যিরমিয় 29:11 - Chakma Bible

¹¹ তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

যিরমিয় 29:11 Iomraidhean Croise

ইয়োব 23:13

মাত্তর্ তে বেক্কানিত্ থির্ থায়, কনজনে তারে মানা গুরি ন-পারন্; তার্ যিয়েন হুজি তে সিয়েনই গুরিদো।

গীতসংহিতা 33:11

মাত্তর্ লগেপ্রভুর সল্লাগানি উমরত্তে টিগি থায়; তা মনান্ যুগে যুগে থিদেবর্ থায়।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

যিশাইয় 27:4

তা উগুরে মর্ রাগ নেই। আহ্, কাদা ঝুব্‌পুনে আর কাদা ঝারানিয়ে যেন মঅ বিরুদ্ধে থিয়েইয়্যে!‍‍‍ সালে মুই তারারে টেঙোই উরিম্ আর সিয়েনি বেক্কানি পুড়ি ফেলেই দিম্।

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 24:5

মুই ইস্রায়েলর গোজেন লগেপ্রভু কঙর্, যিহূদাত্তুন যে বন্দীগুনোরে মুই ইত্তুন বাবিলীয়গুনোর দেজত্ পাদেয়োং তারারে মুই এই গম্ ডোমোর ধোক্ক্যেন মনে গুরিম।

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 30:9

সিয়েনর বদলে তারা তারার গোজেন লগেপ্রভুর আর তারার রাজা দায়ূদোর এক্কো বংশধররে সেবা গুরিবাক্ যিবেরে মুই তারার রাজা বানেম।

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

যিহিষ্কেল 11:16

সেনত্তে মুই প্রভু লগেপ্রভু যিয়েনি কঙর্ সিয়েনি তুই তঅ মানুচ্চুনোরে কঅ, মুই যুনিয়ো অন্য জাদ ভিদিরে তারারে পাধেই দুয়োং আর নানান্ দেজত্ ছিদি দুয়োং তো যেদক্কানি দেজত্ তারা যেইয়োন সিয়েনিত্‌অ এই কয়েক দিনোত্তে মুয়ই তারার্ সুদ্ধো-সাংগ জাগা ওইয়োং।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

মীখা 4:12

মাত্তর্ তারা লগেপ্রভুর পরিকল্পনাগানর কধা হবর্ ন-পান; তারা বুঝি ন-পারন যে, তে শোজ্যবনা ধোক্ক্যেন্ খামারত্ মাড়িবাত্তে তারারে এগত্তর্ গোজ্যে।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”