যিরমিয় 29:22 - Chakma Bible

²² বাবিলোত্ থেইয়্যে যিহূদার বেক বন্দীগুন তারা কধানি ইদোত্ গুরিনে এ অভিশাব্‌পান বেবহার গুরিবাক্, ‘লগেপ্রভু তরে সিদিকিয় আর আহাব ধোক্ক্যেন গোরোক্, যিগুনোরে বাবিল রাজা আগুনোত্ পুজ্যে,’

যিরমিয় 29:22 Iomraidhean Croise

পত্থম 48:20

সে পরেদি ইস্রায়েল পুয়ো দ্বিবেরে বর্ দিলো আর কলঅ, “ইস্রায়েলীগুনে কাররে বর্ দিবার্‌ অক্তত্‌ তমা নাঙানি কবাক্, ‘গোজেনে তরে ইফ্রয়িম আর মনঃশি ধোক্ক্যেন গোরোক্‌।’” ইয়েন্‌ কোইনে তে মনঃশিত্তুন্‌ ইফ্রয়িমরে দাঙর্‌ বানেল।

গীতসংহিতা 102:8

শত্রুগুনে দিনে-রেদে মরে নিইনে ঠাট্টা-তামাজা ঘরন্; মঅ উগুরে যিগুনে রাগ জুলি আগন্; তারা মঅ নাঙান্ অভিশাব ইজেবে বেবহার গরন্।

যিশাইয় 65:15

মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

দানিয়েল 3:21

সেক্কে উই তিন জনরে সিলুম, পাজামা, মাপালার্ আর অন্য কাবড়-চুগোর উজ্যে অবস্থায় বানিনে জোল্‌‌‌‌‌‌‌‌‌‌‌‌জোল্যে আগুনো চুলোত্ ফেলেই দিয়্যে অলঅ।

দানিয়েল 3:6

যে মানুচ্চুনে মাঢা নিগিরি পড়িনে জু জু ন-জানেবাক্ তারে সেক্কে জোল্‌জোল্যে আগুনো চুলোত্ ফেলে দিয়্যে অবঅ।‌‌”

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

রূত 4:11

সেক্কে যিগুনে গেদোত্‌ বোই এলাক্‌ তারা আর সেই বুড়ো মুরুব্বীগুনে বেক্কুনে কলাক্, “অয়, আমি সাক্ষী অবং। যে মিলেবো তঅ ঘরত্‌ যার্‌ লগেপ্রভু বর্ দোক্ যেনে তে রাহেল আর লেয়া ধোক্ক্যেন অয়, যিগুনে ইস্রায়েল জাদ্‌তোরে দোল্ পদথ্‌ আন্যন। ইফ্রাথাত্‌ তুই ধন সোম্বোত্তি লাভ গুরিচ্‌ আর বৈথলেহমত বেক্কুনে তর্‌ নাঙান্‌ গিনোদোক্।