যিরমিয় 29:16 - Chakma Bible

¹⁶ মাত্তর্ দায়ূদোর সিংহাসনত্ বোস্যে রাজার পৌইদ্যেনে আর এ শঅরর্ বাদবাগি বেক্ মানুচ্চুনো পৌইদ্যেনে, অত্তাৎ তমা দেজর্ মানুচ্ যিগুনে তমা লগে বন্দী ওইনে ন-যান তারার বেক্কুনো পৌইদ্যেনে লগেপ্রভু কোইয়্যেদে,

যিরমিয় 29:16 Iomraidhean Croise

২ বংশধর 36:11

সিদিকিয় এগোজ্‌ বজর্‌ বয়জত্‌ রাজা ওইয়্যে আর এগার বজর্‌ যিরূশালেমত্‌ রাজাগিরি গোজ্যে।

যিরমিয় 24:2

এক্কো কাল্যঙত্ এলাক্ পত্তমে পাক্যে ডোমোর ধোক্ক্যেন অমকদ গম্ ডোমোর, আর অন্যবোত্ এলাক্ অমকদ বজং ডোমোর, এদক্ বজং যে, হা ন-যায়।

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 29:3

শাফনর পুয়ো ইলিয়াসা আর হিল্কিয়র পুয়ো গমরিয়রে যিহূদার রাজা সিদিকিয় রাজা নবূখদ্‌নিৎসর ইধু পাদেয়্যে, আর তারা ইধু যিরমিয় চিদিগান দিয়্যে। সিয়েনত্ লেগা এলদে:

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”