্ সেদকদিন সং যিরমিয় চুগিদারুনোর সেই উদোনত্ রলঅ।

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

মথি লেখ্যে গম্ হবর্ 21:23

যীশু উবোসনা-ঘরত্ ফিরি গেলঅ। যেক্কে তে সিয়েনত্ শিক্ষ্যে দের্ সেক্কে আজল্ ধর্মগুরুগুনে আর যিহূদীগুনোর্ বুড়ো নেতাগুনে তাইধু এইনে পুযোর্ গুরিলাক্, “তুই কন্ অধিকারে ইয়েনি গরর্? কন্না তরে এই অধিকারান্ দিয়্যে?”

মার্ক 3:21

যীশুর নিজো মানুচ্চুনে এ হবরান্ শুনিনে তারে নিগিলেই নিবাত্তে এলাক্। তারা কলাক্, “তে পাগল ওই যেইয়্যে।”

যোহন 10:20

তারা ভিদিরেত্তুন্ ভালোক্‌জনে কলাক্, “তারে ভূদে পেইয়্যে, তে পাগল্; তুমি তা কধা কিত্ত্যে শুন্নো?”

যোহন 10:33

নেতাগুনে জোবত্ কলাক্, “গম্ কামত্যে আমি তরে পাত্তর্ ন-মারিই, মাত্তর্ তুই গোজেন বিরুদ্ধে অগমান কধা কর্ ক্যেনে মারিই। মানুচ্‌ ওইনেয়ো তুই নিজোরে গোজেন বিলিনে দাবী গরর্।”

যোহন 8:53

তে দঅ মুরি যেইয়্যে আর ভাববাদীগুনেয়ো মুরি যেইয়োন্। তুই নিজোরে কি মনে গরচ্?”

প্রেরিত্‌ 16:24

জেল-নেতাবো সেই উগুমান পেইনে পৌল আর সীলরে জেল ভিদিরে ঘরত্ নেযেল আর গাচ্‌কল্ দিইনে তারার্ টেঙানি বানি থলাক্।

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 26:24

পৌলে এবাবোত্যেগুরি যেক্কে নিজো পক্ষে কধা কর্ সেক্কে ফীষ্ট তারে মানা গুরি রঅ ছাড়িনে কলঅ, “পৌল, তুই পাগল্ ওই যেয়োচ্। তুই বোউত্ পড়াশুনো গোজ্জ্যস্ আর সেই পড়াশুনোগানে তরে পাগল্ বানেয়্যে।”

প্রেরিত্‌ 26:25

সেক্কে পৌলে কলঅ, “মান্যবর্ ফীষ্ট, মুই পাগল্ নয়। মুই যিয়েন্ কঙর্ সিয়েন সত্য আর যুক্তিবলা।

প্রেরিত্‌ 4:1

পিতর আর যোহনে যেক্কে মানুচ্চুনো সমারে কধা কদন্ সেক্কে ধর্মগুরুগুনে, উবোসনা-ঘরর্ আজল্ কামগুরিয়্যেবো আর সদ্দূকীগুনে তারা ইধু এলাক্।

প্রেরিত্‌ 5:18

তারা দিপাধেয়্যে প্রচারক্কুনোরে ধুরিনে সরকারী জেলোত্ দিলাক্।

প্রেরিত্‌ 5:24

এ কধাগান শুনিনে উবোসনা-ঘরর্ আজল্ চাগর্‌বো আর আজল্ ধর্মগুরুগুনে বুদ্ধি-আরা ওইনে ভাবদন্ ইয়েনর ফল্ কি অবঅ।

২ করিন্হীয় 11:33

মাত্তর্ দেবাল ভিদিরে যে জানালা এলঅ সিয়েন্অ ভিদিরেদি মরে খারাঙত্ গুরিনে লামেই দিয়্যে ওইয়্যে, আর এবাবোত্যে গুরি মুই তা আঢত্তুন্ ধেই যেইয়োং।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।